Viral News: ಸುಮಾರು 27 ದಿನಗಳ ಕಾಲ, 64 ಕಿ.ಮೀ ನಡೆದುಕೊಂಡು ಹೋಗಿ ತನ್ನ ಮಾಲೀಕನ ಮನೆ ಸೇರಿದ ಶ್ವಾನ

ನಾಯಿಯ ಪ್ರೀತಿ ಮತ್ತು ನಿಯತ್ತಿನ ಮುಂದೆ ಏನು ಇಲ್ಲ. ತನ್ನನ್ನೂ ಸಾಕಿದ ಮಾಲೀಕನಿಗೆ ಒಂದು ಅದ್ಭುತ ಸ್ಪರ್ಶ ಮತ್ತು ಪ್ರೀತಿಯನ್ನು ಈ ನಾಯಿಗಳು ನೀಡುತ್ತದೆ. ಇದಕ್ಕೆ ಬೀದಿ ನಾಯಿಗಳು ಹೊರತಾಗಿಲ್ಲ. ಪ್ರೀತಿ ತೋರಿಸಿದ ಮನೆಯನ್ನು ಬಿಟ್ಟು ಹೋಗಲು ಯಾವತ್ತೂ ಇಷ್ಟ ಪಡುವುದಿಲ್ಲ ಹಾಗೂ ಅವುಗಳು ಎಲ್ಲೇ ತಪ್ಪಿಸಿಕೊಂಡು ಹೋದರೂ, ಒಂದಷ್ಟು ದಿನಗಳ ಬಳಿಕ ತಮ್ಮ ಮನೆಗೆ ಮರಳಿ ಸೇರುತ್ತವೆ. ಇದಕ್ಕೆ ಸಾಕ್ಷಿ ಎಂಬಂತೆ ಗೋಲ್ಡನ್ ರಿಟ್ರೈವರ್ ಜಾತಿಯ ನಾಯಿ ಒಂದು ತನ್ನ ಹಿಂದಿನ ಮಾಲೀಕನ ಮನೆ ಸೇರಲು 64ಕಿ.ಮೀ ಗಳಷ್ಟು ದೂರ 27 ದಿನಗಳ ಕಾಲ ಪ್ರಯಾಣಿಸಿದೆ.

ಕೂಪರ್ ಹೆಸರಿನ ಗೋಲ್ಡನ್ ರಿಟ್ರೈವರ್ ಜಾತಿಯ ನಾಯಿ ತನ್ನ ಹಿಂದಿನ ಮಾಲೀಕನ ಮನೆಗೆ ಸೇರುವ ಸಲುವಾಗಿ ಸುಮಾರು ಒಂದು ತಿಂಗಳ ಕಾಲ 64 ಕಿ.ಮೀಗಳಷ್ಟು ಪ್ರಯಾಣಿಸಿದೆ. ವರದಿಗಳ ಪ್ರಕಾರ ಕೂಪರ್ ಎಂಬ ನಾಯಿಯು ಉತ್ತರ ಐರ್ಲೆಂಡ್‌ನ ಕೌಂಟಿ ಟೈರೋನ್​​​ನಲ್ಲಿರುವ ಒಬ್ಬ ವ್ಯಕ್ತಿಗೆ ಈ ನಾಯಿಯನ್ನು ಮಾರಾಟ ಮಾಡಿದ್ದಾರೆ. ತನ್ನ ಹೊಸ ಮಾಲೀಕ ನಿಗೆಲ್ ಫ್ಲೆಮಿಂಗ್ ಎಂಬವರ ಮನೆಗೆ ಬಂದ ಕೂಡಲೇ ಈ ನಾಯಿ ಕಾರಿನಿಂದ ಜಿಗಿದು ಓಡಿ ಹೋಗಿದೆ. ಸುಮಾರು ಒಂದು ತಿಂಗಳ ಕಾಲ ಕಣ್ಮರೆಯಾಗಿತ್ತು. ಸುಮಾರು 40 ಮೈಲಿಗಳಷ್ಟು ಪ್ರಯಾಣ ಮಾಡುವ ಮೂಲಕ ಲಂಡನ್‌ಡೆರಿ ಕೌಂಟಿಯ ಟೋಬರ್ ಮೋರ್ ನಲ್ಲಿರುವ ತನ್ನ ಮೊದಲ ಮಾಲೀಕನ ಮನೆ ಸೇರಿದೆ.

ಕೂಪರ್​​ನ್ನು ನೋಡಿಕೊಳ್ಳಲು ಸಾಧ್ಯವಾಗದ ಕಾರಣ ಆ ನಾಯಿಯನ್ನು ದತ್ತು ಕೊಡಲಾಗಿತ್ತು. ಹೊಸ ಮಾಲೀಕ ನಿಗೆಲ್ ಫ್ಲೆಮಿಂಗ್ ಪ್ರಕಾರ ಕೂಪರ್ ಅವರ ಮನೆಯಲ್ಲಿ ಕೇವಲ ಸ್ವಲ್ಪ ಹೊತ್ತು ಮಾತ್ರ ಇತ್ತು. ನಂತರ ಅದು ಓಡಿ ಹೋಗಿದೆ. ನಾಯಿಯನ್ನು ಹುಡುಕಾಡಲು ಅವರು ಲಾಸ್ಟ್ ಪಾವ್ಸ್ ಎನ್ ಐ ಹೆಸರಿನ ಕಾಣೆಯಾದ ಸಾಕುಪ್ರಾಣಿಗಳ ಚಾರಿಟಿಗೆ ದೂರು ನೀಡುತ್ತಾರೆ. ಚಾರಿಟಿಯು ಕೂಪರ್​​​ನ ಫೋಟೊಗಳನ್ನು ಸಾಮಾಜಿಕ ಮಾಧ್ಯಮಗಳಲ್ಲಿ ಪ್ರಸಾರ ಮಾಡಿ ಮತ್ತು ಹಲವಾರು ಕಡೆಗಳಲ್ಲಿ ಪೋಸ್ಟರ್​​​ಗಳನ್ನು ಅಂಟಿಸಿ ನಾಯಿಯ ಬಗ್ಗೆ ಸುಳಿವು ಸಿಕ್ಕರೆ ತಕ್ಷಣ ತಮಗೆ ಮಾಹಿತಿ ನೀಡುವಂತೆ ಕೇಳಿತು. ಇದರಿಂದ ಕೆಲವರು ಕೂಪರ್ ಹೊಲಗಳು ಗುಡ್ಡಗಾಡುಗಳ ನಡುವೆ ನಡೆದುಕೊಂಡು ಹೋಗುತ್ತಿತ್ತು ಎಂದು ಚಾರಿಟಿಗೆ ಕೆಲವು ಜನ ಮಾಹಿತಿ ನೀಡಿದರು.

ಇದನ್ನೂ ಓದಿ:Viral News : ಶಸ್ತ್ರಚಿಕಿತ್ಸೆ ಮೂಲಕ ಗುಪ್ತಾಂಗದಿಂದ ಬುಲೆಟ್ ತೆಗೆದು ಹಾಕಿದ ಮಹಿಳೆ!

ಕೂಪರ್ ತಾನು ಮೊದಲು ಇದ್ದ ಮನೆಯನ್ನು ಸೇರಲು 27 ದಿನಗಳ ಕಾಲ ರಸ್ತೆ, ಕಾಡುಗಳು, ಹೊಲ, ಹಳ್ಳಿಗಾಡಿನ ರಸ್ತೆಗಳ ಮೂಲಕ ನಡೆದಾಡುವ ಮೂಲಕ ತನ್ನನ್ನೂ ಮೊದಲ ಸಾಕಿದ ಮಾಲೀಕನ ಮನೆ ಸೇರಿದೆ ಎಂದು ಚಾರಿಟಿ ಹೇಳಿಕೆ ನೀಡಿದೆ. ಕೂಪರ್​​ನ ಹೊಸ ಮಾಲೀಕ ನಿಗೆಲ್ ಫ್ಲೆಮಿಂಗ್, ನಾಯಿಯು ಮಾನವ ಸಂಪರ್ಕಕ್ಕೆ ಸಿಗದೆ ಅಥವಾ 20 ದಿನಗಳಿಗಿಂತ ಹೆಚ್ಚು ಕಾಲ ಹೇಗೆ ಬದುಕುಳಿದಿದೆ ಎಂದು ಆಶ್ಚರ್ಯವಾಗಿದೆ ಎಂದು ಹೇಳಿದರು.

ಮತ್ತಷ್ಟು ವೈರಲ್​​ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ: