ದೂರದೂರಿನಿಂದ ಮಗಳು ಆಗಮಿಸಿ ಸರ್ಪ್ರೈಸ್ ನೀಡಿದರೆ ತಂದೆಗೆ ಎಷ್ಟು ಖುಷಿಯಾಗುತ್ತದೆ?; ಭಾವುಕ ವಿಡಿಯೋ ನೋಡಿ

ಎಲ್ಲರಿಗೂ ಅವರವರ ಕುಟುಂಬದೊಂದಿಗೆ ಸಮಯ ಕಳೆಯುವುದೆಂದರೆ ಅದು ಅತ್ಯಂತ ಖುಷಿಯ ವಿಚಾರ. ಅದರಲ್ಲೂ ಹಲವು ಕಾರಣಗಳಿಂದಾಗಿ ದೂರದೂರುಗಳಲ್ಲಿ ಇರುವ ವ್ಯಕ್ತಿಗಳು, ಮರಳಿ ಕುಟುಂಬವನ್ನು ಭೇಟಿ ಮಾಡುವಾಗ ಆಗುವ ಆನಂದ ಅಷ್ಟಿಷ್ಟಲ್ಲ. ಸದ್ಯ ವಿದೇಶಗಳಲ್ಲಿ ಕ್ರಿಸ್​ಮಸ್ ಸಂಭ್ರಮ ಜೋರಾಗಿದೆ. ಬೇರೆಬೇರೆ ದೇಶಗಳಲ್ಲಿ ಇರುವವರು ತಮ್ಮ ತಮ್ಮ ಸ್ವದೇಶಕ್ಕೆ ಮರಳಿ ಕುಟುಂಬದೊಂದಿಗೆ ಸಮಯ ಕಳೆಯುತ್ತಿದ್ದಾರೆ. ಸದ್ಯ ಅಂತರ್ಜಾಲದಲ್ಲಿ ಇಂತಹ ವಿಶೇಷ ಸಂದರ್ಭವೊಂದು ವೈರಲ್ ಆಗಿದ್ದು, ನೆಟ್ಡಿಗರು ವಿಡಿಯೋ ನೋಡಿ ಭಾವುಕರಾಗಿದ್ದಾರೆ. ಮಗಳೊಬ್ಬಳು ವಯಸ್ಸಾದ ತಂದೆಯನ್ನು ಭೇಟಿಯಾಗಿ ಸರ್ಪ್ರೈಸ್ ನೀಡಿದ್ದಾಳೆ. ಈ ವಿಡಿಯೋ ನೋಡುಗರ ಮನಗೆದ್ದಿದೆ.

ಇನ್ಸ್ಟಾಗ್ರಾಂ ಬಳಕೆದಾರರಾದ ಮೆಕ್ ಮೆಕ್ಲಾಚ್ಲಾನ್ ಎಂಬುವವರು ಈ ವಿಡಿಯೋವನ್ನು ಹಂಚಿಕೊಂಡಿದ್ದು, ಅದರ ಹಿನ್ನೆಲೆಯನ್ನು ಬರೆದಿದ್ದಾರೆ. ಅವರ ಸಹೋದರಿ ದೂರದ ಸ್ವಿಟ್ಜರ್​​ಲ್ಯಾಂಡ್​ನಲ್ಲಿ 12 ವರ್ಷಗಳಿಂದ ವಾಸವಾಗಿದ್ದಾರೆ. ಆದ್ದರಿಂದ ಕುಟುಂಬದೊಂದಿಗಿನ ಭೇಟಿ ಅಪರೂಪವಾಗಿತ್ತಂತೆ. ಕುಟುಂಬದವರೊಂದಿಗೆ ಕ್ರಿಸ್​ಮಸ್ ಸಮಯವನ್ನು ಕಳೆಯಲು ಆಗಮಿಸಿದ ಅವರು ತಂದೆಗೆ ಸರ್​ಪ್ರೈಸ್ ನೀಡಿದ್ದಾರೆ.

ವಿಡಿಯೋದಲ್ಲಿ ಕಾಣುವಂತೆ, ಯುವತಿ ಕಾರಿನ ಹಿಂಭಾಗದಲ್ಲಿ ಕುಳಿತಿದ್ದಾರೆ. ತಂದೆ ಬಂದು ಕಾರಿನ ಡಿಕ್ಕಿಯನ್ನು ತೆಗೆಯುತ್ತಾರೆ. ಆಗ ಮಗಳನ್ನು ನೋಡಿ ಅಚ್ಚರಿಗೊಳಗಾಗುವ ತಂದೆ, ಭಾವುಕರಾಗುತ್ತಾರೆ. ತಂದೆ- ಮಗಳ ಬಾಂಧವ್ಯದ ಈ ಅಪರೂಪದ ವಿಡಿಯೋ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

ವೈರಲ್ ವಿಡಿಯೋ ಇಲ್ಲಿದೆ:

View this post on Instagram

A post shared by Meg McLachlan (@meg_mclachlan)

ವಿಡಿಯೋವನ್ನು ಹಂಚಿಕೊಂಡ ಮೆಗ್ ಮೆಕ್ಲಾಚಾನ್ ಸಹೋದರಿಯ ಆಗಮನದಿಂದ ಅತ್ಯಂತ ಸಂತಸಗೊಂಡಿದ್ದಾರೆ. ಅಲ್ಲದೇ ಆಕೆಯ ಭೇಟಿ ಕ್ರಿಸ್​ಮಸ್ ಹಬ್ಬವನ್ನು ಮತ್ತಷ್ಟು ಸುಂದರವಾಗಿಸಲಿದೆ ಎಂದು ಬರೆದಿದ್ದಾರೆ. ಮೂರು ದಿನಗಳ ಹಿಂದೆ ಹಂಚಿಕೊಂಡ ಈ ವಿಡಿಯೋ ಈಗ ವೈರಲ್ ಆಗಿದ್ದು, ನೆಟ್ಟಿಗರು ನೋಡಿ ಭಾವುಕರಾಗಿದ್ದಾರೆ. ಅಲ್ಲದೇ ವಿವಿಧ ರೀತಿಯ ಕಾಮೆಂಟ್​ಗಳ ಮೂಲಕ ಮೆಚ್ಚುಗೆ ಸೂಚಿಸುತ್ತಿದ್ದಾರೆ. ವಿಡಿಯೋ ನೋಡಿ ನಿಮಗೇನನ್ನಿಸಿತು?

ಇದನ್ನೂ ಓದಿ:

ನೆಚ್ಚಿನ ಸಂಗಾತಿಯೊಂದಿಗೆ ಗೋವಾದ ಕಡಲತೀರದಲ್ಲಿ ವಿವಾಹವಾಗುವ ಬಯಕೆ ಹೊಂದಿದ್ದೀರಾ? ಇಲ್ಲಿದೆ ಪೂರ್ಣ ಮಾಹಿತಿ

ಮೆಹಂದಿ ಸಮಾರಂಭದಲ್ಲಿ ಮಿಂಚಿದ ಕತ್ರಿನಾ, ವಿಕ್ಕಿ; ಇಲ್ಲಿದೆ ಮಸ್ತ್ ಫೋಟೋ ಆಲ್ಬಂ