Viral Video: 71ರ ಮೆಕ್ಸಿಕೋದ ಈ ಅಜ್ಜಿ ಎನ್ಬಿಎ ಸ್ಟಾರ್ನಂತೆ ಬಾಸ್ಕೆಟ್ ಬಾಲ್ ಆಡುತ್ತಾರೆ!
Granny Plays Basketball : ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ 1 ಮಿಲಿಯನ್ಗೂ ಹೆಚ್ಚು ವೀಕ್ಷಣೆಗೆ ಒಳಪಟ್ಟಿದೆ. ನೋಡಿ...
Updated on:Aug 07, 2022 | 5:25 PM
Viral : ಮೆಕ್ಸಿಕೋದ 71 ವರ್ಷದ ಆ್ಯಂಡ್ರಿಯಾ ಗಾರ್ಸಿಯಾ ಲೋಪೇಝ್ ಈಗ ಇಂಟರ್ನೆಟ್ ತಾರೆ! ಈಕೆ ಈ ಇಳಿವಯಸ್ಸಿನಲ್ಲಿಯೂ ಅತ್ಯಂತ ಕೌಶಲದಿಂದ ಬಾಸ್ಕೆಟ್ ಬಾಲ್ ಆಡುವುದನ್ನು ನೋಡಿದ ನೆಟ್ಟಿಗರು ಅಚ್ಚರಿಗೆ ಬಿದ್ದಿದ್ದಾರೆ. ಇವರನ್ನು ಎನ್ಬಿಎ ಸ್ಪರ್ಧೆಗೆ ಕಳಿಸಬಹುದಿತ್ತು ಎಂದು ಕೆಲವರು ಅಭಿಪ್ರಾಯಪಟ್ಟಿದ್ದಾರೆ. ಈ ವಿಡಿಯೋವನ್ನು ಆ್ಯಂಡ್ರಿಯಾ ಅವರ ಮೊಮ್ಮಗ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಇದೀಗ ಈ ವಿಡಿಯೋ ವೈರಲ್ ಆಗಿದೆ. ಆದರೆ ಆ್ಯಂಡ್ರಿಯಾ ತನಗೀಗ ಮೊಣಕಾಲಿನ ಸಮಸ್ಯೆಯಾಗಿದ್ದು ಆಡಲು ಕಷ್ಟವಾಗುತ್ತಿದೆ ಎಂದು ಹೇಳಿಕೊಂಡಿದ್ದಾರೆ. ಆ್ಯಂಡ್ರಿಯಾ ಅವರು ಆತ್ಮವಿಶ್ವಾಸದಿಂದ ಆಡುವುದನ್ನು ನೋಡಿದ ನೆಟ್ಟಿಗರು ಬೆರಗುಗಣ್ಣುಗಳಿಂದ ನೋಡುತ್ತಿದ್ದಾರೆ. ನಿಜವಾಗಿಯೂ ಇವರು ಎನ್ಬಿಎ ಸ್ಟಾರ್ನಂತೆ ಆಡುತ್ತಿದ್ದಾರೆ ಎಂದು ಪ್ರಶಂಸಿಸಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ 1 ಮಿಲಿಯನ್ಗೂ ಹೆಚ್ಚು ವೀಕ್ಷಣೆಗೆ ಒಳಪಟ್ಟಿದೆ.
ಈ ಹಿಂದೆ, ಜೇಮ್ಸ್ ಎಂಬ 64 ವರ್ಷದ ಹಿರಿಯರೊಬ್ಬರ ಫುಟ್ಬಾಲ್ ಕೌಶಲಕ್ಕಾಗಿ ನೆಟ್ಟಿಗರು ಪ್ರಶಂಸಿದ್ದನ್ನು ಇಲ್ಲಿ ಸ್ಮರಿಸಬಹುದು. ಕೇರಳದ ವ್ಯಕ್ತಿಯ ಈ ವೀಡಿಯೊವನ್ನು ಪ್ರದೀಪ್ ಎನ್ನುವವರು ಇನ್ಸ್ಟ್ರಾಗ್ರಾಂನಲ್ಲಿ ಹಂಚಿಕೊಂಡಿದ್ದರು. “ಈಗಲೂ ಫುಟ್ಬಾಲ್ ಆಡುವ ಈ 64 ವರ್ಷದ ವ್ಯಕ್ತಿಯನ್ನು ಭೇಟಿಯಾಗುವ ಭಾಗ್ಯ ಅಂತೂ ನನಗೆ ಸಿಕ್ಕಿತು. ಜೀವನೋಪಾಯಕ್ಕಾಗಿ ಟ್ರಕ್ ಓಡಿಸುವ ಇವರು ಲಾರಿಯಲ್ಲಿ ತನ್ನ ಫುಟ್ಬಾಲ್ ಕಿಟ್ ಅನ್ನು ತನ್ನೊಂದಿಗೇ ತೆಗೆದುಕೊಂಡು ಹೋಗುತ್ತಾರೆ. ಈ ಮೊದಲು ವಯನಾಡ್ ಫುಟ್ಬಾಲ್ ತಂಡದ ಸದಸ್ಯರಾಗಿದ್ದರು. ಇವರಿಂದ ನಾನು ಕಲಿತ ಒಂದು ವಿಷಯವೆಂದರೆ, ನೀನು ಏನನ್ನಾದರೂ ಮಾಡು. ಅದನ್ನು ಇಷ್ಟಪಟ್ಟು ಮಾಡು.ನ್ನು ಮಾಡು.”
ಇನ್ನಷ್ಟು ವೈರಲ್ ವಿಡಿಯೋಗಳಿಗಾಗಿ ಕ್ಲಿಕ್ ಮಾಡಿ
Published On - 5:17 pm, Sun, 7 August 22
