Viral Video: ಮಹಾರಾಷ್ಟ್ರದ ಈ ಬಾಲಕನ ಕೌಶಲಕ್ಕೆ ನೆಟ್ಟಿಗರೇನೋ ಮನಸೋತರು, ಆದರೆ…
Alibag: ಸರಿಯಾಗಿ ಗೊಣ್ಣೆ ಒರೆಸಿಕೊಳ್ಳಲೂ ಬಾರದ ವಯಸ್ಸಿದು, ಆದರೆ ಈ ಬಾಲಕ ಅದೆಷ್ಟು ಅದ್ಭುತವಾಗಿ ಮಾಲೆ ಕಟ್ಟುತ್ತಿದ್ದಾನೆ ಎಂದು ಕೆಲವರು ಮೂಗಿನ ಮೇಲೆ ಬೆರಳಿಟ್ಟುಕೊಂಡಿದ್ದಾರೆ. ಕೆಲವರು, ಕೌಶಲ ಒಪ್ಪತಕ್ಕಂಥದ್ದು ಆದರೆ ಈ ಮಗುವಿಗೆ ಈಗಲೇ ಕೆಲಸದ ಹೊರೆಯೇ? ಇವನು ಶಾಲೆಗೆ ಕಳಿಸಲು ನಾವು ಸಹಾಯ ಮಾಡುತ್ತೇವೆ, ವಿಳಾಸ ಕೊಡಿ ಎಂದಿದ್ದಾರೆ ಇನ್ನೂ ಕೆಲವರು. ನೀವೇನಂತೀರಿ?
Maharashtra: ಪರಿಸ್ಥಿತಿಯು ಎಲ್ಲರಿಗೂ ಎಲ್ಲವನ್ನೂ ಕಲಿಸುತ್ತದೆ. ಈ ಬಾಲಕ ಎಲ್ಲಿ ಕುಳಿತು ಮಾಲೆ ಕಟ್ಟುತ್ತಿದ್ದಾನೆ? ಇವನ ಕೌಶಲಕ್ಕೆ ಏನಾದರೂ ಬಹುಮಾನ ಕೊಡಬೇಕು ಎನ್ನಿಸುತ್ತಿದೆ. ಕಲೆಯು ಕಲೆಯೇ (Art). ತಾನು ಕಟ್ಟಿದ ಮಾಲೆಗಿಂತಲೂ ಸುಂದರವಾಗಿದೆ ಈ ಮಗು. ದೇವಿ ಭವಾನಿ ಇಂಥ ಮಕ್ಕಳನ್ನು ಉದ್ಧರಿಸು. ಗಣಪತಿಯು ನಿನ್ನ ಇಚ್ಛೆಗಳನ್ನೆಲ್ಲ ಪೂರೈಸಲಿ. ಈ ಮಗು ಸುಖವಾಗಿ ಬಾಳುವಂತೆ ದೇವಿಯು ಆಶೀರ್ವದಿಸಲಿ… ನೆಟ್ಟಿಗರು ಇನ್ಸ್ಟಾಗ್ರಾಂನಲ್ಲಿರುವ ಈ ವಿಡಿಯೋ ನೋಡಿ ಹೀಗೆಲ್ಲ ಮನದುಂಬಿ ಹಾರೈಸುತ್ತಿದ್ದಾರೆ. ಈ ಬಾಲಕ ಮಹಾರಾಷ್ಟ್ರದ ಅಲಿಬಾಗ್ನ (Alibag) ರಸ್ತೆಯಲ್ಲಿ ನವರಾತ್ರಿ ಸಂದರ್ಭದಲ್ಲಿ ಮಾಲೆ ಕಟ್ಟುತ್ತ ಕುಳಿತಿರುವ ದೃಶ್ಯ ಇದಾಗಿದೆ. ಇವನ ಕೌಶಲಕ್ಕೆ ಯಾರೂ ತಲೆದೂಗಬೇಕಾದ್ದೇ.
ಇದನ್ನೂ ಓದಿ : Viral: ಮುಂಬೈ; ಮಹಿಳೆಯ ಆ್ಯಪಲ್ ಪೆನ್ಸಿಲ್ ಮರಳಿ ಸಿಕ್ಕ ಕಥೆ; ನೆಟ್ಟಿಗರು ಹೇಳಿದ್ದೇನು?
ಒಂದು ದಿನದ ಹಿಂದೆ ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ. ನಾಲ್ಕು ಮಿಲಿಯನ್ ಜನರು ಈ ವಿಡಿಯೋ ನೋಡಿದ್ದಾರೆ. 1.8 ಲಕ್ಷ ಜನರು ಇದನ್ನು ಲೈಕ್ ಮಾಡಿದ್ದಾರೆ. ಸಾವಿರಾರು ಜನರು ಪ್ರತಿಕ್ರಿಯಿಸಿ ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದ್ದಾರೆ.
ಹೂ ಕಟ್ಟುವ ಈ ಪುಟ್ಟಬಾಲಕ
View this post on Instagram
ಇವನ ಕೌಶಲ, ತಾಳ್ಮೆ ಅದ್ಭುತವಾಗಿದೆ. ಆದರೆ ಈ ಮಗುವಿನ ಭವಿಷ್ಯ? ವಿಳಾಸ ಕೊಟ್ಟರೆ ನಾನು ಸಹಾಯ ಮಾಡಲು ತಯಾರು ಎಂದು ಅನೇಕರು ಈ ವಿಡಿಯೋದಡಿ ಪ್ರತಿಕ್ರಿಯಿಸಿದ್ದಾರೆ. ಹಸಿವು ಎನ್ನುವುದು ಎಂಥ ಅನಿವಾರ್ಯಕ್ಕೂ ಒಗ್ಗಲು ಕಲಿಸುತ್ತದೆ. ಈ ಪುಟ್ಟ ಬೆರಳುಗಳಿಗೆ ಈಗಲೇ ಎಷ್ಟೊಂದು ಜವಾಬ್ದಾರಿ ಎಂದಿದ್ದಾರೆ ಕೆಲವರು. ಇದಿನ್ನೂ ಶಾಲೆಯ ಕಟ್ಟೆಯನ್ನೇ ಏರಿಲ್ಲ, ಈಗಾಗಲೇ ಹೀಗೆ ವ್ಯಾಪಾರಕ್ಕೆ ಬಿದ್ದರೆ ಇದರ ಗತಿಯೇನು ಎಂದಿದ್ದಾರೆ ಒಬ್ಬರು.
ಇದನ್ನೂ ಓದಿ : Viral Video: ನವರಾತ್ರಿ; ನೆಟ್ಟಿಗರನ್ನು ಮೋಡಿಗೊಳಿಸಿದ ಈ ಜೋಡಿಯ ನೃತ್ಯ
ಈ ಕೌಶಲ ಇವನೊಂದಿಗೇ ಇರಲಿ, ಆದರೆ ಇವನು ಶಾಲೆಗೂ ಹೋಗಲಿ ಎಂದಿದ್ದಾರೆ ಅನೇಕರು. ಏನೇ ಆಗಲಿ ತನ್ಮಯತೆಯಿಂದ ಈ ಮಗು ಮಾಲೆ ಕಟ್ಟುವುದನ್ನು ನೋಡಿ ನನಗಂತೂ ಏನು ಹೇಳಬೇಕೋ ತಿಳಿಯುತ್ತಿಲ್ಲ ಎಂದು ಭಾವುಕರಾಗಿದ್ದಾರೆ ಅನೇಕರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 12:12 pm, Wed, 25 October 23
