Xiaomi Mi 11 Lite: Mi 11 ಲೈಟ್ ಮೊಬೈಲ್ ಫೋನ್ ಮಾರಾಟ ಭಾರತದಲ್ಲಿ ಇಂದಿನಿಂದ ಆರಂಭ; ಬೆಲೆ ಮತ್ತಿತರ ಮಾಹಿತಿ ಇಲ್ಲಿದೆ

ಶಿಯೋಮಿ ಕಂಪೆನಿಯ Mi 11 ಲೈಟ್ ಮೊಬೈಲ್ ಫೋನ್ ಮಾರಾಟ ಭಾರತದಲ್ಲಿ ಇಂದಿನಿಂದ (ಜೂನ್ 28, 2021) ಆರಂಭವಾಗಿದೆ. ಮಧ್ಯಾಹ್ನ 12 ಗಂಟೆಯಿಂದ ಫ್ಲಿಪ್​ಕಾರ್ಟ್​ನಲ್ಲಿ ಈ ಸ್ಮಾರ್ಟ್​ಫೋನ್ ಖರೀದಿಗೆ ಲಭ್ಯವಾಗಿದೆ. ಇದರ ಜತೆಗೆ Mi.com, Mi ಹೋಮ್ ಸ್ಟೋರ್ಸ್ ಮತ್ತು ಇತರ ರೀಟೇಲ್ ಚಾನೆಲ್​ಗಳ ಮೂಲಕ ಖರೀದಿ ಮಾಡಬಹುದು. Mi 11 ಲೈಟ್ ಅನ್ನು ಕಳೆದ ವಾರ ಅನಾವರಣಗೊಳಿಸಲಾಯಿತು. Mi 11 ಫೋನ್​ನ ಕಡಿಮೆ ದರ್ಜೆಯ ಸ್ಮಾರ್ಟ್​ಫೋನ್ ಇದಾಗಿದೆ. ಈ ವರ್ಷದ ಅತ್ಯಂತ ಹಗುರ ಹಾಗೂ ತೆಳುವಾದ ಫೋನ್ Mi 11 ಲೈಟ್ ಎಂದು ಹೇಳಿಕೊಳ್ಳಲಾಗಿದೆ. 7mm ದಪ್ಪದ ಈ ಫೋನ್ ತೂಕವು 160 ಗ್ರಾಮ್​ಗಿಂತ ಕಡಿಮೆ ಇದೆ. 6GB RAM+ 128GB ಸಂಗ್ರಹ ಸಾಮರ್ಥ್ಯದ Mi 11 ಲೈಟ್​ ಫೋನ್​ನ ಬೆಲೆ ಭಾರತದಲ್ಲಿ ರೂ. 21,999 ಮೇಲ್ಪಟ್ಟು ಇದೆ.

ಅದೇ 8GB ಸಾಮರ್ಥ್ಯದ್ದು ರೂ. 23,999 ಇದೆ. ಜಾಜ್ ಬ್ಲ್ಯೂ, ಟಸ್ಕರಿ ಕೋರಲ್ ಮತ್ತು ವಿನೈಲ್ ಬ್ಲ್ಯಾಕ್ ಹೀಗೆ ಮೂರು ಬಣ್ಣಗಳ ಆಯ್ಕೆಯಲ್ಲಿ Mi 11 ಲೈಟ್ ಸ್ಮಾರ್ಟ್​ಫೋನ್ ಸಿಗುತ್ತದೆ. ಯಾರು ಎಚ್​ಡಿಎಫ್​ಸಿ ಬ್ಯಾಂಕ್​ ಕ್ರೆಡಿಟ್ ಕಾರ್ಡ್​ ಬಳಸಿ ಅಥವಾ ಸುಲಭ ಇಎಂಐ ಆಯ್ಕೆ ಮಾಡಿಕೊಳ್ಳುತ್ತಾರೋ ಅಂಥ ಗ್ರಾಹಕರಿಗೆ 1500 ರೂಪಾಯಿ ತನಕ ರಿಯಾಯಿತಿ ದೊರೆಯುತ್ತದೆ.

Mi 11 ಲೈಟ್ ಫೋನ್ 6.55 ಇಂಚಿನ ಫುಲ್- ಎಚ್​ಡಿ+ AMOLED ಡಿಸ್​ಪ್ಲೇ ಜತೆಗೆ 90Hz ರಿಫ್ರೆಷ್​ ದರದೊಂದಿಗೆ ಬರುತ್ತದೆ. ಈ ಫೋನ್​ನಲ್ಲಿ ಕ್ವಾಲ್​ಕಾಮ್ ಸ್ನ್ಯಾಪ್​ಡ್ರಾಗನ್ 732G ಚಿಪ್​ಸೆಟ್​ ಬಳಸಲಾಗಿದೆ. ಜತೆಗೆ 8GB RAM ಇದೆ. 4,250 mAh ಬ್ಯಾಟರಿ ಇದ್ದು, ಅದನ್ನು ಸಪೋರ್ಟ್​ 33W ಫಾಸ್ಟ್ ಚಾರ್ಜಿಂಗ್ ಒಳಗೊಂಡಿದೆ. ಈ ಸ್ಮಾರ್ಟ್​ಫೋನ್ ಹಿಂಭಾಗದಲ್ಲಿ ಮೂರು ಕ್ಯಾಮೆರಾವಿದ್ದು, 64 ಮೆಗಾಪಿಕ್ಸೆಲ್ ಪ್ರಾಥಮಿಕ ಶೂಟರ್, 8 ಮೆಗಾಪಿಕ್ಸೆಲ್​ನ ಅಲ್ಟ್ರಾ-ವೈಡ್ ಲೆನ್ಸ್ ಮತ್ತು 5 ಮೆಗಾಪಿಕ್ಸೆಲ್​ನ ಮ್ಯಾಕ್ರೋ ಶೂಟರ್ ಇದೆ. ಅಂದಹಾಗೆ ಈ ಫೋನ್​ನಲ್ಲಿ 16 ಮೆಗಾಪಿಕ್ಸೆಲ್​ನ ಸೆಲ್ಫಿ ಕ್ಯಾಮೆರಾ ಇದ್ದು, ಕನೆಕ್ಟಿಟಿ ವಿಚಾರಕ್ಕೆ ಬಂದರೆ, 4G LTE, Wi-Fi, ಬ್ಲ್ಯೂಟೂಥ್, ಜಿಪಿಎಸ್​/ ಎ- ಜಿಪಿಎಸ್​ ಮತ್ತು ಯುಎಸ್​ಬಿ ಟೈಪ್​- ಸಿ ಪೋರ್ಟ್ ಹೊಂದಿದೆ.

ಇದನ್ನೂ ಓದಿ: Mi11 Ultra smartphone launch: ಆ್ಯಪಲ್, ಸ್ಯಾಮ್ಸಂಗ್​ಗೂ ಸಡ್ಡು ಹೊಡೆಯಲು ಬಂತು Mi11 ಅಲ್ಟ್ರಾ

ಇದನ್ನೂ ಓದಿ: Miನಿಂದ QLED TV 75 ದುಬಾರಿ ಟೀವಿ ಭಾರತದಲ್ಲಿ ಬಿಡುಗಡೆ; ಬೆಲೆ ರೂ. 1,19,999 ನಿಗದಿ

(Xiaomi Mi 11 Lite smartphone sale started today in India. Price, features, specification and other details explained here)