ಟಾಟಾ ಇಂಟರ್​ನೆಟ್: 500 Mbps ಸ್ಪೀಡ್, ತಿಂಗಳಿಗೆ 3300 GB ಡೇಟಾ

ಭಾರತದಲ್ಲಿ ಕೊರೋನಾ ಭೀತಿ ಹಿನ್ನೆಲೆಯಲ್ಲಿ ಅನೇಕ ಕಂಪೆನಿಗಳು ಕಳೆದೊಂದು ವರ್ಷದಿಂದ ವರ್ಕ್​ ಫ್ರಮ್ ಹೋಮ್ ಆಯ್ಕೆ ನೀಡಿದೆ. ಇದರ ಬೆನ್ನಲ್ಲೇ ಟೆಲಿಕಾಂ ಕಂಪೆನಿಗಳು ಕೂಡ ಅತ್ಯುತ್ತಮ ಇಂಟರ್​ನೆಟ್ ಪ್ಲ್ಯಾನ್​ಗಳನ್ನೂ ಪರಿಚಯಿಸಲು ಆರಂಭಿಸಿದೆ. ಈಗಾಗಲೇ ಹಲವು ಕಂಪೆನಿಗಳು ಬ್ರಾಡ್​ಬ್ಯಾಂಡ್​ ಇಂಟರ್​ನೆಟ್ ಸೇವೆ ಮೇಲೆ ಹಲವು ಆಫರ್​ಗಳನ್ನು ನೀಡುತ್ತಿವೆ. ಇದೀಗ ಟಾಟಾ ಸ್ಕೈ ಕೂಡ ತನ್ನ ಬ್ರಾಂಡ್​ಬ್ಯಾಡ್​ ಸೇವೆಯಲ್ಲಿ ವಿಶೇಷ ಆಫರ್​ಗಳನ್ನು ಗ್ರಾಹಕರ ಮುಂದಿಟ್ಟಿದೆ. ಹಾಗಿದ್ರೆ ಬ್ರಾಂಡ್​ಬ್ಯಾಂಡ್ ಮೂಲಕ ಟಾಟಾ ನೀಡುತ್ತಿರುವ ವಿಶೇಷ ಕೊಡುಗೆಗಳೇನು ಎಂಬುದನ್ನು ತಿಳಿಯೋಣ.

ಟಾಟಾ ಸ್ಕೈ ಸ್ಟ್ರಾಂಗ್ ಬ್ರಾಡ್‌ಬ್ಯಾಂಡ್ ಪ್ಲ್ಯಾನ್: ಟಾಟಾ ಸ್ಕೈಯ 500 Mbps ವೇಗದಲ್ಲಿ ಇಂಟರ್​ನೆಟ್​ ಸೇವೆ ನೀಡುತ್ತಿದೆ. ಈ ಬ್ರಾಡ್​ಬ್ಯಾಂಡ್ ರಿಚಾರ್ಜ್​ ಮೊತ್ತ 2,300 ರೂ. ಒಂದು ತಿಂಗಳ ವಾಲಿಡಿಟಿಯೊಂದಿಗೆ ಸಿಗುವ ಈ ಪ್ಲ್ಯಾನ್​ನಲ್ಲಿ ಗ್ರಾಹಕರಿಗೆ ಬರೋಬ್ಬರಿ 3300 GB ನೀಡಲಾಗುತ್ತದೆ. ಅಂದರೆ ಪ್ರತಿದಿನ 110 ಜಿಬಿ ಇಂಟರ್​ನೆಟ್​ ಬಳಸಬಹುದು. ಆದರೆ ಈ ಪ್ಲ್ಯಾನ್​ನಲ್ಲಿ ದಿನ ಬಳಕೆಯ ಮಿತಿ ನೀಡಲಾಗಿಲ್ಲ. ಬದಲಾಗಿ ಒಂದು ತಿಂಗಳಲ್ಲಿ 3300 GB ಗ್ರಾಹಕರಿಗೆ ಸಿಗಲಿದೆ. ಹಾಗೆಯೇ ಕಂಪನಿಯು ತನ್ನ ಬ್ರಾಡ್‌ಬ್ಯಾಂಡ್ ನೆಟ್‌ವರ್ಕ್‌ನಲ್ಲಿ 99.9% ಅಪ್ ಟೈಮ್ ನೀಡುತ್ತದೆ. ಇದಾಗ್ಯೂ ಟಾಟಾ ಸ್ಕೈಯ ಈ ಬ್ರಾಡ್‌ಬ್ಯಾಂಡ್ ಯೋಜನೆಯಲ್ಲಿ ಬಳಕೆದಾರರಿಗೆ ಯಾವುದೇ ರೀತಿಯ OTT ಪ್ರಯೋಜನಗಳನ್ನು ನೀಡಲಾಗಿಲ್ಲ.

ಇನ್ನು ಸ್ಪೆಕ್ಟ್ರಾ ಬ್ರಾಂಡ್​ಬ್ಯಾಂಡ್ ಕಂಪೆನಿ ಕೂಡ ಇಂತಹದ್ದೇ ಮತ್ತೊಂದು ಇಂಟರ್​ನೆಟ್ ಯೋಜನೆಯನ್ನು ಪರಿಚಯಿಸಿದೆ. ಇದರಲ್ಲೂ ಕೂಡ 500 Mbps ಇಂಟರ್​ನೆಟ್ ವೇಗ ನೀಡುತ್ತಿರುವುದು ವಿಶೇಷ.

ಸ್ಪೆಕ್ಟ್ರಾ ಬ್ರಾಡ್‌ಬ್ಯಾಂಡ್ ಯೋಜನೆ: ಸ್ಪೆಕ್ಟ್ರಾ ಪರಿಚಯಿಸಿರುವ 1,599 ರೂ. ಬ್ರಾಡ್‌ಬ್ಯಾಂಡ್ ಯೋಜನೆಯಲ್ಲಿ ಬಳಕೆದಾರರಿಗೆ 500 Mbps ವೇಗದಲ್ಲಿ ಇಂಟರ್​ನೆಟ್ ಬಳಸಬಹುದು. ಇನ್ನು ಈ ಆಫರ್​ನಲ್ಲಿ ಒಂದು ವರ್ಷದ ರಿಚಾರ್ಜ್ ಮಾಡಿದರೆ ಅನಿಯಮಿತ ಡೇಟಾವನ್ನು ನೀಡಲಾಗುತ್ತದೆ. ಈ ಬ್ರಾಡ್‌ಬ್ಯಾಂಡ್ ಬಳಸಲು, ಬಳಕೆದಾರರು 1,000 ರೂಪಾಯಿಗಳನ್ನು ಇನ್​ಸ್ಟಾಲೇಶನ್ ಚಾರ್ಜ್​ ಹಾಗೂ 2,000 ರೂಪಾಯಿಗಳನ್ನು ಭದ್ರತಾ ಠೇವಣಿಯಾಗಿ ಪಾವತಿಸಬೇಕು. ಇದರಲ್ಲಿ 2 ಸಾವಿರ ರೂ. ಅನ್ನು ಕಂಪೆನಿ ಮರುಪಾವತಿ ಮಾಡಲಿದೆ.

ಇನ್ನು 1,599 ರ ಈ ಬ್ರಾಡ್‌ಬ್ಯಾಂಡ್ ಯೋಜನೆಯಲ್ಲಿ ನೀವು ತಿಂಗಳಿಗೆ ಮಾತ್ರ ರಿಚಾರ್ಜ್ ಮಾಡಿದ್ರೆ 750 ಜಿಬಿ ಡೇಟಾ ನೀಡಲಾಗುತ್ತದೆ. ಹಾಗೆಯೇ 6 ತಿಂಗಳ ಯೋಜನೆಯನ್ನು ಆರಿಸಿದರೆ, ತಿಂಗಳಿಗೆ 1,500 GB ವರೆಗಿನ ಡೇಟಾವನ್ನು ನೀಡಲಾಗುತ್ತದೆ. ಇನ್ನು ಒಂದು ವರ್ಷದ ಪ್ಲ್ಯಾನ್​ನ್ನು ಆಯ್ಕೆ ಮಾಡಿದರೆ ಇಡೀ ವರ್ಷ ಅನಿಯಮಿತ ಡೇಟಾ ಬಳಸಬಹುದು.

ಇದನ್ನೂ ಓದಿ: KL Rahul: ಕೆಎಲ್ ರಾಹುಲ್​ ಮೇಲೆ ಪ್ರೇಕ್ಷಕರಿಂದ ಬಾಟಲ್ ಕಾರ್ಕ್ ದಾಳಿ: ತಿರುಗಿಸಿ ಹೊಡಿ ಎಂದ ಕಿಂಗ್ ಕೊಹ್ಲಿ

ಇದನ್ನೂ ಓದಿ: Health Tips: ಹಲವು ಅನಾರೋಗ್ಯ ಸಮಸ್ಯೆಗಳಿಗೆ ಪಪ್ಪಾಯಿ ಎಲೆಗಳೇ ಔಷಧಿ

ಇದನ್ನೂ ಓದಿ: ಇವರ ಬ್ಯಾಟಿಂಗ್ ಮುಂದೆ, ಗೇಲ್-ಎಬಿಡಿ-ಸೆಹ್ವಾಗ್ ಏನೂ ಅಲ್ಲ: ವಿಶ್ವದ ಅತೀ ವೇಗದ ಶತಕದ ಸರದಾರ

ಇದನ್ನೂ ಓದಿ: Kl Rahul: ಪೂಜಾರ, ರಹಾನೆ ಕಳಪೆ ಫಾರ್ಮ್​ ಬಗ್ಗೆ ಕೆಎಲ್ ರಾಹುಲ್ ಹೇಳಿದ್ದೇನು?