OnePlus Nord 2: ಒನ್​ಪ್ಲಸ್ ನಾರ್ಡ್ 2 ಜುಲೈನಲ್ಲಿ ಬಿಡುಗಡೆ? 25 ಸಾವಿರದಿಂದ 30 ಸಾವಿರ ರೂಪಾಯಿ ಮಧ್ಯೆ ದರ ನಿರೀಕ್ಷೆ

OnePlus Nord 2: ಒನ್​ಪ್ಲಸ್ ನಾರ್ಡ್ 2 ಜುಲೈನಲ್ಲಿ ಬಿಡುಗಡೆ? 25 ಸಾವಿರದಿಂದ 30 ಸಾವಿರ ರೂಪಾಯಿ ಮಧ್ಯೆ ದರ ನಿರೀಕ್ಷೆ
ಒನ್​ಪ್ಲಸ್​ ನಾರ್ಡ್​ 2 (ಸಾಂದರ್ಭಿಕ ಚಿತ್ರ)

ಒನ್​ಪ್ಲಸ್ ನಾರ್ಡ್ 2 ಜುಲೈನಲ್ಲಿ ಬಿಡುಗಡೆ ಆಗುವ ನಿರೀಕ್ಷೆ ಇದ್ದು, ದರ 25ರಿಂದ 30 ಸಾವಿರ ರೂಪಾಯಿ ಮಧ್ಯೆ ಇರಬಹುದು. ಮೂಲ ಒನ್​ಪ್ಲಸ್ ನಾರ್ಡ್ ಬದಲಿಯಾಗಿ ನಾರ್ಡ್ 2 ಭಾರತದಲ್ಲಿ ಅನಾವರಣಗೊಳ್ಳುವ ನಿರೀಕ್ಷೆ ಇದೆ.

TV9kannada Web Team

| Edited By: Srinivas Mata

Jun 29, 2021 | 12:57 PM

ಒನ್​ಪ್ಲಸ್ ನಾರ್ಡ್ 2 ಜುಲೈನಲ್ಲಿ ಬಿಡುಗಡೆ ಆಗುವ ನಿರೀಕ್ಷೆ ಇದೆ. ಈ ಮೊಬೈಲ್​ಫೋನ್​ ಬಗ್ಗೆ ಬಹಳ ನಿರೀಕ್ಷೆ ಇದ್ದು, ಫೀಚರ್, ಸ್ಪೆಸಿಫಿಕೇಷನ್ ಮತ್ತಿತರ ವಿವರಗಳು ಹರಿದಾಡುತ್ತಿವೆ. ಮೊಬೈಲ್​ಫೋನ್ ಕುರಿತು ಇಲ್ಲಿಯ ತನಕ ಗೊತ್ತಿರುವುದನ್ನು ಈ ಲೇಖನದಲ್ಲಿ ತಿಳಿಸಲಾಗುವುದು. ಈವರೆಗೆ ಒನ್​ಪ್ಲಸ್ ಮೊಬೈಲ್​ಫೋನ್​ಗಳು ಕ್ವಾಲ್​ಕಾಮ್ ಪ್ರೊಸೆಸರ್​ಗಳೊಂದಿಗೆ ಬಿಡುಗಡೆ ಆಗಿವೆ. ನಾರ್ಡ್ 2ನಲ್ಲಿ ಈ ಪರಿಪಾಠ ಬದಲಾವಣೆ ಆಗಲಿದೆ ಎನ್ನಲಾಗುತ್ತಿದೆ. ಮಾರ್ಚ್​ ತಿಂಗಳಿಂದಲೂ ಆಗುತ್ತಿರುವ ವರದಿಯಂತೆ, ಒನ್​ಪ್ಲಸ್ ನಾರ್ಡ್ 2ನಲ್ಲಿ ಮೀಡಿಯಾಟೆಕ್ ಡೈಮೆನ್ಸಿಟಿ 1200 ಚಿಪ್​ಸೆಟ್​ ಹೊಂದಿರಲಿದೆ. ಇದು 5G ಚಿಪ್​ಸೆಟ್ 6nm ಪ್ರೊಸೆಸ್​ ಮೇಲೆ ಆಧಾರವಾಗಿದೆ ಹಾಗೂ ಕ್ಲಾಕ್ ವೇಗ 3GHz ತನಕ ನೀಡುತ್ತದೆ ಅಂತಲೇ ಮಾಹಿತಿ ಇದೆ. ಒನ್​ಪ್ಲಸ್ ನಾರ್ಡ್ ಸಿಇ 5G ಮೊಬೈಲ್​ ಫೋನ್ ಪರಿಚಿತ ಅಲರ್ಟ್ ಸ್ಲೈಡರ್ ಇಲ್ಲದೆ ಬಿಡುಗಡೆ ಆಗಿತ್ತು. ಆದ್ದರಿಂದ ಒನ್​ಪ್ಲಸ್​ನಿಂದ ನಾರ್ಡ್ ಲೈನ್​ಅಪ್​ನಲ್ಲಿ ಈ ಸ್ಲೈಡರ್​ ತೆಗೆಯಬಹುದು ಎಂದುಕೊಳ್ಳುತ್ತಿದ್ದಾರೆ ಅಭಿಮಾನಿಗಳು. ಆದರೂ ಮೂಲಗಳು ನೀಡುವ ಮಾಹಿತಿಯಂತೆ, ನಾರ್ಡ್ 2ನಲ್ಲಿ ಅಲರ್ಟ್​ ಸ್ಲೈಡರ್ ಫ್ರೇಮ್​ನ ಬಲಭಾಗಕ್ಕೆ ಇರಲಿದೆ.

ಒನ್​ಪ್ಲಸ್​ ನಾರ್ಡ್ 2 ಡಿಸೈನ್ ಒನ್​ಪ್ಲಸ್ 9 ಅನ್ನೇ ಹೋಲುತ್ತದೆ. ಚೌಕನಾದ ಹಿಂಬದಿಯ ಕ್ಯಾಮೆರಾ ಮಾಡ್ಯುಲ್ ಹಾಗೂ ತುದಿಯಲ್ಲಿನ ಹೋಲ್- ಪಂಚ್ ಸೆಲ್ಫಿ ಕ್ಯಾಮೆರಾ ಇವೆಲ್ಲವೂ ಒನ್​ಪ್ಲಸ್ 9 ಅನ್ನು ಹೋಲುತ್ತವೆ. ಒನ್​ಪ್ಲಸ್​ 9ನಂತೆಯೇ ನಾರ್ಡ್​ 2 ಕೂಡ ಕೈಗೆಟುಕುವ ಫೋನ್ ಎಂಬ ಭಾವನೆ ಬರಲಿ ಎಂಬ ಕಾರಣಕ್ಕೆ ಉದ್ದೇಶಪೂರ್ವಕವಾಗಿ ಹೀಗೆ ಮಾಡಿದಂತಿದೆ ಎಂಬುದನ್ನು ಸೂಚಿಸುತ್ತಿವೆ ಸೋರಿಕೆ ಆಗಿರುವ ಮಾಹಿತಿ. ಮೂಲಗಳು ತಿಳಿಸುವಂತೆ, ನಾರ್ಡ್​ 2ನ ಹಿಂಬದಿಯಲ್ಲಿ ಮೂರು ಕ್ಯಾಮೆರಾ ಇರಲಿದೆ. ಪ್ರಾಥಮಿಕ ಸೆನ್ಸರ್ 50 ಮೆಗಾಪಿಕ್ಸೆಲ್, 8 ಎಂಪಿ ವೈಡ್ ಆ್ಯಂಗಲ್ ಲೆನ್ಸ್, 2 ಎಂಪಿ ಸೆನ್ಸರ್ -ಇದು ಮ್ಯಾಕ್ರೋ ಅಥವಾ ಡೆಪ್ತ್ ಇರಬಹುದು. ಎರಡು ಸೆಲ್ಫಿ ಕ್ಯಾಮೆರಾ ಬದಲಿಗೆ ಒಂದೇ 32 ಮೆಗಾಪಿಕ್ಸೆಲ್ ಫ್ರಂಟ್ ಕ್ಯಾಮೆರಾ ಇರಲಿದೆ. ಮೂಲ ನಾರ್ಡ್​ನಲ್ಲಿ ಹೀಗೇ ಇತ್ತು.

ಮೂಲ ಒನ್​ಪ್ಲಸ್ ನಾರ್ಡ್ ಬದಲಿಯಾಗಿ ನಾರ್ಡ್ 2 ಭಾರತದಲ್ಲಿ ಅನಾವರಣಗೊಳ್ಳುವ ನಿರೀಕ್ಷೆ ಇದೆ. ಸ್ಪೆಸಿಫಿಕೇಷನ್ಸ್​ಗಳನ್ನು ಗಮನಿಸುತ್ತಿದ್ದರೆ ಈಚೆಗಿನ ನಾರ್ಡ್ ಸಿಇ 5G ಮೊಬೈಲ್​ಫೋನ್​ಗಿಂತಲೂ ಉತ್ತಮವಾಗಿರುತ್ತದೆ ಎನಿಸುತ್ತದೆ. ಆದ್ದರಿಂದ ಭಾರತದಲ್ಲಿ ಒನ್​ಪ್ಲಸ್​ ನಾರ್ಡ್​ 2 ದರ 25ರಿಂದ 30 ಸಾವಿರ ರೂಪಾಯಿ ಮಧ್ಯೆ ಇರಬಹುದು. ಇನ್ನು ಬಿಡುಗಡೆಯ ದಿನಾಂಕದ ಬಗ್ಗೆ ಸ್ಪಷ್ಟ ಮಾಹಿತಿ ಸಿಕ್ಕಿಲ್ಲ. ಜುಲೈ ಮಧ್ಯಭಾಗದಲ್ಲಿ ಬಿಡುಗಡೆ ಆಗಬಹುದು.

ಇದನ್ನೂ ಓದಿ: OnePlus Nord CE 5G: ಒನ್​ಪ್ಲಸ್ Nord CE 5G ಭಾರತದಲ್ಲಿ ಬಿಡುಗಡೆ; ಬೆಲೆ, ಫೀಚರ್ ಮತ್ತಿತರ ವಿವರ ಇಲ್ಲಿದೆ

(OnePlus Nord 2 India release date, specification, features and other details expectation here)

Follow us on

Related Stories

Most Read Stories

Click on your DTH Provider to Add TV9 Kannada