Xiaomi: ಸ್ಮಾರ್ಟ್​ಫೋನ್​ ಬಳಕೆದಾರರಿಗೆ ವಿಶೇಷ ಕೊಡುಗೆ ಪ್ರಕಟಿಸಿದ ಶವುಮಿ ​

ಪ್ರಸಿದ್ಧ ಟೆಕ್ ಕಂಪೆನಿಗಳಾದ ಶವುಮಿ (Xiaomi) ಮತ್ತು ಗೂಗಲ್ (Google) ಮಂಗಳವಾರ ಭಾರತದಲ್ಲಿ ತಮ್ಮ ಸಹಭಾಗಿತ್ವವನ್ನು ಘೋಷಿಸಿವೆ . ಈ ಹೊಸ ಒಪ್ಪಂದದ ಭಾಗವಾಗಿ, ಶವುಮಿ ಭಾರತದಲ್ಲಿ ತನ್ನ ಕೆಲವು ಹೊಸ ಸ್ಮಾರ್ಟ್‌ಫೋನ್‌ಗಳು ಮತ್ತು ಟ್ಯಾಬ್ಲೆಟ್‌ಗಳನ್ನು ಖರೀದಿಸಿದವರಿಗೆ ಉಚಿತವಾಗಿ ಯೂಟ್ಯೂಬ್​ ಪ್ರೀಮಿಯಂ ಸೇವೆಯನ್ನು ನೀಡಲಿದೆ. ಈ ಆಫರ್​ ಅಡಿಯಲ್ಲಿ ಯೂಟ್ಯೂಬ್ ಪ್ರೀಮಿಯಂನ ವಿಶೇಷ ವಿಡಿಯೋ, ಕಾರ್ಯಕ್ರಮ ಮತ್ತು ಆ್ಯಡ್​ ಫ್ರೀ ವಿಡಿಯೋಗಳನ್ನು ಈ ಮೂಲಕ ಶವುಮಿ ಸ್ಮಾರ್ಟ್​ಫೋನ್​ ಬಳಕೆದಾರರು ಮೂರು ತಿಂಗಳುಗಳ ಕಾಲ ಉಚಿತವಾಗಿ ವೀಕ್ಷಿಸಬಹುದು. ವಿಶೇಷ ಎಂದರೆ ಈ ಕೊಡುಗೆಯನ್ನು ಹೊಸ ಸ್ಮಾರ್ಟ್​ಫೋನ್ ಖರೀದಿದಾರರಿಗೆ ಅಲ್ಲದೆ, ಈ ವರ್ಷ ಖರೀದಿಸಿದ ಗ್ರಾಹಕರಿಗೂ ನೀಡಲಾಗುತ್ತಿದೆ.

ಅಂದರೆ ಈ ವರ್ಷದ ಫೆಬ್ರವರಿ 1 ರ ನಂತರ ನೀವು ಆಯ್ದ Xiaomi ಫೋನ್‌ಗಳು ಅಥವಾ ಟ್ಯಾಬ್ಲೆಟ್ ಅನ್ನು ಖರೀದಿಸಿದ್ದರೆ ಈ ಕೊಡುಗೆ ಸಿಗಲಿದೆ. ಫೆಬ್ರವರಿ 1 ರ ಬಳಿಕ ನೀವು ಶವುಮಿಯ ಆಯ್ದ ಸ್ಮಾರ್ಟ್​ಫೋನ್, ಟ್ಯಾಬ್ಲೆಟ್​ ಖರೀದಿಸಿದ್ದರೆ​ ನಿಮಗೆ YouTube Premium ಸಬ್​ಕ್ರಿಪ್ಶನ್ ಉಚಿತವಾಗಿ ಸಿಗಲಿದೆ. ಆಗಿದ್ರೆ ಶವುಮಿ ನೀಡುತ್ತಿರುವ ಈ ಕೊಡುಗೆಗಳನ್ನು ಯಾವೆಲ್ಲಾ ಸ್ಮಾರ್ಟ್​ಫೋನ್​ಗಳಲ್ಲಿ ಪಡೆಯಬಹುದು ಎಂದು ನೋಡೋಣ…

– Xiaomi 12 Pro

– Xiaomi 11i

– Xiaomi 11i ಹೈಪರ್‌ಚಾರ್ಜ್

– Xiaomi 11T ಪ್ರೊ

ಈ ನಾಲ್ಕು ಸ್ಮಾರ್ಟ್​ಫೋನ್​ಗಳಲ್ಲಿ 3 ತಿಂಗಳುಗಳ ಕಾಲ ಯೂಟ್ಯೂಬ್ ಪ್ರೀಮಿಯಂ ಸೇವೆ ಉಚಿತವಾಗಿ ಸಿಗಲಿದೆ.

– Xiaomi ಪ್ಯಾಡ್ 5

-Redmi Note 11

-Redmi Note 11T

– Redmi Note 11 Pro+

– Redmi Note 11 Pro

– Redmi Note 11S

ಈ ಸ್ಮಾರ್ಟ್​ಫೋನ್​ಗಳಲ್ಲಿ 2 ತಿಂಗಳುಗಳ ಕಾಲ ಯೂಟ್ಯೂಬ್ ಪ್ರೀಮಿಯಂ ಸೇವೆ ಉಚಿತವಾಗಿ ಸಿಗಲಿದೆ.

ಮೇಲೆ ಉಲ್ಲೇಖಿಸಲಾದ ಫೋನ್‌ಗಳ ಬಳಕೆದಾರರಿಗೆ ಶವುಮಿ YouTube ಪ್ರೀಮಿಯಂ ಅನುಭವವನ್ನು ನೀಡಲಿದೆ. ಇದರ ನಂತರ ಪಾವತಿ ಮೂಲಕ ಪ್ರೀಮಿಯಂ ಸೇವೆಯನ್ನು ವಿಸ್ತರಿಸಬಹುದು. ಅರ್ಹ ಗ್ರಾಹಕರು ಜೂನ್ 6, 2022 ರಿಂದ Xiaomi ಮತ್ತು Redmi ಉತ್ಪನ್ನಗಳಲ್ಲಿ ಈ YouTube Premium ಆಫರ್ ಅನ್ನು ರಿಡೀಮ್ ಮಾಡಬಹುದು. ಈ ಆಫರ್​ ಜನವರಿ 31, 2023 ರವರೆಗೆ ಮಾನ್ಯವಾಗಿರುತ್ತದೆ” ಎಂದು ಶವುಮಿ ಕಂಪೆನಿ ತಿಳಿಸಿದೆ.

ತಂತ್ರಜ್ಞಾನ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ