Viral: ಅಬ್ಬಬ್ಬಾ ಎಂಥಾ ಫ್ರೆಂಡ್‌ಶಿಪ್‌ ನೋಡಿ, ಬೆಸ್ಟ್‌ ಫ್ರೆಂಡ್‌ ಕಚ್ಚಿದ ಗುರುತಿನ ಮೇಲೆ ಟ್ಯಾಟೂ ಹಾಕಿಸಿಕೊಂಡ ಯುವಕ
ಕೆಲವರು ಸ್ನೇಹಿತರ ನೆನಪಿಗಾಗಿ ಅವರ ಬೆಸ್ಟ್‌ ಫ್ರೆಂಡ್‌ ಹೆಸರನ್ನು ಎದೆ ಅಥವಾ ಕೈಗಳಲ್ಲಿ ಹಚ್ಚೆ ಹಾಕಿಸಿಕೊಳ್ಳುವವರನ್ನು ನೋಡಿರುತ್ತೇವೆ. ಆದ್ರೆ ಇಲ್ಲೊಬ್ಬ ಯುವಕ ತನ್ನ ಗರ್ಲ್‌ ಬೆಸ್ಟ್‌ ಫ್ರೆಂಡ್‌ ತೋಳಿನ ಮೇಲೆ ಕಚ್ಚಿದ ಗುರುತಿನ ಮೇಲೆ ಬೈಟ್‌ ಮಾರ್ಕ್‌ ಟ್ಯಾಟೂ ಹಾಕಿಸಿಕೊಂಡಿದ್ದಾನೆ. ಈ ವಿಡಿಯೋ ಇದೀಗ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದ್ದು, ಇದೆಂಥಾ ಫ್ರೆಂಡ್‌ಶಿಪ್‌ ಮಾರ್ರೆ ಎಂದು ನೆಟ್ಟಿಗರು ಬಾಯಿ ಮೇಲೆ ಬೆರಳಿಟ್ಟುಕೊಂಡಿದ್ದಾರೆ.
ಹಚ್ಚೆ ಹಾಕಿಸಿಕೊಳ್ಳುವುದು ಈಗೊಂದು ಟ್ರೆಂಡ್‌ ಆಗಿಬಿಟ್ಟಿದೆ. ಕೆಲವರು ಅಪ್ಪ ಅಮ್ಮನ ಹೆಸರು, ದೇವರ ಚಿತ್ರ ಸೇರಿದಂತೆ ಇತ್ಯಾದಿ ಆಕರ್ಷಕ ಚಿತ್ರಗಳನ್ನು ಟ್ಯಾಟೂ ಹಾಕಿಸಿಕೊಂಡರೇ ಇನ್ನೂ ಕೆಲವರು ತಮ್ಮ ಪ್ರಿಯಕರ ಅಥವಾ ಪ್ರಿಯತಮೆಯ ಹೆಸರನ್ನು ಹಚ್ಚೆ ಹಾಕಿಸಿಕೊಳ್ಳುತ್ತಾರೆ. ಇನ್ನೂ ಒಂದು ಕೈ ಮೇಲೆ ಎಂಬಂತೆ ಪ್ರಿಯತಮೆಯ ಚಿತ್ರವನ್ನು ಎದೆಯ ಮೇಲೆ ಹಚ್ಚೆ ಹಾಕಿಸಿಕೊಂಡವರೂ ಇದ್ದಾರೆ. ಮಾತ್ರವಲ್ಲದೆ ತಮ್ಮ ಜೀವಕ್ಕೆ ಜೀವದಂತಿರುವ ಬೆಸ್ಟ್‌ ಫ್ರೆಂಡ್‌ ಹೆಸರನ್ನು ಕೂಡಾ ಟ್ಯಾಟೂ ಹಾಕಿಸಿಕೊಳ್ಳುವವರಿದ್ದಾರೆ. ಆದ್ರೆ ಇಲ್ಲೊಬ್ಬ ಯುವಕ ನಾನು ಸ್ವಲ್ಪ ಡಿಫರೆಂಟ್‌ ಎನ್ನುತ್ತಾ ತನ್ನ ಗರ್ಲ್‌ ಬೆಸ್ಟ್‌ ಫ್ರೆಂಡ್‌ ಕಚ್ಚಿದ ಬೈಟ್‌ ಮಾರ್ಕ್‌ ಅನ್ನೇ ತೋಳಿನ ಮೇಲೆ ಹಚ್ಚೆ ಹಾಕಿಸಿಕೊಂಡಿದ್ದಾನೆ. ಈ ವಿಡಿಯೋ ಇದೀಗ ಸೋಷಿಯಲ್‌ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.
ರಕ್ಷಾ ಶೆಟ್ಟಿ (Raksha_shetty_royalbunt) ಎಂಬವರು ಈ ಕುರಿತ ವಿಡಿಯೋವನ್ನು ತಮ್ಮ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ವೈರಲ್ ವಿಡಿಯೋದಲ್ಲಿ ಗರ್ಲ್‌ ಬೆಸ್ಟ್‌ ಫ್ರೆಂಡ್‌ ತನ್ನ ತೋಳಿಗೆ ಕಚ್ಚಿದ ಬೈಟ್‌ ಮಾರ್ಕ್‌ ಅನ್ನು ಯುವಕನೊಬ್ಬ ಹಚ್ಚೆ ಹಾಕಿಸಿಕೊಳ್ಳುತ್ತಿರುವ ದೃಶ್ಯವನ್ನು ಕಾಣಬಹುದು. ಯುವಕನೊಬ್ಬ ತನ್ನ ಪ್ರೀತಿಯ ಗರ್ಲ್‌ ಬೆಸ್ಟ್‌ಫ್ರೆಂಡ್‌ ನೆನಪಿಗಾಗಿ ಆಕೆಯ ಕೈಯಿಂದ ಕಚ್ಚಿಸಿಕೊಂಡು, ಆಕೆ ತೊಳಿಗೆ ಕಚ್ಚಿದ ಬೈಟ್‌ ಮಾರ್ಕ್‌ ಅನ್ನು ಟ್ಯಾಟೂ ಹಾಕಿಸಿಕೊಂಡಿದ್ದಾನೆ.
ಇದನ್ನೂ ಓದಿ: ಪುರುಷರ ಒಳಚಡ್ಡಿ ಆರ್ಡರ್ ಮಾಡಿದ ವ್ಯಕ್ತಿಗೆ ಬಂತು ಬಿಕಿನಿ; ಫೋಸ್ಟ್ ವೈರಲ್
ವೈರಲ್ ವಿಡಿಯೋ ಇಲ್ಲಿದೆ ನೋಡಿ
ಆಗಸ್ಟ್‌ 21 ರಂದು ಹಂಚಿಕೊಳ್ಳಲಾದ ಈ ವಿಡಿಯೋ 18.2 ಮಿಲಿಯನ್‌ ವೀಕ್ಷಣೆಗಳನ್ನು ಹಾಗೂ ಹಲವಾರು ಕಾಮೆಂಟ್ಸ್‌ಗಳನ್ನು ಪಡೆದುಕೊಂಡಿದೆ. ಒಬ್ಬ ಬಳಕೆದಾರರು ʼಪ್ರಿಯತಮೆ ಕಚ್ಚಿದ ಗುರುತನ್ನು ಹಚ್ಚೆ ಹಾಕಿಸಿಕೊಳ್ಳುವುದು ಸರಿ, ಇವನ್ಯಾರಪ್ಪಾ ಗರ್ಲ್‌ ಬೆಸ್ಟಿ ಕಚ್ಚಿದ ಬೈಟ್‌ ಮಾರ್ಕ್‌ ಅನ್ನು ಹಚ್ಚೆ ಹಾಕಿಸಿಕೊಂಡವನುʼ ಎಂಬ ಕಾಮೆಂಟ್‌ ಬರೆದುಕೊಂಡಿದ್ದಾರೆ. ಇನ್ನೊಬ್ಬ ಬಳಕೆದಾರರು ʼಕೆಲ ವರ್ಷದ ಬಳಿಕ ಆತ ಖಂಡಿತ ಪಶ್ಚಾತಾಪ ಪಡುತ್ತಾನೆʼ ಎಂದು ಹೇಳಿದ್ದಾರೆ. ಮತ್ತೊಬ್ಬ ಬಳಕೆದಾರರು ʼಇಷ್ಟೆಲ್ಲಾ ಓವರ್‌ ಬೇಕಿತ್ತಾʼ ಎಂದು ಕೇಳಿದ್ದಾರೆ.
ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ