Tech Tips: ಗೂಗಲ್ ಪೇ ಕೈಕೊಟ್ರೆ ಟೆನ್ಶನ್ ಬೇಡ: ಈ ಆ್ಯಪ್ ಇನ್ಸ್ಟಾಲ್ ಮಾಡಿಕೊಳ್ಳಿ
Google Pay: ಒಂದೇ ಸೂರಿನಡಿ ಹತ್ತು ಹಲವು ಅನುಕೂಲಗಳನ್ನು ಹೊಂದಿರುವ ಗೂಗಲ್ ಪೇ ತರಹವೇ ಇತರೆ ಕೆಲವು ಪೇಮೆಂಟ್ ಆ್ಯಪ್‌ಗಳು ಉತ್ತಮ ಸೇವೆ ನೀಡುತ್ತಿವೆ. ನಿಮಗೆಲ್ಲಾದರು ಗೂಗಲ್ ಪೇ ಕೈಕೊಟ್ಟ ಸಂದರ್ಭದಲ್ಲಿ ಪರ್ಯಾಯವಾಗಿ ಈ ಪೇಮೆಂಟ್ ಆ್ಯಪ್‌ಗಳನ್ನು ಕೂಡ ಬಳಸಬಹುದು.
Updated on:Apr 22, 2023 | 3:33 PM
ಭಾರತ ಇಂದು ಡಿಜಿಟಲ್ (Digital) ಯುಗವಾಗಿ ಮಾರ್ಪಾಡಾಗಿದೆ. ಪ್ರಮುಖವಾಗಿ ಡಿಜಿಟಲ್ ಟ್ರಾನ್ಸಾಕ್ಶನ್ಗೆ ಹೆಚ್ಚು ಒತ್ತು ನೀಡಲಾಗುತ್ತಿದೆ. ಬಿಲ್ ಪೇಮೆಂಟ್, ಮೊಬೈಲ್ ಮತ್ತು ಡಿಟಿಎಚ್ ರೀಚಾರ್ಜ್ ಸೇರಿದಂತೆ ಅನೇಕ ವ್ಯವಹಾರಗಳು ಇಂದು ಡಿಜಿಟಲ್ ಪೇಮೆಂಟ್ ಆ್ಯಪ್ ಮೂಲಕವೇ ಮಾಡಲಾಗುತ್ತಿದೆ. ಈ ಎಲ್ಲ ಸೇವೆಗಳನ್ನು ಬಹುತೇಕರು ಗೂಗಲ್ ಪೇ (Google Pay) ಅಪ್ಲಿಕೇಶನ್ ಮೂಲಕ ಮಾಡುತ್ತಾರೆ. ಯಾಕಂದ್ರೆ ಡಿಜಿಟಲ್ ಪೇಮೆಂಟ್ ಆ್ಯಪ್ಗಳ ಸಾಲಿನಲ್ಲಿ ಇಂದು ಗೂಗಲ್ ಪೇ ಹೆಚ್ಚಿನ ಜನರು ಬಳಸುತ್ತಿದ್ದಾರೆ. ಯುಪಿಐ (UPI) ಕ್ಯೂಆರ್‌ ಕೋಡ್ ಸ್ಕ್ಯಾನ್ ಮಾಡುವ ಮೂಲಕವು ಅಥವಾ ಮೊಬೈಲ್ ನಂಬರ್ ನಮೂದಿಸುವ ಮೂಲಕ ಇದರಲ್ಲಿ ಹಣ ಟ್ರಾನ್ಸ್‌ಫರ್ ಮಾಡುವುದು ಸೆಕೆಂಡ್ಗಳ ಕೆಲಸವಷ್ಟೆ.
ಹೀಗೆ ಒಂದೇ ಸೂರಿನಡಿ ಹತ್ತು ಹಲವು ಅನುಕೂಲಗಳನ್ನು ಹೊಂದಿರುವ ಗೂಗಲ್ ಪೇ ತರಹವೇ ಇತರೆ ಕೆಲವು ಪೇಮೆಂಟ್ ಆ್ಯಪ್‌ಗಳು ಉತ್ತಮ ಸೇವೆ ನೀಡುತ್ತಿವೆ. ನಿಮಗೆಲ್ಲಾದರು ಗೂಗಲ್ ಪೇ ಕೈಕೊಟ್ಟ ಸಂದರ್ಭದಲ್ಲಿ ಪರ್ಯಾಯವಾಗಿ ಈ ಪೇಮೆಂಟ್ ಆ್ಯಪ್‌ಗಳನ್ನು ಕೂಡ ಬಳಸಬಹುದು.
ಫೋನ್ ಪೇ (PhonePe app): ಗೂಗಲ್ ಪೇ ಆ್ಯಪ್‌ನಂತೆಯೇ ಸೇವೆ ಒದಗಿಸುತ್ತಿರುವ ‘ಪೋನ್‌ ಪೇ’ ಆ್ಯಪ್ ಈಗಾಗಲೇ ಸಾಕಷ್ಟು ಬಳಕೆದಾರರನ್ನು ಹೊಂದಿದೆ. ಈ ಆ್ಯಪ್ನಲ್ಲಿಯೂ ಪೇಮೆಂಟ್ ಮಾಡಲು ಹಲವು ಆಯ್ಕೆಗಳಿವೆ. ಕ್ಯೂಆರ್‌-QR ಕೋಡ್ ಸ್ಕ್ಯಾನ್ ಸೌಲಭ್ಯವು ಸಹ ಇದೆ. ಫೋನ್ ಪೇ ಹಲವು ಭಾಷೆಗಳ ಆಯ್ಕೆಗಳನ್ನು ಹೊಂದಿದ್ದು, ಗ್ರಾಹಕರ ಕೆಲವು ಟ್ರಾನ್ಸಾಕ್ಶನ್‌ಗಳಿಗೆ ಕ್ಯಾಶ್‌ಬ್ಯಾಕ್ ಕೊಡುಗೆಗಳು ಲಭ್ಯವಾಗುತ್ತವೆ. ಗ್ರಾಹಕರು ಬ್ಯಾಂಕ್‌ಗೆ ನೊಂದಾಯಿತ ಮೊಬೈಲ್‌ನಂಬರ್‌ನಿಂದ ಫೋನ್ ಪೇ ಖಾತೆ ಹೊಂದುವುದು. ಸೆಕ್ಯುರಿಟಿಗಾಗಿ ನಾಲ್ಕು ನಂಬರ್ನ ಪಿನ್‌ಸೆಟ್‌ ಮಾಡಿಕೊಳ್ಳುವ(UPI PIN) ಆಯ್ಕೆ ಇದೆ. ಪಾಸ್‌ಬುಕ್, ಬ್ಯಾಂಕ್ ಬ್ಯಾಲೆನ್ಸ್‌, ಟ್ರಾನ್ಸಾಕ್ಶನ್ ಹಿಸ್ಟರಿ ಸೌಲಭ್ಯಗಳು ಇವೆ.
ಪೇಟಿಎಮ್(Paytm): ಪೇಟಿಎಮ್ ಆ್ಯಪ್ ಸಹ ಈಗಾಗಲೇ ಡಿಜಿಟಲ್ ಪೇಮೆಂಟ್‌ನಲ್ಲಿ ಗುರುತಿಸಿಕೊಂಡಿದ್ದು, ಆಂಡ್ರಾಯ್ಡ್ ಮತ್ತು ಐಓಎಸ್‌ ಫೋನ್‌ಗಳಲ್ಲಿ ಲಭ್ಯವಿದೆ. ಕ್ಯಾಶ್‌ಬ್ಯಾಕ್, ಡಿಸ್ಕೌಂಟ್, ಆಫರ್, ಗಿಫ್ಟ್‌ ವೊಚರ್‌ನಂತಹ ಸೌಲಭ್ಯಗಳು ಪೇಟಿಎಮ್‌ನಲ್ಲಿ ಲಭ್ಯವಾಗಲಿವೆ. ಗ್ರಾಹಕರು ಲೋನ್ ಪೇಮೆಂಟ್, ಬಿಲ್ ಪೇಮೆಂಟ್, ಫೋನ್ ರೀಚಾರ್ಜ್, ಆನ್‌ಲೈನ್‌ ಶಾಪಿಂಗ್ ಮಾಡಬಹುದು. ಸಣ್ಣ ಪುಟ್ಟ ಅಂಗಡಿಗಳಿಲ್ಲಿಯೂ ಸಹ ಕ್ಯೂಆರ್‌ ಕೋಡ್ ಸ್ಕ್ಯಾನ್ ಮಾಡಿ ಹಣ ವರ್ಗಾವಣೆ ಮಾಡಬಹುದು.
ಭೀಮ್ ಆಪ್ (BHIM): ಭೀಮ್ ಆ್ಯಪ್ ಸಹ ಡಿಜಿಟಲ್ ಪೇಮೆಂಟ್ ಪ್ಲಾಟ್‌ಫಾರ್ಮ್ ಆಗಿದ್ದು, Unified Payments Interface (UPI) ಯುಪಿಐ ಆಧಾರಿತವಾಗಿ ಕಾರ್ಯನಿರ್ವಹಿಸುತ್ತದೆ. ಗೂಗಲ್ ಪೇನಂಯತೆ UPI ID ಮತ್ತು QR ಕೋಡ್ ಬಳಸಿ ಭೀಮ್ ಆ್ಯಪ್ನಲ್ಲಿ ಸಹ ನೇರವಾಗಿ ಖಾತೆಗೆ ಹಣ ಟ್ರಾನ್ಸ್‌ಫರ್ ಮಾಡಬಹುದಾಗಿದೆ. ಗೂಗಲ್ ಪೇ ಸ್ಟೋರ್‌ನಲ್ಲಿ ಭೀಮ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಬಹುದು. ಗ್ರಾಹಕರು ಅವರಿಗೆ ಸೂಕ್ತವಾಗ ಭಾಷೆ ಸೆಟ್‌ ಮಾಡುವ ಆಯ್ಕೆ ನೀಡಲಾಗಿದೆ.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 3:32 pm, Sat, 22 April 23
