ಇಷ್ಟೆತ್ತರದ ಹುಡುಗಿಯನ್ನು ನೋಡಿದ್ದೀರಾ? 7 ಅಡಿ ಎತ್ತರ, ಕೇವಲ 14 ವರ್ಷದ ಬಾಲಕಿ; ಬಾಸ್ಕೆಟ್​ ಬಾಲ್ ಆಟಕ್ಕೆ ನೆಟ್ಟಿಗರು ಫಿದಾ

ಜಾಂಗ್​ ಜಿಯು ಹೆಸರಿನ 14 ವರ್ಷದ ಬಾಲಕಿಯ ಎತ್ತರ 7 ಅಡಿ. ತನ್ನ ಎತ್ತರವಾದ ದೇಹವನ್ನು ಅವಳು ಬಾಸ್ಕೆಟ್​ ಬಾಲ್ ಆಟದಲ್ಲಿ ಸಾಧನೆ ಮಾಡಲು ಬಳಸಿಕೊಂಡಿದ್ದಾಳೆ. ಸಿಕ್ಕಾಪಟ್ಟೆ ಎತ್ತರ ಇರಬಾರದು.. ಕಂಡ್ರೀ ಎನ್ನುವವರಿಗೆ ಇದು ಸ್ಪೂರ್ತಿ ತುಂಬುವ ಸಾಧನೆ. ತನ್ನ ಚಿಕ್ಕ ವಯಸ್ಸಿಗೆ ಬಾಸ್ಕೆಟ್​ಬಾಲ್​ ಕ್ರೀಡೆಯಲ್ಲಿ ಹೆಸರು ಪಡೆದ ಬಾಲಕಿ ಸಾಧನೆಗೆ ನೆಟ್ಟಿಗರಿಂದ ಶ್ಲಾಘನೆ ವ್ಯಕ್ತವಾಗಿದೆ.

ಬೀಜಿಂಗ್​ನಲ್ಲಿ ನಡೆದ ಚಾಂಪಿಯನ್​ಶಿಪ್​ನಲ್ಲಿ 42 ಅಂಕಗಳನ್ನು ತನ್ನ ತಂಡಕ್ಕೆ ನೀಡುವ ಮೂಲಕ ಬಾಲಕಿ ಹೆಸರು ಪಡೆದಿದ್ದಾಳೆ. ಅವಳ ತಂಡ ಹಾಗೂ ಅವಳ ಎದುರಾಳಿ ತಂಡದ ಆಟಗಾರರಿಗೆ ಹೋಲಿಸಿದರೆ ಇವಳೇ ಎತ್ತರದ ಹುಡುಗಿ. ಸುಮಾರು 7.4 ಅಡಿ ಎತ್ತರವನ್ನು ಹೊಂದಿದ್ದಾಳೆ. ಆಟದಲ್ಲಿ 6 ಶಾಟ್​ ಹೊಡೆಯುವ ಮೂಲಕ ತನ್ನ ತಂಡವನ್ನು ಗೆಲ್ಲಿಸಿದ್ದಾಳೆ.

ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು ಭಾರೀ ಸುದ್ದಿಯಲ್ಲಿದೆ. ಬಾಲಕಿಯ ಆಟಕ್ಕೆ ಶ್ಲಾಘನೆ ವ್ಯಕ್ತವಾಗಿದೆ. ಕೆಲವರು ಆಕೆಯ ಎತ್ತರವನ್ನು ನೋಡಿ ಅಶ್ಚರ್ಯಚಕಿತರಾಗಿದ್ದಾರೆ. ಚೀನಾದ ಬಾಸ್ಕೆಟ್​​ ಬಾಲ್​ ಸ್ಟಾರ್​ ಯಾವೊ ಮಿಂಗ್​ ಅವರ ಎತ್ತರ ಹಾಗೂ ಬಾಲಕಿಯ ಎತ್ತರ ಸರಿಸುಮಾರು ಒಂದೇ ಆಗಿದೆ. ಮೂಲಗಳ ಪ್ರಕಾರ, ಜಾಂಗ್​ ಜಿಯು ಪೂರ್ವ ಚೀನಾ ಭಾಗದವರು. ಅವರ ಕುಟುಂಬದವರು ಬಾಸ್ಕೇಟ್​ ಬಾಲ್ ಆಟದಲ್ಲಿ ಪರಿಣಿತರು. ಅವರ ತಂದೆ 6.9 ಅಡಿ ಎತ್ತರ ಹಾಗೂ ತಾಯಿ 6.4 ಅಡಿ ಎತ್ತರವನ್ನು ಹೊಂದಿದ್ದಾರೆ.

ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ಹಂಚಿಕೊಂಡು ಒಂದು ರಾತ್ರಿ ಕಳೆಯುವಷ್ಟರಲ್ಲಿ ಮಿಲಿಯನ್​ಗಿಂತಲೂ ಹೆಚ್ಚು ವೀಕ್ಷಣೆಗಳನ್ನು ಗಳಿಸಿಕೊಂಡಿದೆ. ಮೊದಲಿಗೆ ಟ್ವಿಟರ್​ನಲ್ಲಿ ವಿಡಿಯೋ ಹರಿಬಿಡಲಾಗಿದೆ. ಬಾಲಕಿಯ ಎತ್ತರ ನೋಡಿ ನೆಟ್ಟಿಗರು ಆಶ್ಚರ್ಯಗೊಂಡಿದ್ದಾರೆ.

ಇದನ್ನೂ ಓದಿ:

ವಿಶ್ವದ ಅತ್ಯಂತ ಎತ್ತರದ ಕುದುರೆ ಬಿಗ್​ ಜೇಕ್​ ನಿಧನ; ಅದು ಮೃತಪಟ್ಟ ದಿನಾಂಕ ಹೇಳಲು ಹಿಂದೇಟು ಹಾಕಿದ ಮಾಲೀಕರು

Women Fall off 6300 Feet Cliff : ಜೋಕಾಲಿ ಆಡ್ತಾ 6300 ಅಡಿ ಎತ್ತರದಿಂದ ಬಿದ್ದರು