6000mAh ಬ್ಯಾಟರಿ, 18W ಫಾಸ್ಟ್​ ಚಾರ್ಜಿಂಗ್​ನ ಪೋಕೋ M​3 ಈಗ 4GB RAMನಲ್ಲಿ ಲಭ್ಯ: ಬೆಲೆ ಕೇವಲ…

ಭಾರತದಲ್ಲಿ ಬಜೆಟ್ ಮತ್ತು ಮಧ್ಯಮ ಬೆಲೆಗೆ ಆಕರ್ಷಕ ಸ್ಮಾರ್ಟ್​​ಫೋನ್​ಗಳನ್ನು ಬಿಡುಗಡೆ ಮಾಡಿ ಸೈ ಎನಿಸಿಕೊಂಡಿರುವ ಪೋಕೋ (Poco) ಸಂಸ್ಥೆ ಸದ್ಯ ತನ್ನ ಪೋಕೋ M​3 (Poco M3) ಫೋನನ್ನು ಹೊಸ ಆಯ್ಕೆಯಲ್ಲಿ ರಿಲೀಸ್ ಮಾಡಿದೆ. ಪೋಕೋ ಎಮ್2 ಯಶಸ್ವಿಯಾದ ಬಳಿಕ ಲಾಂಚ್ ಮಾಡಿದ ಎಮ್​3 ಕೂಡ ಅತ್ಯುತ್ತಮ ಸೇಲ್ ಕಂಡಿತ್ತು. ಆದರೆ, ಈ ಫೋನ್ 4GB RAM ಆಯ್ಕೆಯಲ್ಲಿ ಲಭ್ಯವಿರಲಿಲ್ಲ. ಸದ್ಯ ಈ ಆಯ್ಕೆಯಲ್ಲಿ ಬಿಡುಗಡೆ ಮಾಡಿ ಸೇಲ್ ಮಾಡುತ್ತಿದೆ.

ಈಗ ಪೋಕೋ M​3 ಸ್ಮಾರ್ಟ್​ಫೋನ್ ಒಟ್ಟು ಮೂರು ಮಾದರಿಯಲ್ಲಿ ಖರೀದಿಗೆ ಲಭ್ಯವಿದೆ. ಹೊಸದಾಗಿ ಬಿಡುಗಡೆ ಆದ 4GB RAM ಮತ್ತು 64GB ಸ್ಟೋರೆಜ್ ಸಾಮರ್ಥ್ಯಕ್ಕೆ ಕೇವಲ 10,499 ರೂ. ಆಗಿದೆ. 6GB RAM ಮತ್ತು 64GB ಸ್ಟೋರಜ್ ಆಯ್ಕೆಗೆ 11,499 ರೂ. ಹಾಗೂ 6GB RAM – 128GB ಸ್ಟೋರೆಜ್​ಗೆ 12,499 ರೂ. ಇದೆ. ಪ್ರಸಿದ್ಧ ಇ ಕಾಮರ್ಸ್​ ತಾಣವಾದ ಫ್ಲಿಪ್​ಕಾರ್ಟ್​​ನಲ್ಲಿ ಈ ಸ್ಮಾರ್ಟ್​​ಫೋನ್ ಖರೀದಿಸಬಹುದು.

ಏನು ವಿಶೇಷತೆ?:

ಪೋಕೋ M3 ಸ್ಮಾರ್ಟ್​​ಫೋನ್ 6.53-ಇಂಚಿನ ಐಪಿಎಸ್ ಎಲ್ಸಿಡಿ ಪರದೆಯನ್ನು ಹೊಂದಿದ್ದು, 1080 × 2340 ಪಿಕ್ಸೆಲ್ ರೆಸಲ್ಯೂಶನ್ ಒಳಗೊಂಡಿದೆ. ಈ ಸ್ಮಾರ್ಟ್​ಫೋನ್ ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ 3 ಪರದೆಯನ್ನು ಹೊಂದಿದ್ದು, ಜತೆಗೆ ಸ್ಕ್ರೀನ್ ಪ್ರೊಟೆಕ್ಟರ್ಗಳನ್ನೂ ಸಹ ನೀಡುತ್ತಿದೆ. ಕ್ವಾಲ್ಕಾಮ್ ಸ್ನ್ಯಾಪ್ಡ್ರ್ಯಾಗನ್ 662 ಚಿಪ್ಸೆಟ್​ ಬಲದಿಂದ ಕೂಡಿದೆ.

ವಿಶೇಷವಾಗಿ ತ್ರಿವಳಿ ರಿಯರ್ ಕ್ಯಾಮೆರಾ ಮತ್ತು ಸಿಂಗಲ್ ಫ್ರಂಟ್ ಕ್ಯಾಮೆರಾವನ್ನು ಹೊಂದಿದೆ. ಹಿಂಭಾಗದಲ್ಲಿ 48 ಎಂಪಿ, ಎಫ್ / 1.8 ಮುಖ್ಯ ಕ್ಯಾಮೆರಾ ಸಂವೇದಕವನ್ನು ಪಿಡಿಎಎಫ್ ಹೊಂದಿದೆ. ಇದರೊಂದಿಗೆ 2 ಎಂಪಿ ಎಫ್ / 2.4 ಮ್ಯಾಕ್ರೋ ಸೆನ್ಸರ್ ಮತ್ತು 2 ಎಂಪಿ ಎಫ್ / 2.4 ಡೆಪ್ತ್ ಸೆನ್ಸಾರ್ ಇರುತ್ತದೆ. ಕ್ಯಾಮೆರಾ ಸೆಟಪ್ 30fps ನಲ್ಲಿ 1080p ವೀಡಿಯೊವನ್ನು ರೆಕಾರ್ಡ್ ಮಾಡುವ ಸಾಮರ್ಥ್ಯ ಹೊಂದಿದೆ. ಮುಂಭಾಗದಲ್ಲಿ 8 ಎಂಪಿ ಎಫ್ / 2.1 ಕ್ಯಾಮೆರಾ ಇದ್ದು, ಮತ್ತೆ 10 ಎಫ್ಪಿ ವಿಡಿಯೋವನ್ನು 30 ಎಫ್ಪಿಎಸ್ನಲ್ಲಿ ರೆಕಾರ್ಡ್ ಮಾಡುವ ಸಾಮರ್ಥ್ಯವನ್ನೂ ಹೊಂದಿದೆ.

ಇನ್ನೂ 6000mAh ಸಾಮರ್ಥ್ಯದ ಬಲಿಷ್ಠ ಬ್ಯಾಟರಿ ಮತ್ತು 18Wನ ಅತ್ಯಂತ ವೇಗದ ಚಾರ್ಜಿಂಗ್ ಬೆಂಬಲ ಸಹ ಇದೆ. ಬ್ಯಾಟರಿ ರಿವರ್ಸ್ ಚಾರ್ಜಿಂಗ್ ಸಾಮರ್ಥ್ಯವನ್ನು ಹೊಂದಿದೆ. ಏಕಕಾಲದಲ್ಲಿ ಎರಡೂ ಸಿಮ್ ಕಾರ್ಡ್​​ಗಳಿಗೆ ಡ್ಯುಯಲ್–ಬ್ಯಾಂಡ್ ವೈ–ಫೈ, ಡ್ಯುಯಲ್ VoLTE ಮತ್ತು ಡ್ಯುಯಲ್ VoWiFi ಬೆಂಬಲವನ್ನು ಸಹ ಹೊಂದಿದೆ.

ಜಿಯೋ ಗ್ರಾಹಕರೇ ಗಮನಿಸಿ: ಮೈ ಜಿಯೋ ಆ್ಯಪ್​ನಲ್ಲಿ ಸಿಗುತ್ತೆ ಫ್ರೀ ಡೇಟಾ, ಹೇಗೆ ಪಡೆಯುವುದು?

iPhone 13: ಐಫೋನ್ ಪ್ರಿಯರಿಗೆ ಭಾರೀ ನಿರಾಸೆ: ಐಫೋನ್ 13 ರಲ್ಲಿ ಇರಲ್ಲ ಈ ಆಯ್ಕೆ

(Poco M3 New 4GB RAM Variant Silently Debuts in India Price Specifications here)