Viral Video: ಕೆನಡಾದಲ್ಲಿರುವ ಮಗಳೊಂದಿಗೆ ಅಪ್ಪನ ಅಚ್ಚರಿಯ ಭೇಟಿ
Father and Daughter : ದೂರದಲ್ಲಿರುವ ನಿಮ್ಮ ಪ್ರೀತಿಪಾತ್ರರು ಅಚಾನಕ್ ಆಗಿ ನೀವು ಕೆಲಸದ ಸ್ಥಳದಲ್ಲಿ ಭೇಟಿ ಕೊಟ್ಟರೆ ಹೇಗಿರುತ್ತದೆ? ಅಂಥ ಸನ್ನಿವೇಶವನ್ನೇ ನೀವು ವಿಡಿಯೋದಲ್ಲಿ ಕಾಣಬಹುದು. ಮಿಲಿಯನ್ ಜನರ ಹೃದಯ ಗೆದ್ದಿದೆ ಇದು.
Canada: ಮಕ್ಕಳ ಮುಖದಲ್ಲಿ ನಗು ತರಿಸಲು ಅಪ್ಪಂದಿರು ಮಾಡುವ ಸಾಹಸಗಳಿಗೆ ಎಣೆ ಇಲ್ಲ. ಅದರಲ್ಲಿಯೂ ಮಗನಿಗಿಂತ ಮಗಳಿಗಾಗಿ ಈ ವಿಷಯದಲ್ಲಿ ಹೆಚ್ಚು ಆಸ್ಥೆ ವಹಿಸುತ್ತಾರೆ. ಹೆಣ್ಣುಮಕ್ಕಳಿಗೂ ಅಷ್ಟೇ ಅಪ್ಪ ಎಂದರೆ ಆನೆಬಲ. (Father’s Love) ಇದೀಗ ವೈರಲ್ ಆಗಿರುವ ಈ ಅಪ್ಪ ಮಗಳ ವಿಡಿಯೋ ನೋಡಿ. ಕೆನಡಾದ ಮಳಿಗೆಯೊಂದರಲ್ಲಿ ಮಗಳು ಕೆಲಸದಲ್ಲಿ ಮಗ್ನಳಾದಾಗ ಅಪ್ಪ ಹೀಗೆ ಇದ್ದಕ್ಕಿದ್ದಂತೆ ಪ್ರತ್ಯಕ್ಷವಾದರೆ ಹೇಗಿರಬೇಡ? ಮಾತು ಹೊಮ್ಮದೇ ಪರಸ್ಪರ ಅಪ್ಪಿಕೊಂಡು ಬಿಕ್ಕಿಬಿಕ್ಕಿ ಅತ್ತಿದ್ದಾರೆ.
ಶ್ರುತ್ವಾ ದೇಸಾಯಿ ಈ ವಿಡಿಯೋ ಅನ್ನು ಇನ್ಸ್ಟಾನಲ್ಲಿ ಪೋಸ್ಟ್ ಮಾಡಿದ್ದಾರೆ. ಶ್ರುತ್ವಾ ಕೆನಡಾದಲ್ಲಿ ವಿದ್ಯಾಭ್ಯಾಸ ಮಾಡುತ್ತ ಜೊತೆಗೆ ಮಳಿಗೆಯೊಂದರಲ್ಲಿ ಪಾರ್ಟೈಮ್ ಕೆಲಸವನ್ನೂ ಮಾಡುತ್ತಿದ್ದಾರೆ. ಅಪ್ಪ ತನ್ನ ಉದ್ಯೋಗದ ಸ್ಥಳಕ್ಕೆ ಅಚಾನಕ್ ಆಗಿ ಭೇಟಿ ನೀಡಿದಾಗ ಆ ಕ್ಷಣಗಳು ಹೇಗಿದ್ದವು ಎನ್ನುವುದನ್ನು ಅವರು ನೆಟ್ಟಿಗರೊಂದಿಗೆ ಹಂಚಿಕೊಂಡಿದ್ದಾರೆ. ನೆಟ್ಟಿಗರು ಈ ಭಾವುಕ ಕ್ಷಣಗಳಿಗೆ ಸಾಕ್ಷಿಯಾಗಿದ್ದಾರೆ.
ಇದನ್ನೂ ಓದಿ : Viral Video: ಕೋಕ್ ಸ್ಟುಡಿಯೋದ ”ಕನ ಯಾರೀ” ಹಾಡಿಗೆ ಫ್ರೀ ಸ್ಟೈಲ್ ನೃತ್ಯ
ಈ ವಿಡಿಯೋ ಅನ್ನು ಈತನಕ 1.6 ಮಿಲಿಯನ್ ಜನರು ನೋಡಿದ್ದಾರೆ. 2 ಲಕ್ಷಕ್ಕೂ ಹೆಚ್ಚು ಜನರು ಇಷ್ಟಪಟ್ಟಿದ್ದಾರೆ. ಸಾವಿರಾರು ಜನರು ಪ್ರತಿಕ್ರಿಯಿಸಿದ್ದಾರೆ. ನಿಮ್ಮಿಬ್ಬರಿಗೂ ದೇವರು ಒಳ್ಳೆಯದನ್ನು ಮಾಡಲಿ. ಇಂಥ ಅಪ್ಪಂದಿರು ಬೆರಳೆಣಿಕೆಯಷ್ಟು ಜನ ಮಾತ್ರ. ನನಗೆ ನನ್ನ ತಂದೆಯ ನೆನಪುಕ್ಕಿತು. ಹೆಣ್ಣುಮಕ್ಕಳು ಯಾವತ್ತೂ ತಂದೆಯಿಂದ ದೂರ ಇರಬಾರದು ಎಂದು ನನ್ನ ಅನಿಸಿಕೆ. ಇಂದು ನಾನು ಆನ್ಲೈನ್ನಲ್ಲಿ ನೋಡಿದ ಅತ್ಯಂತ ಸುಂದರವಾದ ವಿಡಿಯೋ ಇದು. ಇವರ ಕುಟುಂಬ ಆರೋಗ್ಯ ಮತ್ತು ಸಂತೋಷದಿಂದ ಕೂಡಿರಲಿ… ಅಂತೆಲ್ಲ ಪ್ರತಿಕ್ರಿಯಿಸಿದ್ದರೆ ನೆಟ್ಟಿಗರು.
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 11:43 am, Mon, 26 June 23
