Mi 11 Ultra: ಶಿಯೋಮಿ ಕಂಪೆನಿಯ ದುಬಾರಿ ಫೋನ್ Mi 11 ಅಲ್ಟ್ರಾ ಮಾರಾಟ ಭಾರತದಲ್ಲಿ ಇಂದಿನಿಂದಲೇ ಶುರು
ಜುಲೈ 7ನೇ ತಾರೀಕಿನ ಮಧ್ಯಾಹ್ನ 12 ಗಂಟೆಯಿಂದ ಭಾರತದಲ್ಲಿ Mi 11 ಅಲ್ಟ್ರಾ ಫೋನ್ನ ಮಾರಾಟ ಆರಂಭವಾಗುತ್ತದೆ ಎಂದು ಶಿಯೋಮಿ ಘೋಷಣೆ ಮಾಡಿದೆ. ಯಾರು ಮುಂಚಿತವಾಗಿಯೇ ನೋಂದಣಿ ಮಾಡಿಕೊಂಡಿರುತ್ತಾರೋ ಅಂಥವರು mi.comನಲ್ಲಿ F ಕೋಡ್ ನಮೂದಿಸಬೇಕು.
Updated on: Jul 07, 2021 | 11:35 AM
Mi 11 ಅಲ್ಟ್ರಾ ಮೊಬೈಲ್ಫೋನ್ ಮಾರಾಟ ಮೊದಲ ಬಾರಿಗೆ ಭಾರತದಲ್ಲಿ ಇಂದಿನಿಂದ (ಜುಲೈ 7, 2021) ಆರಂಭವಾಗಲಿದೆ. ಅಂದ ಹಾಗೆ ಈ ಫೋನ್ ಮೂಲಕ ಶಿಯೋಮಿ ಕಂಪೆನಿಯಿಂದ ಒನ್ಪ್ಲಸ್ 9ಪ್ರೊ ಹಾಗೂ ವಿವೋ ಎಕ್ಸ್60 ಪ್ರೊ+ಗೆ ಸ್ಪರ್ಧೆ ನೀಡಲಾಗುವುದು. Mi 11 ಅಲ್ಟ್ರಾ ಫೋನ್ ಅನ್ನು ಭಾರತದಲ್ಲಿ ಅನಾವರಣಗೊಳಿಸಿದ್ದು ಏಪ್ರಿಲ್ 23ನೇ ತಾರೀಕು, ಜುಲೈ 7ನೇ ತಾರೀಕಿನ ಮೊದಲ ಮಾರಾಟಕ್ಕೆ ಭಾರತದಲ್ಲಿ ಸೀಮಿತ ಸಂಖ್ಯೆಯಲ್ಲಿ ಮಾತ್ರ ಲಭ್ಯವಿರಲಿದೆ ಎಂದು ಕಂಪೆನಿ ತಿಳಿಸಿತ್ತು. ಜುಲೈ 7ನೇ ತಾರೀಕಿನ ಮಧ್ಯಾಹ್ನ 12 ಗಂಟೆಯಿಂದ ಭಾರತದಲ್ಲಿ Mi 11 ಅಲ್ಟ್ರಾ ಫೋನ್ನ ಮಾರಾಟ ಆರಂಭವಾಗುತ್ತದೆ ಎಂದು ಶಿಯೋಮಿ ಘೋಷಣೆ ಮಾಡಿದೆ. ಯಾರು ಮುಂಚಿತವಾಗಿಯೇ ನೋಂದಣಿ ಮಾಡಿಕೊಂಡಿರುತ್ತಾರೋ ಅಂಥವರು mi.comನಲ್ಲಿ F ಕೋಡ್ ನಮೂದಿಸಬೇಕು ಅಥವಾ ಖರೀದಿ ಸಂಪೂರ್ಣಗೊಳಿಸಲು Mi ಹೋಮ್ ಸ್ಟೋರ್ಗಳಿಗೆ ಭೇಟಿ ನೀಡಿದರಾಯಿತು. ನೆನಪಿರಬೇಕಾದ ಸಂಗತಿ ಏನೆಂದರೆ, Mi 11 ಅಲ್ಟ್ರಾ ಮೊಬೈಲ್ ಫೋನ್ ಸೀಮಿತ ಸಂಖ್ಯೆಯಲ್ಲಿ ಮಾತ್ರ ಲಭ್ಯ ಇದೆ.
ಶಿಯೋಮಿಯಿಂದ Mi 11 ಅಲ್ಟ್ರಾ ಒಂದೇ ಸ್ಟೋರೇಜ್ ವೇರಿಯೆಂಟ್ನೊಂದಿಗೆ ಅನಾವರಣಗೊಳಿಸಿದೆ. 12GB+ 256Gb ಸಾಮರ್ಥ್ಯದ ಫೋನ್ಗೆ ಭಾರತದಲ್ಲಿ ರೂ. 69,999 ಇದೆ. ಯಾರು ತಮ್ಮ ಎಸ್ಬಿಐ ಕಾರ್ಡ್ಸ್ ಬಳಸಿ ಖರೀದಿ ಮಾಡುತ್ತಾರೋ ಅಂಥವರಿಗೆ ರೂ. 5000 ರಿಯಾಯಿತಿ ಸಿಗುತ್ತದೆ. ಸ್ಯಾಮ್ಸಂಗ್ ಗ್ಯಾಲಕ್ಸಿ ಎಸ್21 ಪ್ಲಸ್, ವಿವೋ ಎಕ್ಸ್60 ಪ್ರೊ+ ಮತ್ತು ಒನ್ಪ್ಲಸ್ 9 ಪ್ರೊ ಜತೆಗೆ ಸ್ಪರ್ಧಿಸಲಿದೆ. ಇನ್ನು ಐಒಎಸ್ ಆಪರೇಟಿಂಗ್ ಸಿಸ್ಟಮ್ನಲ್ಲಿ ಐಫೋನ್ 12 ಮಿನಿ ಹಾಗೂ ಐಫೋನ್ 12 ಜತೆ ಸ್ಪರ್ಧೆ ಮಾಡಲಿದೆ.
Mi 11 ಅಲ್ಟ್ರಾ ವೈಶಿಷ್ಟ್ಯ ಇರುವುದು ಅದರ ಕ್ಯಾಮೆರಾ ಸಿಸ್ಟಮ್ನಲ್ಲಿ. ಇದು 50 ಮೆಗಾಪಿಕ್ಸೆಲ್ ಸ್ಯಾಮ್ಸಂಗ್ GN21/1.12-ಇಂಚಿನ ಸೆನ್ಸರ್ ಹೊಂದಿದೆ, ಇದರೊಂದಿಗೆ 48 MP ಅಲ್ಟ್ರಾವೈಡ್ ಕ್ಯಾಮೆರಾ ಮತ್ತು 5 MP ಆಪ್ಟಿಕಲ್ ಜೂಮ್ ಹೊಂದಿರುವ 48 MP ಟೆಲಿಫೋಟೋ ಸೆನ್ಸರ್ ಇದೆ. ಈ ಫೋನ್ ಹಿಂಭಾಗದಲ್ಲಿ ಕ್ಯಾಮೆರಾ ಮಾಡ್ಯೂಲ್ ಪಕ್ಕದಲ್ಲಿ 1.1 ಇಂಚಿನ ಸೆಕೆಂಡರಿ ಡಿಸ್ಪ್ಲೇ ಸಹ ಹೊಂದಿದೆ.
ಮುಂಭಾಗದಲ್ಲಿ 120 Hz ರಿಫ್ರೆಶ್ ದರದೊಂದಿಗೆ 6.8-ಇಂಚಿನ WQHD+ ಸೂಪರ್ ಅಮೋಲೆಡ್ ಡಿಸ್ಪ್ಲೇ ಇದೆ. ಕರ್ವ್ ಡಿಸ್ಪ್ಲೇ 1700 ನಿಟ್ಸ್ ಗರಿಷ್ಠ ಬ್ರೈಟ್ನೆಸ್ ಅನ್ನು ಸಪೋರ್ಟ್ ಮಾಡುತ್ತದೆ, ಇದು ಸ್ಯಾಮ್ಸಂಗ್ ಗ್ಯಾಲಕ್ಸಿ ಎಸ್ 21 ಅಲ್ಟ್ರಾ ಡಿಸ್ಪ್ಲೇಯಲ್ಲಿನ 1500 ನಿಟ್‌ಗಳಿಗಿಂತ ಹೆಚ್ಚಾಗಿದೆ. ಈ ಫೋನ್ 12 ಜಿಬಿ RAM ಮತ್ತು 256 ಜಿಬಿ ಸಂಗ್ರಹದೊಂದಿಗೆ, ಸ್ನಾಪ್ಡ್ರ್ಯಾಗನ್ 888 SoC ಅನ್ನು ಪಡೆಯುತ್ತದೆ. ಇದು 67W ಫಾಸ್ಟ್ ಚಾರ್ಜಿಂಗ್ ಸಪೋರ್ಟ್ನೊಂದಿಗೆ 5000 mAh ಬ್ಯಾಟರಿಯೊಂದಿಗೆ ಕಾರ್ಯ ನಿರ್ವಹಿಸುತ್ತದೆ.
ಇದನ್ನೂ ಓದಿ: Xiaomi Mi 11 Lite: Mi 11 ಲೈಟ್ ಮೊಬೈಲ್ ಫೋನ್ ಮಾರಾಟ ಭಾರತದಲ್ಲಿ ಇಂದಿನಿಂದ ಆರಂಭ; ಬೆಲೆ ಮತ್ತಿತರ ಮಾಹಿತಿ ಇಲ್ಲಿದೆ
( Xiaomi’s Mi 11 ultra mobile phone go for sale from today (July 7th 2021) in India. Here is the details)
