Viral: ‘ಆದಿಪುರುಷ’ದ ಲಂಕೇಶ; ಸೈಫ್​ ಅಲಿ ಖಾನ್​ ಎಐ ಕಲಾವಿದರ ಕೈಗೆ ಸಿಕ್ಕಾಗ

Lankesh : ಇತ್ತೀಚಿನ ದಿನಗಳಲ್ಲಿ ಎಐ ಕಲಾವಿದರು ಸಾಕಷ್ಟು ಚುರುಕಿನಿಂದ ತಮ್ಮ ಕಲಾಪ್ರೌಢಿಮೆ ಮೆರೆಯುತ್ತಿದ್ದಾರೆ. ಎಲಾನ್​ ಮಸ್ಕ್​ನನ್ನು ಭಾರತೀಯ ಅಳಿಯನನ್ನಾಗಿಸಿದ್ದು, ಮಗುವಾಗಿಸಿದ್ದೂ ನಿಮಗೆ ನೆನಪಿರಬಹುದು. ಹಾಗೆಯೇ ವೃಂದಾವನಕ್ಕೆ ಝ್ಯೂಕರ್​ಬರ್ಗ್​, ಮುಕೇಶ್​ ಅಂಬಾನಿ, ಎಲಾನ್​ ಮಸ್ಕ್​ ಮುಂತಾದ ಪ್ರಸಿದ್ಧರು ಹೋಳಿಯಾಡಲು ಬಂದಿದ್ದೂ. ಇದೀಗ ಆದಿಪುರುಷ (Adipurush) ಸಿನೆಮಾದಲ್ಲಿ ಲಂಕೇಶ ಪಾತ್ರಧಾರಿ ಸೈಫ್​ ಅಲಿ ಖಾನ್​ನ ಎಐನಲ್ಲಿ ಸೃಷ್ಟಿಸಿದ್ಧಾರೆ ಈ ಕಲಾವಿದರು. ಭಲೇ ಭಲೇ ಜೈ ರಾವಣ್​! ಸಿನೆಮಾಕ್ಕಿಂತ ಇಲ್ಲಿಯೇ ಈ ರಾವಣನನ್ನು ಅದ್ಭುತವಾಗಿ ಚಿತ್ರಿಸಿದ್ದೀರಿ ಎನ್ನುತ್ತಿದ್ದಾರೆ ನೆಟ್ಟಿಗರು.

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

View this post on Instagram

A post shared by SK MD ABU SAHID (@sahixd)

ಕೃತಕ ಬುದ್ಧಿಮತ್ತೆ (Artificial Intelligence) ಎನ್ನುವುದು ನಮ್ಮ ನಿತ್ಯಜೀವನದ ಪ್ರಮುಖ ಅಂಶ ಎಂಬಂತಾಗಿದೆ. ಡಿಜಿಟಲ್​ ಕಾಲದ ಕಲಾವಿದರಿಗಂತೂ ಇದು ಇನ್ನಿಲ್ಲದ ಹುರುಪು ತುಂಬುತ್ತಿದೆ. ಅಂತೆಯೇ ಟ್ರೆಂಡಿಂಗ್​​ನಲ್ಲಿರುವ ಸೆಲೆಬ್ರಿಟಿಗಳ ಚಿತ್ರಗಳನ್ನು ಮರುರೂಪಿಸುವಲ್ಲಿ ಕಲಾವಿದರು ಹೆಚ್ಚು ಆಸಕ್ತಿ ತೋರಿಸುತ್ತಿದ್ದಾರೆ. ಸಾಹಿದ್​ ಎಂಬ ( SK MD ABU SAHID) ಕಲಾವಿದರ ಸೃಷ್ಟಿಸಿದ ಎಐ ಚಿತ್ರಗಳನ್ನು ಈ ಹಿಂದೆಯೂ ನೀವು ನೋಡಿದ್ದೀರಿ. ಇದೀಗ  ರಾವಣ ಪಾತ್ರಧಾರಿ ಸೈಫ್​ ಅಲಿ ಖಾನ್​ರನ್ನು ಮರುರೂಪಿಸಿದ್ದಾರೆ ಇದೇ ಕಲಾವಿದರು.

ಇದನ್ನೂ ಓದಿ : Viral: ಲುಂಗೀಧಾರಿ ಬೇರ್​ ಗ್ರಿಲ್ಸ್​; ‘ಜಂಗಲ್​ ಸರ್ವೈವರ್‘ನ ಮುಂದಿನ ಅತಿಥಿ ಯಾರು?

ಜೂ. 17ರಂದು ಇನ್​ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಲಾಗಿದೆ. ಸುಮಾರು 5,000 ಜನರು ಇಷ್ಟಪಟ್ಟಿದ್ದಾರೆ. ಆದಿಪುರುಷನ ಲಂಕೇಶನಿಗಿಂತಲೂ ಇದು ಅತ್ಯುತ್ತಮವಾಗಿದೆ. ತುಂಬಾ ಅಚ್ಚುಕಟ್ಟಾಗಿ ಕಲೆಯನ್ನು ನಿರ್ವಹಿಸಿದ್ದೀರಿ, ನಿಮಗೆ ಅಭಿನಂದನೆ ಎಂದು ನೆಟ್ಟಿಗರು ಕಲಾವಿದರನ್ನು ಪ್ರಶಂಸಿಸುತ್ತಿದ್ದಾರೆ. ರಾವಣನ ಈ ಅವತಾರಗಳನ್ನು ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 1:41 pm, Mon, 26 June 23