Viral Video: ಕಾಡು ಬೆಕ್ಕನ್ನು ಬೆದರಿಸಿದ ಪುಟ್ಟ ನಾಯಿ ಮರಿ; ವಿಡಿಯೋ ಆಯ್ತು ವೈರಲ್
ಮನೆಯ ಗಾಜಿನ ಬಾಗಿಲಿನ ಆ ಕಡೆ ಕಾಡು ಬೆಕ್ಕು ಬಂದು ನಿಂತರೂ ಹೆದರದೆ ಅದನ್ನೇ ದಿಟ್ಟಿಸಿ ನೋಡುತ್ತಿದ್ದ ಪುಟ್ಟ ನಾಯಿ ಮರಿಯನ್ನು ಈ ವಿಡಿಯೋದಲ್ಲಿ ನಾವು ನೋಡಬಹುದು.
ಪ್ರತಿನಿತ್ಯ ನಮ್ಮ ಮಾತನ್ನು ಕೇಳುತ್ತಾ, ಮನೆಯ ಪಾಲಕನಾಗಿ ಇಡೀ ದಿನ ಕರ್ತವ್ಯಕ್ಕೆ ಬದ್ಧವಾಗಿ ಕೆಲಸ ಮಾಡುವ ಪ್ರಾಣಿ ನಾಯಿ. ನೀಯತ್ತಿಗೆ ಹೆಸರಾಗಿ ಮೋಟು ಬಾಲ ಅಲ್ಲಾಡಿಸುತ್ತಾ, ಬೌ.. ಬೌ ಎನ್ನುವ ಒಂದೇ ಭಾಷೆಯಲ್ಲಿ ಎಲ್ಲವನ್ನೂ ಅರ್ಥೈಸುತ್ತಾ ಮನೆಯ ಕಾವಲಾಗಿ ನಿಲ್ಲುತ್ತದೆ. ಇದೀಗ ಸಾಮಾಜಿಕ ಜಾಲತಾಣದಲ್ಲಿ ನಾಯಿ (Dog) ಮನೆಗೆ ಕಾವಲಾಗಿ ನಿಂತ ವಿಡಿಯೋ ವೈರಲ್ (Video viral) ಆಗಿದೆ. ಮನೆ ಮುಂದೆ ಬಂದ ಕಾಡು ಬೆಕ್ಕಿಗೆ ಹೆದರದೆ ಪುಟ್ಟ ನಾಯಿ ಮರಿಯೊಂದು ಮುಖವೊಡ್ಡಿನಿಂತ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ವಿಡಿಯೋ ನೋಡುತ್ತಿದ್ದಂತೆಯೇ ನಿಮಗೂ ಆಶ್ಚರ್ಯವಾಗುತ್ತದೆ.
ಮನೆಯ ಗಾಜಿನ ಬಾಗಿಲಿನ ಆ ಕಡೆ ಕಾಡು ಬೆಕ್ಕು ಬಂದು ನಿಂತರೂ ಹೆದರದೆ ಅದನ್ನೇ ದಿಟ್ಟಿಸಿ ನೋಡುತ್ತಿದ್ದ ಪುಟ್ಟ ನಾಯಿ ಮರಿಯನ್ನು ಈ ವಿಡಿಯೋದಲ್ಲಿ ನಾವು ನೋಡಬಹುದು. ಡಿಸೆಂಬರ್ 2 ರಂದು ಮನೆಯ ಒಡತಿ ಸಾರಾ ಬೋಲೆ ಅವರು ಸಂಜೆ ಕೆಲಸದಿಂದ ಹಿಂದಿರುಗಿದಾಗ ಈ ವಿಲಕ್ಷಣ ದೃಶ್ಯ ಕಂಡಿದ್ದಾರೆ. ಅಲ್ಲದೇ ತಮ್ಮ ಮೊಬೈಲ್ನಲ್ಲಿ ಈ ದೃಶ್ಯವನ್ನು ಸೆರೆಹಿಡಿದಿದ್ದಾರೆ. ಡ್ಯಾಶ್ ಎಂಬ ಹೆಸರಿನ ನಾಯಿ ಮರಿ ಗಾಜಿನ ಬಾಗಿಲ ಬಳಿ ನಿಂತು ಕಾಡು ಬೆಕ್ಕನ್ನು ಗಮನಿಸುತ್ತಿದ್ದು, ಸಾರಾ ತನ್ನ ಬಳಿ ನಾಯಿಯನ್ನು ಕರೆದರು ಅದು ಸ್ವಲ್ಪವೂ ಕೇಳಿಸದಂತೆ ಕಾಡು ಬೆಕ್ಕಿನ ಕಡೆಗೆ ತನ್ನ ಸಂಪೂರ್ಣ ಗಮನಹರಿಸಿದೆ.
2.54 ನಿಮಿಷದ ಈ ವಿಡಿಯೋದಲ್ಲಿ ದೂರದಲ್ಲಿದ್ದ ಕಾಡು ಬೆಕ್ಕು ಗಾಜಿನ ಬಾಗಿಲು ಇದೆ ಎಂದು ತಿಳಿಯದೇ ಹತ್ತಿರಬಂದ್ದು, ನಾಯಿಯನ್ನು ಬೇಟೆಯಾಡಲು ಪ್ರಯತ್ನಿಸಿದೆ. ಆದರೆ ಇದಕ್ಕೆ ಅಂಜದೆ ನಾಯಿ ಕಾಡು ಬೆಕ್ಕನ್ನು ಬೆದರಿಸಿದೆ. ಒಂದು ವೇಳೆ ಬಾಗಿಲು ತೆಗೆದಿದ್ದರೆ ಕಾಡು ಬೆಕ್ಕಿಗೆ ನಾಯಿ ಆಹಾರವಾಗುತ್ತಿತ್ತು ಎಂದು ವಿಡಿಯೋ ಕಂಡ ನೆಟ್ಟಿಗರು ಕಮೆಂಟ್ ಮೂಲಕ ಪ್ರತಿಕ್ರಿಯೆ ನೀಡಿದ್ದಾರೆ.
ನಾನು ಇಂದು ರಾತ್ರಿ ಕೆಲಸದಿಂದ ಮನೆಗೆ ಬಂದೆ ಮತ್ತು ಈ ದೃಶ್ಯ ನನ್ನ ಕಣ್ಣ ಮುಂದೆ ಬಿತ್ತು ಎಂಬ ಶೀರ್ಷಿಕೆಯೊಂದಿಗೆ ಬೋಲೆ ಅವರು ಫೇಸ್ಬುಕ್ನಲ್ಲಿ ಈ ವಿಡಿಯೋ ಹಂಚಿಕೊಂಡಿದ್ದಾರೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಪ್ರಾಣಿಪ್ರಿಯರನ್ನು ತನ್ನತ್ತ ಸೆಳೆದಿದೆ ಮತ್ತು ಅತಿ ಹೆಚ್ಚು ವ್ಯೂವ್ಸ್ ಪಡೆದಿದೆ.
ಇದನ್ನೂ ಓದಿ:
Viral Video: ಸಲೂನ್ಗೆ ಬಂದ ಕೋತಿ ಟ್ರಿಮ್ಮರ್ಗೆ ಮುಖವೊಡ್ಡಿದ ವೈರಲ್ ವಿಡಿಯೋ ನೋಡಿ