Viral: ಪರ ಭಾಷಿಕರಿಗೆ ಸುಲಭವಾಗಿ ಕನ್ನಡ ಕಲಿಯಲು ಹೊಸ ಕಲಿಕಾ ಸಾಧನವನ್ನು ಪರಿಚಯಿಸಿದ ಬೆಂಗಳೂರಿನ ಟೆಕ್ಕಿ

ರಾಜ್ಯ ರಾಜಧಾನಿ ಬೆಂಗಳೂರು ವೈವಿದ್ಯಮಯ ಸಂಸ್ಕೃತಿ ಭಾಷೆಯನ್ನು ಒಳಗೊಂಡಿರುವ ನಗರವಾಗಿದೆ. ದೇಶದ ವಿವಿಧ ಕಡೆಗಳಿಂದ ಉದ್ಯೋಗಕ್ಕೆಂದು ಬರುವ ಅದೆಷ್ಟೋ ಜನರು ತಮ್ಮ ಭಾಷೆಯೇ ಮಾತನಾಡುತ್ತಾರೆ. ಹೌದು ಕನ್ನಡ ನೆಲದಲ್ಲಿ ಬದುಕುತ್ತಿದ್ದರೂ ರಾಜ್ಯದ ಅಧಿಕೃತ ಭಾಷೆಯಾಗಿರುವ ಕನ್ನಡ ಮಾತನಾಡಲು ಹಿಂದೇಟು ಹಾಕ್ತಾರೆ. ಕೆಲ ಅನ್ಯ ಭಾಷಿಕರು ಕನ್ನಡ ಮಾತನಾಡಲು ಉಡಾಫೆ ತೋರಿದ್ರೆ, ಇನ್ನೂ ಕೆಲವರು ಕನ್ನಡ ಭಾಷೆಯನ್ನು ಕಲಿಯಬೇಕು ಎಂಬ ಆಸಕ್ತಿಯನ್ನು ಹೊಂದಿದವರೂ ಇದ್ದಾರೆ. ಇಂತಹವರಿಗಾಗಿ ಇಲ್ಲೊಬ್ರು ಟೆಕ್ಕಿ ಸುಲಭವಾಗಿ ಕನ್ನಡ ಭಾಷೆ ಕಲಿಯಲು ಹೊಸ ಕಲಿಕಾ ಸಾಧನವನ್ನು ಪರಿಚಯಿಸಿದ್ದಾರೆ. ಕರ್ನಾಟಕಕ್ಕೆ ಬಂದ ಮೇಲೆ ಇಲ್ಲಿನ ಭಾಷೆಯನ್ನು ಕಲಿಯಲೇಬೇಕು ಎಂಬ ಉದ್ದೇಶದಿಂದ ಟೆಕ್ಕಿ ಈ ಹೊಸ ಕಲಿಕಾ ಸಾಧನವನ್ನು ಪರಿಚಯಿಸಿದ್ದು, ಈ ಟೂಲ್‌ ಮೂಲಕ ಅನ್ಯಭಾಷಿಕರು ಸುಲಭವಾಗಿ ಕನ್ನಡ ಕಲಿಯಬಹುದಾಗಿದೆ.

ಬೆಂಗಳೂರಿನ ಟೆಕ್ಕಿ ಶಾಂತನು ಗೋಯೆಲ್‌ ಕನ್ನಡ ಕಲಿಕಾ ಸಾಧನವನ್ನು ಪರಿಚಯಿಸಿದ್ದಾರೆ. ಆರಂಭದಲ್ಲಿ ಸ್ವಂತ ಬಳಕೆಗಾಗಿ ಈ ಟೂಲ್‌ ರಚಿಸಿದ್ದರು. ಇದೀಗ ಇವರು ಕನ್ನಡೇತರರು ಸುಲಭವಾಗಿ ಕನ್ನಡ ಕಲಿಯಬೇಕೆಂದು ಈ ಸಾಧನವನ್ನು ಎಲ್ಲರಿಗಾಗಿ ಪರಿಚಯಿಸಿದ್ದು, “ಕನ್ನಡ ಕಲಿಯಲು ಇದು ಸುಲಭ ಸಾಧನವಾಗಿದೆ” ಎಂದು ಗೋಯೆಲ್‌ ಹೇಳಿದ್ದಾರೆ.

ಈ ಕುರಿತ ಪೋಸ್ಟ್‌ ಒಂದನ್ನು ಶಾಂತನು ಗೋಯೆಲ್‌ (Shantanu Goel) ತಮ್ಮ ಎಕ್ಸ್‌ ಖಾತೆಯಲ್ಲಿ ಹಂಚಿಕೊಂಡಿದ್ದು, “ನೀವು ಬೆಂಗಳೂರಿನಲ್ಲಿದ್ದರೂ ಕನ್ನಡ ಮಾತನಾಡಲು ನಾಚಿಕೆ ಪಡುತ್ತೀರಾ? ನಾನು ನನಗಾಗಿ ಕನ್ನಡ ಕಲಿಕೆಯ ಪರಿಹಾರ ಸಾಧನವನ್ನು ರಚಿಸಿದ್ದೆ ಮತ್ತು ಅದನ್ನು ಇದೀಗ ಎಲ್ಲರಿಗಾಗಿ ಪ್ರಾರಂಭಿಸುತ್ತಿದ್ದೇನೆ. ಈ ಸಾಧನದ ಸಹಾಯದಿಂದ ನೀವು ಕನ್ನಡವನ್ನು ಕಲಿಯಬಹುದು” ಎಂಬ ಶೀರ್ಷಿಕೆಯನ್ನು ಬರೆದುಕೊಂಡಿದ್ದಾರೆ.

ವೈರಲ್​​ ಪೋಸ್ಟ್​​ ಇಲ್ಲಿದೆ ನೋಡಿ:

Are you a Peak Bengaluru person but still shy away from speaking Kannada?

I built a kannada learning solution for myself and launching it for everyone. Use it or share it with others and let me know the feedback.

No fluff, just one new conversational phrase every day (Can also… pic.twitter.com/shAofEnHN7

— Shantanu Goel (@shantanugoel) January 27, 2025

ಈ ಸಾಧನದಲ್ಲಿ ಇಂಗ್ಲೀಷ್‌ ಪದಗುಚ್ಛವನ್ನು ನಮೂದಿಸುವ ಮೂಲಕ ಅದರ ಕನ್ನಡ ಅರ್ಥವನ್ನು ಸುಲಭವಾಗಿ ತಿಳಿದುಕೊಳ್ಳಬಹುದಾಗಿದೆ.

ಇದನ್ನೂ ಓದಿ: ಏಯ್‌ ಏನ್‌ ಮಾಡ್ತಿದಿಯಾ ನೀನಿಲ್ಲಿ; ತನ್ನ ಸಮಯ ಪ್ರಜ್ಞೆಯಿಂದ ಮೊಬೈಲ್‌ ಕಳ್ಳತನ ತಪ್ಪಿಸಿದ ಬಿಎಂಟಿಸಿ ಕಂಡಕ್ಟರ್‌

ಜನವರಿ 27 ರಂದು ಹಂಚಿಕೊಳ್ಳಲಾದ ಈ ಪೋಸ್ಟ್‌ 46 ಸಾವಿರಕ್ಕೂ ಅಧಿಕ ವೀಕ್ಷಣೆಗಳನ್ನು ಹಾಗೂ ಹಲವಾರು ಕಾಮೆಂಟ್ಸ್‌ಗಳನ್ನು ಪಡೆದುಕೊಂಡಿದೆ. ಒಬ್ಬ ಬಳಕೆದಾರರು ʼಅನೇಕ ಸಂದರ್ಭದಲ್ಲಿ ಇದು ಸಾಕಷ್ಟು ಉಪಯುಕ್ತವಾಗಿದೆ. ಇದನ್ನು ರಚಿಸಿದ್ದಕ್ಕಾಗಿ ಧನ್ಯವಾದಗಳುʼ ಎಂದು ಹೇಳಿದ್ದಾರೆ. ಇನ್ನೊಬ್ಬ ಬಳಕೆದಾರರು ʼನಿಜವಾಗಿಯೂ ಇದಂತೂ ತುಂಬಾ ಒಳ್ಳೆಯ ಟೂಲ್‌ʼ ಎಂದು ಹೇಳಿದ್ದಾರೆ. ಮತ್ತೊಬ್ಬ ಬಳಕೆದಾರರು ʼಸೂಪರ್‌ ಆಗಿದೆ, ತುಂಬಾ ಉತ್ತಮ ಪ್ರಯತ್ನʼ ಎಂಬ ಕಾಮೆಂಟ್‌ ಬರೆದುಕೊಂಡಿದ್ದಾರೆ.

ವೈರಲ್​​ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ