Rachita Ram

ರಚಿತಾ ರಾಮ್ ನಿಜವಾದ ಹೆಸರು ಬಿಂಧಿಯಾ ರಾಮ್. ಇವರು ಜನಿಸಿದ್ದು 1993ರ ಅಕ್ಟೋಬರ್ 3ರಂದು. ಸ್ಯಾಂಡಲ್‌ವುಡ್‌ನ ‘ಡಿಂಪಲ್ ಕ್ವೀನ್’ ಎಂದು ಕರೆಯಲ್ಪಡುವ ಪ್ರಮುಖ ಕನ್ನಡ ನಟಿ. ಅವರು ಬೆಂಗಳೂರಿನವರು. ಅವರ ತಂದೆ ಕೆ.ಎಸ್. ರಾಮ್ ಭರತನಾಟ್ಯ ಕಲಾವಿದ.  ರಚಿತಾ ಸ್ವತಃ ಭರತನಾಟ್ಯದಲ್ಲಿ ತರಬೇತಿ ಪಡೆದಿದ್ದಾರೆ. ಅವರು 50 ಕ್ಕೂ ಹೆಚ್ಚು ಬಾರಿ ಪ್ರದರ್ಶನ ನೀಡಿದ್ದಾರೆ.  ತಮ್ಮ ವೈಯಕ್ತಿಕ ಜೀವನದಲ್ಲಿ, ರಚಿತಾ ಅವರು ಶೀಘ್ರದಲ್ಲೇ ವೈವಾಹಿಕ ಜೀವನಕ್ಕೆ ಕಾಲಿಡಲಿದ್ದಾರೆ ಎಂದು ಸಾರ್ವಜನಿಕವಾಗಿ ಹೇಳಿದ್ದಾರೆ. ಅವರಿಗೆ ನಿತ್ಯಾ ರಾಮ್ ಎಂಬ ಸಹೋದರಿಯೂ ಇದ್ದಾರೆ. ಅವರು ಬಣ್ಣದ ಲೋಕದಲ್ಲಿ ಆ್ಯಕ್ಟೀವ್ ಆಗಿದ್ದಾರೆ.  ರಚಿತಾ ಅವರು ‘ಅರಸಿ’ (2012) ಧಾರಾವಾಹಿಯೊಂದಿಗೆ ನಟನೆ ಆರಂಭಿಸಿದರು. ದರ್ಶನ್ ಅಭಿನಯದ ‘ಬುಲ್‌ಬುಲ್’ ಸಿನಿಮಾ ಅವರ ಬದುಕು ಬದಲಿಸಿತು. ಅಲ್ಲಿಂದ ಇಲ್ಲಿಯವರೆಗೆ ಸಾಕಷ್ಟು ಸಿನಿಮಾ ಮಾಡಿದ್ದಾರೆ.  ರನ್ನ, ಚಕ್ರವ್ಯೂಹ, ಪುಷ್ಪಕ ವಿಮಾನ, ಭರ್ಜರಿ, ಅಯೋಗ್ಯ, ಸೀತಾರಾಮ ಕಲ್ಯಾಣ, ನಟಸಾರ್ವಭೌಮ ಮೊದಲಾದವು ಸೇರಿವೆ. 2025ರಲ್ಲಿ ಸೂಪರ್​ ಸ್ಟಾರ್​ ರಜಿನಿಕಾಂತ್​ ಜೊತೆ ‘ಕೂಲಿ’ ಸಿನಿಮಾದಲ್ಲಿ ನಟಿಸುವ ಮೂಲಕ ಮತ್ತಷ್ಟು ಜನಪ್ರಿಯತೆ ಪಡೆದರು.