Jio Game Controller: ಜಿಯೋ ಗೇಮ್ ಕಂಟ್ರೋಲರ್ ಬಿಡುಗಡೆ: ಗೇಮಿಂಗ್ ಪ್ರಿಯರು ಫುಲ್ ಫಿದಾ
ಜಿಯೋ ಇದೀಗ ಭಾರತದಲ್ಲಿ ಹೊಸ ಗೇಮ್ ಕಂಟ್ರೋಲರ್ (Jio Game Controller) ಅನ್ನು ಅನಾವರಣ ಮಾಡಿದೆ. ಈ ಸಾಧನವು Android ಟ್ಯಾಬ್ಲೆಟ್‌ಗಳು ಮತ್ತು ಆಂಡ್ರಾಯ್ಡ್ ಟಿವಿ (Android TV) ಗಳಿಗೆ ಹೊಂದಿಕೊಳ್ಳುವ ವೈರ್‌ಲೆಸ್ ಗೇಮಿಂಗ್ ಕಂಟ್ರೋಲರ್ ಆಗಿದೆ.
ದೇಶದ ಟೆಲಿಕಾಂ ಮಾರುಕಟ್ಟೆಯಲ್ಲಿ ನಂಬರ್ ಒನ್ ಸ್ಥಾನದಲ್ಲಿರುವ ರಿಲಯನ್ಸ್ (Reliance) ಒಡೆತನದ ಜಿಯೋ ಇದೀಗ ಭಾರತದಲ್ಲಿ ಹೊಸ ಗೇಮ್ ಕಂಟ್ರೋಲರ್ (Jio Game Controller) ಅನ್ನು ಅನಾವರಣ ಮಾಡಿದೆ. ಈ ಸಾಧನವು Android ಟ್ಯಾಬ್ಲೆಟ್‌ಗಳು ಮತ್ತು ಆಂಡ್ರಾಯ್ಡ್ ಟಿವಿ (Android TV) ಗಳಿಗೆ ಹೊಂದಿಕೊಳ್ಳುವ ವೈರ್‌ಲೆಸ್ ಗೇಮಿಂಗ್ ಕಂಟ್ರೋಲರ್ ಆಗಿದೆ. ಈ ಗೇಮ್ ಕಂಟ್ರೋಲರ್ ಪರಿಚಿತ ಬಟನ್‌ದೊಂದಿಗೆ ಕ್ಲಾಸಿಕ್ ಮತ್ತು ಹಗುರವಾದ ವಿನ್ಯಾಸವನ್ನು ಹೊಂದಿದೆ. ಇದು ತಲ್ಲೀನಗೊಳಿಸುವ ಗೇಮಿಂಗ್ ಅನುಭವಕ್ಕಾಗಿ ಎರಡು ಕಂಪನ ಮೋಟಾರ್‌ಗಳು ಮತ್ತು ಎರಡು ಪ್ರೆಸರ್‌-ಪಾಯಿಂಟ್ ಟ್ರಿಗ್ಗರ್‌ಗಳನ್ನು ಹೊಂದಿದೆ ಎಂದು ಕಂಪನಿ ತಿಳಿಸಿದೆ. ಹಾಗಾದ್ರೆ ಈ ನೂತನ ಜಿಯೋ ಗೇಮ್ ಕಂಟ್ರೋಲರ್ ಸಾಧನವು ಹೇಗಿದೆ? ಇದರ ಬೆಲೆ ಎಷ್ಟು ಎಂಬುದನ್ನು ನೋಡೋಣ.
ಈ ಕಂಟ್ರೋಲರ್ ಅನ್ನು ವೈಡ್‌ ರೇಂಜ್‌ ಬ್ಲೂಟೂತ್ ಆಕ್ಟಿವ್‌ ಮಾಡಿದ ಆಂಡ್ರಾಯ್ಡ್ ಡಿವೈಸ್‌ಗಳೊಂದಿಗೆ ಸೆಟ್ ಮಾಡಬಹುದಾಗಿದೆ. 10 ಮೀಟರ್ ದೂರದ ವರೆಗೆ ವಾಯರ್‌ಲೆಸ್ ರೇಂಜ್‌ ಅನ್ನು ಹೊಂದಿದೆ ಎಂದು ಕಂಪನಿ ಹೇಳಿಕೊಂಡಿದೆ. ಅತ್ಯುತ್ತಮ ಗೇಮಿಂಗ್ ಅನುಭವಕ್ಕಾಗಿ, ಗ್ರಾಹಕರು ಜಿಯೋ ಸೆಟ್-ಟಾಪ್-ಬಾಕ್ಸ್‌ನೊಂದಿಗೆ ಈ ಸಾಧನವನ್ನು ಬಳಸಬೇಕು ಎಂದು ಕಂಪನಿಯು ಸೂಚಿಸಿದೆ. ಗೇಮ್ ಕಂಟ್ರೋಲರ್ ಸಾಧನವು ಚಾರ್ಜ್ ಮಾಡಬಹುದಾದ Li-ion ಬ್ಯಾಟರಿಯನ್ನು ಹೊಂದಿದ್ದು, ಇದು 8 ಗಂಟೆಗಳವರೆಗೆ ಬ್ಯಾಕಪ್ ನೀಡುತ್ತದೆ. ಇದನ್ನು ಚಾರ್ಜ್ ಮಾಡಲು ಮೈಕ್ರೋ-ಯುಎಸ್‌ಬಿ ಪೋರ್ಟ್ ಅನ್ನು ನೀಡಲಾಗಿದೆ.
Vivo Y33e 5G: ಸದ್ದಿಲ್ಲದೆ ಬಜೆಟ್ ಬೆಲೆಗೆ ಬಿಡುಗಡೆ ಆಗಿದೆ ವಿವೋ Y33e 5G ಸ್ಮಾರ್ಟ್ಫೋನ್: ಏನು ವಿಶೇಷತೆ?
ಇದು ಎರಡು ಪ್ರೆಸರ್‌ ಪಾಯಿಂಟ್ ಮತ್ತು 8 ಡೈರೆಕ್ಷನ್‌ ಆರೋ ಬಟನ್ ಸೇರಿದಂತೆ 20 ಬಟನ್ ವಿನ್ಯಾಸವನ್ನು ಜೊತೆಗೆ ಎರಡು ಜಾಯ್‌ ಸ್ಟಿಕ್‌ ಅನ್ನು ಕೂಡ ಹೊಂದಿದೆ. ಇನ್ನು ಈ ಕಂಟ್ರೋಲರ್ ವೈಬ್ರೇಶನ್‌ ಫಿಡ್‌ಬ್ಯಾಕ್‌ ಮೋಟಾರ್‌ ಮತ್ತು ಹ್ಯಾಪ್ಟಿಕ್ ಕಂಟ್ರೋಲರ್ ಅನ್ನು ಬೆಂಬಲಿಸಲಿದೆ. 153x58x110mm ಆಯಾಮಗಳನ್ನು ಹೊಂದಿರುವ ಈ ಸಾಧನವು ಸುಮಾರು 200g ನಷ್ಟು ತೂಗುತ್ತದೆ ಎಂದು ತಿಳಿದುಬಂದಿದೆ.
ಇದು ಜಿಯೋವಿನ ಮೊಟ್ಟ ಮೊದಲ ವೈರ್‌ಲೆಸ್ ಗೇಮಿಂಗ್ ಕಂಟ್ರೋಲರ್ ಸಾಧನವಾಗಿದೆ. ಇದು ಪ್ರಸ್ತುತ ಅಧಿಕೃತ ಜಿಯೋ ಸೈಟ್‌ನಲ್ಲಿ ಖರೀದಿಗೆ ಲಭ್ಯವಿದೆ. ಈ ಸಾಧನವ ಬೆಲೆ 3,499 ರೂ.ಗಳಾಗಿದೆ.
ತಂತ್ರಜ್ಞಾನ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ, ಪ್ರಮುಖ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 11:30 am, Tue, 31 May 22
