ಮಾರುಕಟ್ಟೆಗೆ ಬಂತು ವಿವೋ G ಸರಣಿ ಚೊಚ್ಚಲ ಸ್ಮಾರ್ಟ್ಫೋನ್: ಫೀಚರ್ಸ್ ಏನಿದೆ, ಬೆಲೆ ಎಷ್ಟು?
Vivo G2 Launched: ವಿವೋ ಕಂಪನಿ ತನ್ನ G ಸರಣಿಯ ಅಡಿಯಲ್ಲಿ ಮೊದಲ ಸ್ಮಾರ್ಟ್ಫೋನ್ ಆಗಿ ವಿವೋ G2 ಅನ್ನು ಬಿಡುಗಡೆ ಮಾಡಿದೆ. ಇದು ಡೈಮೆನ್ಸಿಟಿ 6020 ಚಿಪ್ಸೆಟ್ ಅನ್ನು ಹೊಂದಿದೆ. ಸದ್ಯಕ್ಕೆ ಚೀನಾದಲ್ಲಿ ರಿಲೀಸ್ ಆಗಿರುವ ಈ ಫೋನ ಮುಂದಿನ ದಿನಗಳಲ್ಲಿ ಭಾರತಕ್ಕೂ ಬರಬಹುದು.
ಚೀನಾ ಮೂಲದ ಪ್ರಸಿದ್ಧ ಸ್ಮಾರ್ಟ್ಫೋನ್ ಬ್ರ್ಯಾಂಡ್ ವಿವೋ ತನ್ನ G ಸರಣಿಯ ಅಡಿಯಲ್ಲಿ ಮೊದಲ ಸ್ಮಾರ್ಟ್ಫೋನ್ ಆಗಿ ವಿವೋ G2 (Vivo G2) ಅನ್ನು ಬಿಡುಗಡೆ ಮಾಡಿದೆ. ಬಜೆಟ್ ಬೆಲೆಯಿಂದ ಕೂಡಿರುವ ಈ ಆಕರ್ಷಕ ಫೋನಿನಲ್ಲಿ HD+ ರೆಸಲ್ಯೂಶನ್ ಜೊತೆಗೆ 6.56 ಇಂಚಿನ LCD ಡಿಸ್ಪ್ಲೇ ಇದೆ. 90Hz ರಿಫ್ರೆಶ್ ದರವನ್ನು ಹೊಂದಿದೆ. ಆಂಡ್ರಾಯ್ಡ್ 13 ಆಧಾರಿತ Origin OS 3 ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಕಂಪನಿಯು ಈ ಫೋನ್ನಲ್ಲಿ 13 ಮೆಗಾಪಿಕ್ಸೆಲ್ ಕ್ಯಾಮೆರಾವನ್ನು ನೀಡಿದೆ. ಸದ್ಯಕ್ಕೆ ಚೀನಾದಲ್ಲಿ ರಿಲೀಸ್ ಆಗಿರುವ ಈ ಫೋನ ಮುಂದಿನ ದಿನಗಳಲ್ಲಿ ಭಾರತಕ್ಕೂ ಬರಬಹುದು. ವಿವೋ ಜಿ2 ಫೋನಿನ ಬೆಲೆ, ಫೀಚರ್ಸ್ ಕುರಿತ ಸಂಪೂರ್ಣ ಮಾಹಿತಿ ಇಲ್ಲಿದೆ.
ವಿವೋ G2 ಬೆಲೆ:
ವಿವೋ G2 ನ ಬೆಲೆಯ ಬಗ್ಗೆ ಮಾತನಾಡುತ್ತಾ , ಈ ಫೋನ್ನ 4GB + 128GB ರೂಪಾಂತರಕ್ಕೆ 1199 ಯುವಾನ್ (ಅಂದಾಜು ರೂ. 14,000), 6GB + 128GB ರೂಪಾಂತರಕ್ಕೆ 1499 ಯುವಾನ್ (ಅಂದಾಜು ರೂ 17,700), 8GB + 128GB ರೂಪಾಂತರಕ್ಕೆ 1599 ಯುವಾನ್ (ಅಂದಾಜು ರೂ 18,800), 8GB + 256GB ರೂಪಾಂತರಕ್ಕಾಗಿ 1899 ಯುವಾನ್ (ಸುಮಾರು ರೂ. 22,500) ನಿಗದಿ ಮಾಡಲಾಗಿದೆ. ಕಂಪನಿಯು ಈ ಫೋನನ್ನು ಕಪ್ಪು ಬಣ್ಣದಲ್ಲಿ ಪರಿಚಯಿಸಿದೆ.
Gorilla Glass: ನಿಮ್ಮ ಸ್ಮಾರ್ಟ್ಫೋನ್ಗೆ ಸ್ಕ್ರೀನ್ ಗಾರ್ಡ್ ಹಾಕಿಸಿದ್ದೀರಾ? ಗೊರಿಲ್ಲಾ ಗ್ಲಾಸ್ ಎಂದರೇನು?
ವಿವೋ G2 ಫೀಚರ್ಸ್:
ವಿವೋ G2 HD+ ರೆಸಲ್ಯೂಶನ್ ಜೊತೆಗೆ 6.56 ಇಂಚಿನ LCD ಡಿಸ್ಪ್ಲೇ ಹೊಂದಿದೆ. ಇದರಲ್ಲಿ 1612 x 720 ಪಿಕ್ಸೆಲ್ ರೆಸಲ್ಯೂಶನ್ ಮತ್ತು 90Hz ರಿಫ್ರೆಶ್ ದರವನ್ನು ನೀಡಲಾಗಿದೆ. ಇದು ಆಂಡ್ರಾಯ್ಡ್ 13 ಆಧಾರಿತ Origin OS 3 ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಕಂಪನಿಯು ಫೋನ್ನ ಡಿಸ್ಪ್ಲೇ ಒಳಗೆ ಟಿಯರ್ಡ್ರಾಪ್ ನಾಚ್ ವಿನ್ಯಾಸವನ್ನು ನೀಡಿದೆ. ನಾಚ್ನಲ್ಲಿ 5 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾವನ್ನು ಅಳವಡಿಸಲಾಗಿದೆ. ಫೋನ್ ಹಿಂಭಾಗದಲ್ಲಿ ಒಂದು 13-ಮೆಗಾಪಿಕ್ಸೆಲ್ ಕ್ಯಾಮೆರಾ ಇದೆ. ಅದರೊಂದಿಗೆ ಕಂಪನಿಯು ಎಲ್ಇಡಿ ಫ್ಲ್ಯಾಷ್ ಅನ್ನು ಸಹ ನೀಡಿದೆ.
ವಿವೋ G2 ಡೈಮೆನ್ಸಿಟಿ 6020 ಚಿಪ್ಸೆಟ್ ಅನ್ನು ಹೊಂದಿದೆ, ಇದನ್ನು 8 GB ವರೆಗೆ LPDDR4x RAM ನೊಂದಿಗೆ ಜೋಡಿಸಲಾಗಿದೆ. ಇದು 256 GB UFS 2.2 ಸಂಗ್ರಹಣೆಯೊಂದಿಗೆ ಬರುತ್ತದೆ. ಇದಲ್ಲದೆ, ಕಂಪನಿಯು ಮೈಕ್ರೊ ಎಸ್ಡಿ ಕಾರ್ಡ್ ಸ್ಲಾಟ್ ಅನ್ನು ಸಹ ಒದಗಿಸಿದೆ, ಅದರ ಸಹಾಯದಿಂದ ಸ್ಟೋರೇಜ್ ಅನ್ನು ಹೆಚ್ಚಿಸಬಹುದು.
ಈ ಫೋನ್ 15W ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ 5,000mAh ಬ್ಯಾಟರಿಯನ್ನು ಹೊಂದಿದೆ. ಫೋನ್ ಚಾರ್ಜ್ ಮಾಡಲು USB ಟೈಪ್ C ಪೋರ್ಟ್ ನೀಡಲಾಗಿದೆ. ಇದು ಡ್ಯುಯಲ್ ಸಿಮ್, 5 ಜಿ, ವೈ-ಫೈ, ಬ್ಲೂಟೂತ್ 5.1, ಜಿಪಿಎಸ್, 3.5 ಎಂಎಂ ಹೆಡ್ಫೋನ್ ಜ್ಯಾಕ್ನ ಸಂಪರ್ಕವನ್ನು ಹೊಂದಿದೆ. ಭದ್ರತೆಗಾಗಿ ಫೋನ್ನಲ್ಲಿ ಸೈಡ್ ಮೌಂಟೆಡ್ ಫಿಂಗರ್ಪ್ರಿಂಟ್ ಸ್ಕ್ಯಾನರ್ ಇದೆ.
ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ