ಹಣ ಸಂಪಾದಿಸಲು ಮತ್ತೊಂದು ದಾರಿ: ನಿಮ್ಮ ಹಳೆಯ ಬಟ್ಟೆಗಳನ್ನು ಆನ್​ಲೈನ್​ನಲ್ಲಿ ಮಾರಾಟ ಮಾಡಿ

ಬಟ್ಟೆ ಹಳೆಯದಾಗಿದೆ, ಹೀಗಾಗಿ ನೀವು ಹಳೆಯ ಬಟ್ಟೆಗಳನ್ನು ಎಸೆಯಲು ಯೋಚಿಸುತ್ತಿದ್ದರೆ ಹಾಗೆ ಮಾಡಬೇಡಿ. ಯಾಕೆಂದರೆ ನಿಮ್ಮ ಹಳೆಯ ಬಟ್ಟೆಗಳು (Old Clothes) ನಿಮಗೆ ಹಣವನ್ನು ಗಳಿಸಲು ದಾರಿ ಮಾಡಿಕೊಡುತ್ತದೆ. ಹೌದು ಅಚ್ಚರಿಯಾದರೂ ಇದು ಸತ್ಯ. ನಿಮ್ಮ ಹಳೆಯ ಬಟ್ಟೆಗಳನ್ನು ಎಸೆಯುವ ಬದಲು ಆನ್‌ಲೈನ್‌ನಲ್ಲಿ ಮಾರಾಟ ಮಾಡಬಹುದು. ಹಳೆಯ ಬಟ್ಟೆಗಳನ್ನು ಆನ್‌ಲೈನ್‌ನಲ್ಲಿ ಮಾರಾಟ ಮಾಡಲು ಕೆಲವು ವೇದಿಕೆಗಳಿವೆ. ನೀವು ಉಪಯೋಗಿಸದ ಹಳೆಯ ಬಟ್ಟೆಗಳನ್ನು ಬಿಸಾಡುವ ಬದಲು ಆನ್‌ಲೈನ್‌ನಲ್ಲಿ ಮಾರಾಟ ಮಾಡುವ ಮೂಲಕ ಹಣ ಸಂಪಾದಿಸಬಹುದು. ಹಾಗಾದರೆ, ಹಳೆಯ ಬಟ್ಟೆಗಳನ್ನು ಆನ್‌ಲೈನ್‌ನಲ್ಲಿ ಎಲ್ಲಿ ಮಾರಾಟ ಮಾಡಬಹುದು?.

ಹಳೆಯ ಡ್ರೆಸ್ ಮಾರಾಟ ಮಾಡಲೆಂದೇ ಕೆಲವು ಆನ್‌ಲೈನ್ ಮಾರುಕಟ್ಟೆಗಳಿವೆ. ಅಲ್ಲಿ ಜನರು ಹಳೆಯ ವಸ್ತುಗಳನ್ನು ಖರೀದಿಸುತ್ತಾರೆ. ಈ ಪ್ಲ್ಯಾಟ್‌ಫಾರ್ಮ್‌ಗಳಲ್ಲಿ ಮೊದಲನೆಯದು OLX. ಈ ಪ್ಲಾಟ್‌ಫಾರ್ಮ್‌ನಲ್ಲಿ ಫ್ಯಾಷನ್‌ನ ಒಂದು ವರ್ಗವೂ ಇದೆ. ನೀವು ಈ ವಿಭಾಗದಲ್ಲಿ ನೋಡಿದರೆ, ಅನೇಕ ಜನರು ಹಳೆಯ ಬಟ್ಟೆಗಳನ್ನು ಮಾರಾಟ ಮಾಡುತ್ತಿರುವುದನ್ನು ಕಾಣಬಹುದು.

50MP ಸೆಲ್ಫಿ ಕ್ಯಾಮೆರಾ, 5000mAh ಬ್ಯಾಟರಿ: ಭರ್ಜರಿಯಾಗಿ ಎಂಟ್ರಿಕೊಟ್ಟ ಗ್ಯಾಲಕ್ಸಿ M55 5G ಫೋನ್

ಕ್ವಿಕರ್ ಹಳೆಯ ಬಟ್ಟೆಗಳನ್ನು ಮಾರಾಟ ಮಾಡಲು ಮತ್ತೊಂದು ಆನ್‌ಲೈನ್ ವೇದಿಕೆಯಾಗಿದೆ. Quikr ನ ಅಧಿಕೃತ ಸೈಟ್‌ನಲ್ಲಿ ಎಡಭಾಗದಲ್ಲಿರುವ ವಿಭಾಗದಲ್ಲಿ ನೀವು ಫ್ಯಾಶನ್ ಆಯ್ಕೆಯನ್ನು ನೋಡುತ್ತೀರಿ. ಈ ಆಯ್ಕೆಯನ್ನು ಕ್ಲಿಕ್ ಮಾಡಿದ ನಂತರ, ನೀವು ಫ್ಯಾಷನ್ ವಿಭಾಗದಲ್ಲಿ ಆಲ್ ಕ್ಲೋಥಿಂಗ್ ಅನ್ನು ಕ್ಲಿಕ್ ಮಾಡಿದಾಗ, ಜನರು ಪೋಸ್ಟ್ ಮಾಡಿದ ಹಳೆಯ ಬಟ್ಟೆಗಳ ಪಟ್ಟಿ ಕಾಣಿಸಿಕೊಳ್ಳುತ್ತದೆ. ಇಲ್ಲಿ ನೀವು ಕೂಡ ಸೇಲ್ ಮಾಡಬಹುದು.

ಆನ್‌ಲೈನ್ ಪ್ಲಾಟ್‌ಫಾರ್ಮ್‌ಗಳ ಹೊರತಾಗಿ, ಇನ್​ಸ್ಟಾಗ್ರಾಮ್ ಮತ್ತು ಫೇಸ್​ಬುಕ್ ನಂತಹ ಜನಪ್ರಿಯ ಅಪ್ಲಿಕೇಶನ್‌ಗಳು ಸಹ ನಿಮಗೆ ಉಪಯುಕ್ತವಾಗಬಹುದು. ನಿಮ್ಮ ಬಟ್ಟೆಗಳ ಫೋಟೋಗಳು ಮತ್ತು ವಿಡಿಯೋಗಳನ್ನು ನೀವು ಮಾಡಿ ಮತ್ತು ಅವುಗಳನ್ನು ಪೋಸ್ಟ್ ಮಾಡಬಹುದು. ಬೇಕಾದಲ್ಲಿ ಅವುಗಳನ್ನು ಫೇಸ್​ಬುಕ್ ಗ್ರೂಪ್​ಗಳಲ್ಲಿ ಕೂಡ ಶೇರ್ ಮಾಡಬಹುದು.

ಭಾರತದಲ್ಲಿ ಲಾವಾ O2 ಸ್ಮಾರ್ಟ್​ಫೋನ್ ಮಾರಾಟ ಆರಂಭ: ಬೆಲೆ ಕೇವಲ 8,499 ರೂ.

ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ ಫೇಸ್‌ಬುಕ್-ಇನ್​ಸ್ಟಾಗ್ರಾಮ್ ಕೇವಲ ರೀಲ್ಸ್ ನೋಡಲು, ಸ್ನೇಹಿತರೊಂದಿಗೆ ಚಾಟ್ ಮಾಡಲು ಸೀಮಿತವಾಗಿಲ್ಲ. ಈ ಪ್ಲಾಟ್‌ಫಾರ್ಮ್‌ನಲ್ಲಿ, ಫೇಸ್​ಬುಕ್ Marketplace ನ ಆಯ್ಕೆಯು ಸಹ ಲಭ್ಯವಿದೆ. ಮಾರುಕಟ್ಟೆಯ ಎಡಭಾಗದಲ್ಲಿ ನೀವು ಬಟ್ಟೆ ಆಯ್ಕೆಯನ್ನು ನೋಡುತ್ತೀರಿ. ಅಂದರೆ ನೀವು ಹಳೆಯ ಬಟ್ಟೆಗಳನ್ನು ಈ ಮಾರುಕಟ್ಟೆಯ ಮೂಲಕವೂ ಮಾರಾಟ ಮಾಡಬಹುದು.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ