Vivo Y33s: ಭಾರತದಲ್ಲಿ ನಾಳೆ ಬಿಡುಗಡೆ ಆಗಲಿದೆ ಆಕರ್ಷಕ ಫೀಚರ್ನ ವಿವೋ ಕಂಪೆನಿಯ ಈ ಬಜೆಟ್ ಸ್ಮಾರ್ಟ್ಫೋನ್
ಪ್ರಸಿದ್ಧ ಇ ಕಾಮರ್ಸ್ ತಾಣವಾದ ಅಮೆಜಾನ್ನಲ್ಲಿ ವಿವೋ Y33s ಸ್ಮಾರ್ಟ್ಫೋನ್ ಕಾಣಿಸಿಕೊಂಡಿದೆ. ಕೇವಲ ಒಂದು ಮಾದರಿಯಲ್ಲಷ್ಟೆ ಸದ್ಯಕ್ಕೆ ಈ ಫೋನ್ ಖರೀದಿಗೆ ಸಿಗಲಿದೆಯಂತೆ.
Updated on: Aug 22, 2021 | 11:42 AM
ಚೀನಾ ಮೂಲದ ವಿವೋ (Vivo) ಕಂಪನಿಯು ಎರಡು ದಿನಗಳ ಹಿಂದೆಯಷ್ಟೆ ವಿವೋ Y21 ಸ್ಮಾರ್ಟ್ಫೋನನ್ನು ಲಾಂಚ್ ಮಾಡಿತ್ತು. ಸದ್ಯ ಇದರ ಬೆನ್ನಲ್ಲೆ ಸೋಮವಾರ ಮತ್ತೊಂದು ಬಜೆಟ್ ಬೆಲೆಯ ವಿವೋ Y33s ಹೆಸರಿನ ಸ್ಮಾರ್ಟ್ಫೋನ್ ಅನ್ನು ಅನಾವರಣ ಮಾಡಲು ಸಜ್ಜಾಗಿದೆ. ಆಕರ್ಷಕ ಫೀಚರ್ಗಳುಳ್ಳ ವಿವೋ Y33s ಸ್ಮಾರ್ಟ್ಫೋನ್ ಇದೇ ಆಗಸ್ಟ್ 23 ರಂದು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಆಗಲಿದೆ.
ಪ್ರಸಿದ್ಧ ಇ ಕಾಮರ್ಸ್ ತಾಣವಾದ ಅಮೆಜಾನ್ನಲ್ಲಿ ವಿವೋ Y33s ಸ್ಮಾರ್ಟ್ಫೋನ್ ಕಾಣಿಸಿಕೊಂಡಿದೆ. ಕೇವಲ ಒಂದು ಮಾದರಿಯಲ್ಲಷ್ಟೆ ಸದ್ಯಕ್ಕೆ ಈ ಫೋನ್ ಖರೀದಿಗೆ ಸಿಗಲಿದೆಯಂತೆ. 8GB RAM ಮತ್ತು 128GB ಸ್ಟೋರೇಜ್ ಸಾಮರ್ಥ್ಯ ಹೊಂದಿರುವ ಫೋನಿನ ಬೆಲೆ 17,990 ರೂ. ಎಂದು ಹೇಳಲಾಗಿದೆ. ಇದು ಮಿಡ್ ಡೇ ಡ್ರೀಮ್ ಕಲರ್ ಆಯ್ಕೆಗಳಲ್ಲಿ ಬಿಡುಗಡೆ ಆಗಲಿದೆ.
ವಿವೋ Y33s ಸ್ಮಾರ್ಟ್ಫೋನ್ 2,408×1,080 ಪಿಕ್ಸಲ್ ರೆಸಲ್ಯೂಶನ್ ಸಾಮರ್ಥ್ಯದೊಂದಿಗೆ 6.5 ಇಂಚಿನ ಹೆಚ್‌ಡಿ ಪ್ಲಸ್‌ ಡಿಸ್‌ಪ್ಲೇ ಹೊಂದಿರಲಿದೆ. ಆಕ್ಟಾ ಕೋರ್ ಮೀಡಿಯಾ ಟೆಕ್ ಹಿಲಿಯೋ G80 SoC ಪ್ರೊಸೆಸರ್‌ ಅನ್ನು ಅಳವಡಿಸಲಾಗಿದ್ದು, ಇದಕ್ಕೆ ಬೆಂಬಲವಾಗಿ ಫನ್‌ಟಚ್ ಆಂಡ್ರಾಯ್ಡ್ 11 ಓಎಸ್‌ ಸಪೋರ್ಟ್‌ ಇದೆ.
ಈ ಸ್ಮಾರ್ಟ್ಫೋನ್ ತ್ರಿವಳಿ ಕ್ಯಾಮೆರಾ ಸೆಟ್‌ಅಪ್ ಪಡೆದಿದ್ದು, ಮುಖ್ಯ ಕ್ಯಾಮೆರಾವು 50 ಎಂಪಿ ಸೆನ್ಸಾರ್ ಇರಲಿದೆ. ಸೆಕೆಂಡರಿ ಕ್ಯಾಮೆರಾವು 2 ಎಂಪಿ ಸೆನ್ಸಾರ್‌ನಲ್ಲಿರಲಿದ್ದು, ತೃತೀಯ ಕ್ಯಾಮೆರಾವು 2 ಎಂಪಿ ಸೆನ್ಸಾರ್ ಸಾಮರ್ಥ್ಯದಲ್ಲಿದೆ. ಇದರೊಂದಿಗೆ 16 ಎಂಪಿಯ ಸೆಲ್ಫಿ ಕ್ಯಾಮೆರಾ ಒಳಗೊಂಡಿರುತ್ತದೆ.
ಇನ್ನೂ 5,000mAh ಸಾಮರ್ಥ್ಯದ ಬಲಿಷ್ಠ ಬ್ಯಾಟರಿ ಬಾಳಿಕೆಯನ್ನು ಒಳಗೊಂಡಿರಲಿದ್ದು, ಅದಕ್ಕೆ ಪೂರಕವಾಗಿ 18W ಸಾಮರ್ಥ್ಯದ ಫಾಸ್ಟ್‌ ಚಾರ್ಜಿಂಗ್ ಸಪೋರ್ಟ್‌ ಇರಲಿದೆ. ಜೊತೆಗೆ 4G LTE, ಡ್ಯುಯಲ್-ಬ್ಯಾಂಡ್ ವೈ-ಫೈ, ಬ್ಲೂಟೂತ್ v5 ಮತ್ತು USB OTG ಸೇರಿದಂತೆ ಇತ್ತೀಚೆಗಿನ ಪ್ರಮುಖ ಆಯ್ಕೆ ನೀಡಲಾಗಿದೆ.
7 ಸಾವಿರಕ್ಕಿಂತ ಕಡಿಮೆ ಬೆಲೆಗೆ 6000mAh ಬ್ಯಾಟರಿ, 13mp ಕ್ಯಾಮೆರಾ ಸ್ಮಾರ್ಟ್ಫೋನ್
Jio Offer: ಜಿಯೋ ಸೂಪರ್ ಆಫರ್: ಫ್ರೀ ಹಾಟ್ಸ್ಟಾರ್ ಜೊತೆಗೆ 1 ವರ್ಷದವರೆಗೆ ಪ್ರತಿದಿನ 2GB ಡೇಟಾ
(Vivo Y33s launch in India is tipped for August 23)
