Viral: ರೆಡ್‌ ಸಿಗ್ನಲ್‌ ಬಿದ್ದಿದ್ದೇ ತಡ… ರಸ್ತೆಗಿಳಿದು ಜಬರ್ದಸ್ತ್ ಡ್ಯಾನ್ಸ್‌ ಮಾಡಿದ ಬೈಕರ್ಸ್‌; ವೈರಲ್ ಆಯ್ತು ವಿಡಿಯೋ
ಕೆಲವರಿಗೆ ಎಲ್ಲೆಂದರಲ್ಲಿ ರೀಲ್ಸ್‌ ಮಾಡುವ, ಕುಣಿಯುವ ಕ್ರೇಜ್. ಇಂತಹ ಸಾಕಷ್ಟು ಕ್ರೇಜಿ ವಿಡಿಯೋಗಳು ಸೋಷಿಯಲ್‌ ಮೀಡಿಯಾದಲ್ಲಿಯೂ ಆಗಾಗ್ಗೆ ಕಾಣಸಿಗುತ್ತಿರುತ್ತವೆ. ಇದೀಗ ಇಲ್ಲಿಬ್ಬರು ಬೈಕರ್ಸ್‌ ಟ್ರಾಫಿಕ್‌ ಸಿಗ್ನಲ್‌ ಬಳಿ ರೆಡ್‌ ಸಿಗ್ನಲ್‌ ಬೀಳುತ್ತಿದ್ದಂತೆ ರೀಲ್ಸ್‌ ಮಾಡುವ ಸಲುವಾಗಿ ರಸ್ತೆಗಿಳಿದು ಪುಷ್ಪ 2 ಸಿನಿಮಾದ ಪೀಲಿಂಗ್ಸ್‌ ಹಾಡಿಗೆ ಜಬರ್ದಸ್ತ್ ಆಗಿ ಡ್ಯಾನ್ಸ್‌ ಮಾಡಿದ್ದಾರೆ. ಈ ವಿಡಿಯೋ ಇದೀಗ ಸಖತ್‌ ವೈರಲ್ ಆಗುತ್ತಿದೆ.
Updated on:Dec 22, 2024 | 6:05 PM
ಇತ್ತೀಚಿಗೆ ಬಿಡುಗಡೆಯಾದ ಪುಷ್ಪ ಸಿನೆಮಾ ಹಲವು ದಾಖಲೆಗಳನ್ನು ಮುರಿದು ಬಾಕ್ಸ್‌ ಆಫೀಸ್‌ ಕೊಳ್ಳೆ ಹೊಡೆದಿದೆ. ಅಷ್ಟು ಮಾತ್ರವಲ್ಲದೆ ಈ ಸಿನೆಮಾದ ಹಾಡುಗಳ ಅಬ್ಬರವು ಜೋರಾಗಿಯೇ ಇದೆ. ಅದರಲ್ಲೂ ಈ ಚಿತ್ರದ ಪೀಲಿಂಗ್ಸ್‌ ಹಾಡಿಗೆ ಯುವಕರು ಫುಲ್‌ ಫಿದಾ ಆಗಿದ್ದು, ಎಲ್ರೂ ಈ ಪೀಲಿಂಗ್ಸ್‌ ಹಾಡಿಗೆ ರೀಲ್ಸ್‌ ಮಾಡಿ ಸೋಷಿಯಲ್‌ ಮೀಡಿಯಾದಲ್ಲಿ ಅಪ್‌ಲೋಡ್‌ ಮಾಡುತ್ತಿದ್ದಾರೆ. ಅದೇ ರೀತಿ ಇಲ್ಲಿಬ್ಬರು ಬೈಕರ್ಸ್‌ ನಾವು ಸ್ಪಲ್ಪ ಡಿಫರೆಂಟ್‌ ಆಗಿ ರೀಲ್ಸ್‌ ಮಾಡೋಣ ಅಂತ ಟ್ರಾಫಿಕ್‌ ಸಿಗ್ನಲ್‌ ಬಳಿ ರೆಡ್‌ ಸಿಗ್ನಲ್‌ ಬಿದ್ದಾಗ ಬೈಕ್‌ನಿಂದ ಕೆಳಗಿಳಿದು ನಡು ರಸ್ತೆಯಲ್ಲಿ ಪೀಲಿಂಗ್ಸ್‌ ಹಾಡಿಗೆ ಭರ್ಜರಿ ಸ್ಟೆಪ್ಸ್‌ ಹಾಕಿದ್ದಾರೆ. ಬೈಕರ್ಸ್‌ಗಳ ಈ ಡ್ಯಾನ್ಸ್‌ ವಿಡಿಯೋ ಇದೀಗ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.
ಬೈಕರ್ಸ್‌ಗಳಿಬ್ಬರು ರೆಡ್‌ ಸಿಗ್ನಲ್‌ ಬೀಳುತ್ತಿದ್ದಂತೆ ಬೈಕ್‌ ನಿಲ್ಲಿಸಿ, ರಸ್ತೆಗಿಳಿದು ಪುಷ್ಪ 2 ಸಿನಿಮಾದ ಪೀಲಿಂಗ್ಸ್‌ ಹಾಡಿಗೆ ಜಬರ್ದಸ್ತ್ ಆಗಿ ಡ್ಯಾನ್ಸ್‌ ಮಾಡಿದ್ದಾರೆ. ಇವರ ಕಾನ್ಫಿಡೆನ್ಸ್‌ ಮತ್ತು ಭರ್ಜರಿ ಡ್ಯಾನ್ಸ್‌ಗೆ ಇತರೆ ವಾಹನ ಸವಾರರು ಫುಲ್‌ ಫಿದಾ ಆಗಿದ್ದಾರೆ. ಈ ಕುರಿತ ವಿಡಿಯೋವನ್ನು danceronbike ಬೈಕ್‌ ಹೆಸರಿನ ಎಕ್ಸ್‌ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ವೈರಲ್ ಆಗುತ್ತಿರುವ ವಿಡಿಯೋದಲ್ಲಿ ಟ್ರಾಫಿಕ್‌ ಸಿಗ್ನಲ್‌ ಬಳಿ ರೆಡ್‌ ಸಿಗ್ನಲ್‌ ಬಿದ್ದಾಗ ಬೈಕರ್ಸ್‌ಗಳಿಬ್ಬರು ಬೈಕ್‌ನಿಂದ ಕೆಳಗಿಳಿದು ನಡು ರಸ್ತೆಯಲ್ಲಿ ಪೀಲಿಂಗ್ಸ್‌ ಹಾಡಿಗೆ ಸಖತ್‌ ಆಗಿ ಹೆಜ್ಜೆ ಹಾಕುವಂತಹ ದೃಶ್ಯವನ್ನು ಕಾಣಬಹುದು.
ವಿಡಿಯೋ ಇಲ್ಲಿದೆ ನೋಡಿ:
View this post on Instagram
ನಾಲ್ಕು ದಿನಗಳ ಹಿಂದೆ ಹಂಚಿಕೊಳ್ಳಲಾದ ಈ ವಿಡಿಯೋ 11 ಮಿಲಿಯನ್‌ ವೀಕ್ಷಣೆಗಳನ್ನು ಹಾಗೂ ಹಲವಾರು ಕಾಮೆಂಟ್ಸ್‌ಗಳನ್ನು ಪಡೆದುಕೊಂಡಿದೆ. ಒಬ್ಬ ಬಳಕೆದಾರರು ʼನಾನಂತೂ ಇವರ ಡ್ಯಾನ್ಸ್‌ಗೆ ಫಿದಾ ಆದೆʼ ಎಂಬ ಕಾಮೆಂಟ್‌ ಬರೆದುಕೊಂಡಿದ್ದಾರೆ. ಇನ್ನೊಬ್ಬ ಬಳಕೆದಾರರು ʼಬಹಳ ಅದ್ಭುತವಾಗಿದೆʼ ಎಂದು ಹೇಳಿದ್ದಾರೆ. ಇನ್ನೂ ಅನೇಕ ಬೈಕರ್ಸ್‌ಗಳ ನೃತ್ಯಕ್ಕೆ ಮನಸೋತಿದ್ದಾರೆ.
ಮತ್ತಷ್ಟು ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 6:05 pm, Sun, 22 December 24
