Viral Video: ಕೋಕ್ ಸ್ಟುಡಿಯೋದ ‘ಕನ ಯಾರೀ’ ಹಾಡಿಗೆ ಫ್ರೀ ಸ್ಟೈಲ್ ನೃತ್ಯ
Kana Yaree: ಬಲೂಚಿ ಭಾಷೆಯ ಈ ಹಾಡು ಮಿಲಿಯನ್ಗಟ್ಟಲೆ ಹೃದಯವನ್ನು ಕದ್ದಿದೆ. ಸಾಹಿತ್ಯ ಅರ್ಥವಾಗದಿದ್ದರೂ ಸಂಗೀತ ಸಂಯೋಜನೆಗೆ ಜನ ಮಾರು ಹೋಗಿದ್ದಾರೆ. ನೃತ್ಯಗಾತಿ ಇಷ್ನಾ ಹೂಪ್ನೊಂದಿಗೆ ನರ್ತಿಸಿದ್ದು ಇದರ ಮೆರುಗನ್ನು ಹೆಚ್ಚಿಸಿದೆ.
Updated on:Jun 26, 2023 | 10:33 AM
Cock Studio: ಕಳೆದ ವರ್ಷ ಕೋಕ್ ಸ್ಟುಡಿಯೋ ಪಾಕಿಸ್ತಾನ ಬಿಡುಗಡೆ ಮಾಡಿದ ಕನ ಯಾರೀ (Kana Yaree) ಹಾಡು ಜಗತ್ತಿನ ಸಂಗೀತ ಪ್ರೇಮಿಗಳ ಮನಸ್ಸನ್ನು ಕದ್ದಿದೆ. ಬಲೂಚಿ ಭಾಷೆಯ ಈ ಹಾಡಿನ ಸಾಹಿತ್ಯ ಎಷ್ಟೋ ಜನರಿಗೆ ಅರ್ಥವಾಗದಿದ್ದೂ ಸಂಗೀತ ಸಂಯೋಜನೆ ಮತ್ತು ಮಾಧುರ್ಯದಿಂದಾಗಿ ಅನೇಕರು ಮೆಚ್ಚುಗೆಗೆ ಪಾತ್ರವಾಗಿದೆ. ಸಾಕಷ್ಟು ಜನ ಈ ಹಾಡಿಗೆ ನರ್ತಿಸಿ ರೀಲ್ಸ್ ಮಾಡಿದ್ಧಾರೆ. ಆದರೆ ಇದೀಗ ವೈರಲ್ ಆಗುತ್ತಿರುವ ಈ ಡ್ಯಾನ್ಸ್ ಭಿನ್ನವಾಗಿದೆ. ಈ ಯುವತಿಯ ಡ್ಯಾನ್ಸ್ ಅನ್ನು ನೆಟ್ಟಿಗರು ಬಹುವಾಗಿ ಮೆಚ್ಚುತ್ತಿದ್ದಾರೆ.
View this post on Instagram
ಇವಾ ಬಿ ಮತ್ತು ವಹಾಬ್ ಬುಗ್ತಿ ಬರೆದ ಈ ಹಾಡಿಗೆ ನರ್ತಕಿ ಎಷ್ನಾ ಕುಟ್ಟಿ ಹೆಜ್ಜೆ ಹಾಕಿದ್ದಾರೆ. ಕೋಕ್ ಸ್ಟುಡಿಯೋ ನನ್ನ ನೆಚ್ಚಿನ ಚಾನೆಲ್. ಕನಾ ಯಾರೀ ಹಾಡು ನನ್ನನ್ನು ಇನ್ನಿಲ್ಲದಂತೆ ಸೆಳೆಯಿತು. ಹೀಗಾಗಿ ಫ್ರೀಸ್ಟೈಲ್ ನೃತ್ಯವನ್ನು ಮಾಡಿದೆ. ಮುಂದೊಂದು ದಿನ ನಾನು ತಂಡದೊಂದಿಗೆ ಈ ಹಾಡಿಗೆ ನೃತ್ಯ ಸಂಯೋಜಿಸುತ್ತೇನೆ ಎಂದಿದ್ದಾರೆ ಎಷ್ನಾ. ಹೂಪ್ನೊಂದಿಗೆ ಹೆಜ್ಜೆ ಹಾಕಿದ್ದಕ್ಕೆ ಇದರ ಮೆರುಗು ಇಮ್ಮಡಿಗೊಂಡಿದೆ. ನೆಟ್ಟಿಗರು ಕ್ಯಾ ಬಾತ್ ಹೈ ಎನ್ನುತ್ತಿದ್ದಾರೆ. ಈ ಹಾಡನ್ನು ಕೋಕ್ ಸ್ಟುಡಿಯೋದಲ್ಲಿ ಕೇಳಿ ನೋಡಿ.
ಎಷ್ನಾ, ವಾಹ್ ನೀವು ತುಂಬಾ ಪ್ರತಿಭಾನ್ವಿತೆ. ಆ ಹೂಪ್ಗುಂಟ ನೀವು ಅತೀ ಸೂಕ್ಷ್ಮವಾಗಿ ಕತ್ತು ತಿರುಗಿಸುವುದು ಬಹಳ ಆಕರ್ಷಕವಾಗಿದೆ. ಐದು ಸಲ ಈ ವಿಡಿಯೋ ನೋಡಿದೆ. ನಿಮ್ಮ ಹಿಂಬದಿಯಲ್ಲಿ ಕಟ್ಟಿಗೆಯ ಗೋಡೆ! ಹಾಗಿದ್ದರೆ ನೀವು ಮನೆಗೆ ಬಂದಿದ್ದೀರಿ ಎಂದರ್ಥ. ನನ್ನಿಷ್ಟದ ಹಾಡಿಗೆ ಹೆಜ್ಜೆ ಹಾಕುತ್ತಿರುವುದನ್ನು ನೋಡಿ ನನಗೆ ಬಹಳ ಖುಷಿಯಾಗಿದೆ. ಪಾಕಿಸ್ತಾನದಿಂದ ನಿಮಗೆ ಪ್ರೀತಿಯ ಹೊಳೆಯನ್ನೇ ಹರಿಸುತ್ತಿದ್ದೇವೆ… ಅಂತೆಲ್ಲ ಪ್ರತಿಕ್ರಿಯಿಸಿದ್ದಾರೆ ನೆಟ್ಟಿಗರು.
ಇದನ್ನೂ ಓದಿ : Viral: ಹೆಣ್ಣುಮಕ್ಕಳಿಂದ ನಿರಾಕರಣೆ; ತನ್ನ ಎತ್ತರ ಹೆಚ್ಚಿಸಿಕೊಳ್ಳಲು ಈತ ರೂ. 66 ಲಕ್ಷ ವ್ಯಯಿಸಿದ
ಎಷ್ನಾ ಇದು ತುಂಬಾ ಮಜವಾಗಿದೆ. ನಾವೆಲ್ಲ ಸೇರಿದಾಗ ಈ ಹಾಡಿಗೆ ನರ್ತಿಸೋಣ. ನಾನು ಭಾರತೀಯ, ಈಗಾಗಲೇ 10 ಸಲ ಈ ಹಾಡು ನೋಡಿದೆ. ನನಗೆ ಭಾಷೆ ಅರ್ಥವಾಗದಿದ್ದರೂ ಸಂಗೀತ ಮತ್ತು ನೃತ್ಯ ಇಷ್ಟವಾಯಿತು ಎಂದು ಹೇಳಿದ್ದಾರೆ ಇನ್ನುಳಿದ ನೆಟ್ಟಿಗರು. ಈ ವಿಡಿಯೋ ಅನ್ನು ಈಗಾಗಲೇ ಮಿಲಿಯನ್ ಜನರು ನೋಡಿದ್ದಾರೆ. ಸುಮಾರು 73,000 ಜನರು ಇಷ್ಟಪಟ್ಟಿದ್ಧಾರೆ.
ನಿಮಗೆ ಈ ಹಾಡು ನೃತ್ಯ ಇಷ್ಟವಾಯಿತೆ?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 10:32 am, Mon, 26 June 23
