ವಿಮಾನಯಾನದ ಇತಿಹಾಸದಲ್ಲಿ ಇದೇ ಮೊದಲು, ಬರುತ್ತಿದೆ ವಿದ್ಯುತ್ ವಿಮಾನ

ವಿಮಾನಯಾನದ ಇತಿಹಾಸದಲ್ಲಿ ಇದೇ ಮೊದಲು, ಸಂಪೂರ್ಣ ವಿದ್ಯುತ್ ವಿಮಾನದ ಹಾರಾಟ ಯಶಸ್ವಿಯಾಗಿ ನಡೆದಿದೆ. ಬೀಟಾ ಟೆಕ್ನಾಲಜೀಸ್‌ನ ಆಲಿಯಾ CX300 (Alia CX300) ಎಂಬ ವಿಮಾನ ಪ್ರಯಾಣಿಕರನ್ನು ಹೊತ್ತ ಹಾರಾಟ ನಡೆಸಿದೆ. ಈ ತಿಂಗಳ ಆರಂಭದಲ್ಲಿ ಈಸ್ಟ್ ಹ್ಯಾಂಪ್ಟನ್‌ನಿಂದ ಅಮೆರಿಕದ ಜಾನ್ ಎಫ್. ಕೆನಡಿ ವಿಮಾನ ನಿಲ್ದಾಣಕ್ಕೆ ನಾಲ್ಕು ಪ್ರಯಾಣಿಕರೊಂದಿಗೆ ಹಾರಾಟ ನಡೆಸಿತು. ಫಾಕ್ಸ್ ನ್ಯೂಸ್‌ನ ವರದಿಯ ಪ್ರಕಾರ, ಸುಮಾರು 70 ನಾಟಿಕಲ್ ಮೈಲುಗಳನ್ನು (130 ಕಿಲೋಮೀಟರ್) ಕೇವಲ 30 ನಿಮಿಷಗಳಲ್ಲಿ ತಲುಪಿದೆ. ಈ ಹಾರಾಟ ವೆಚ್ಚ ಹೆಲಿಕಾಪ್ಟರ್‌ಗೆ ಹೋಲಿಸಿದ್ರೆ ಅಂದಾಜು ರೂ. 13,885 ($160) ಇಂಧನ ವೆಚ್ಚವಾಗುತ್ತದೆ. ಆದರೆ ಈ ವಿಮಾನಕ್ಕೆ ಕೇವಲ ರೂ. 694 ($8) ವೆಚ್ಚದಲ್ಲಿ ತಲುಪಿದೆ ಎಂದು ಹೇಳಲಾಗಿದೆ. ಜತೆಗೆ ಇದರಲ್ಲಿ ಅಂತಹ ಯಾವುದೇ ಶಬ್ದ-ಗದ್ದಲಗಳು ಇರುವುದಿಲ್ಲ, ಆರಾಮವಾಗಿ ಪ್ರಯಾಣಿಸಬಹುದು.

“ಇದು 100% ವಿದ್ಯುತ್ ಚಾಲಿತ ವಿಮಾನವಾಗಿದ್ದು, ಈಸ್ಟ್ ಹ್ಯಾಂಪ್ಟನ್ ನಿಂದ ಜೆಎಫ್ ಕೆಗೆ ಪ್ರಯಾಣಿಕರೊಂದಿಗೆ ಹಾರಾಟ ನಡೆಸಿದ್ದು, ನ್ಯೂಯಾರ್ಕ್ ಬಂದರು ಪ್ರಾಧಿಕಾರ ಮತ್ತು ನ್ಯೂಯಾರ್ಕ್ ಪ್ರದೇಶಕ್ಕೆ ಇದು ಮೊದಲ ಹಾರಾಟವಾಗಿದೆ. 35 ನಿಮಿಷಗಳಲ್ಲಿ 130 ಕಿಲೋಮೀಟರ್ ದೂರ ಕ್ರಮಿಸಿದ್ದೇವೆ” ಎಂದು ಬೀಟಾ ಟೆಕ್ನಾಲಜೀಸ್ ನ ಸಂಸ್ಥಾಪಕ ಮತ್ತು ಸಿಇಒ ಕೈಲ್ ಕ್ಲಾರ್ಕ್ ಹೇಳಿದ್ದಾರೆ. ಇದನ್ನು ಇಲ್ಲಿಂದ ಹಾರಾಟ ನಡೆಸಲು ಕೇವಲ 8$ (694 ರೂ) ಮಾತ್ರ ಖರ್ಚಾಗಿದೆ. ಪ್ರಯಾಣಿಕರು ಇಲ್ಲಿ ಪೈಲೆಟ್​ ಹಾಗೂ ವಿಮಾನಕ್ಕೆ ಮಾತ್ರ ಪಾವತಿ ಮಾಡಬೇಕು ಅಷ್ಟೇ, ಮೂಲಭೂತವಾಗಿ, ಇದು ತುಂಬಾ ಕಡಿಮೆ ವೆಚ್ಚದಾಯಕವಾಗಿದೆ ಎಂದು ಹೇಳಿದ್ದಾರೆ. ಕಂಪನಿಯ ಪ್ರಕಾರ, CX300 ಒದಗಿಸುವ ಸೌಕರ್ಯ, ಪ್ರಯಾಣದ ಅನುಭವದಿಂದ ಮುಂದಿನ ದಿನದಲ್ಲಿ ಇದು ಹೆಚ್ಚು ಜನಪ್ರಿಯತೆ ಪಡೆಯಲಿದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಅಪ್ಪ-ಅಮ್ಮನ ಕನಸಿನ ಹಾರಾಟ, ಸಿಬ್ಬಂದಿಯಾಗಿ ವಿಮಾನದಲ್ಲಿ ಸೇವೆ ಮಾಡುವ ಸೌಭಾಗ್ಯ ನನ್ನದು

FAA (Federal Aviation Administration) ಅನುಮೋದನೆ ಬಾಕಿ

ವರ್ಮೊಂಟ್ ಮೂಲದ ಬೀಟಾ ಟೆಕ್ನಾಲಜೀಸ್ ಕಂಪನಿ 2017 ರಲ್ಲಿ ಸ್ಥಾಪನೆಯಾಗಿದೆ. ಈ ವಿದ್ಯುತ್ ವಿಮಾನಗಳ ಉತ್ಪಾದನೆ ಹಾಗೂ ಪ್ರಮಾಣೀಕರಣ ಮತ್ತು ವಾಣಿಜ್ಯೀಕರಣವನ್ನು ವೇಗಗೊಳಿಸಲು $318 (27,597.99 ರೂ.) ಮಿಲಿಯನ್ ಹಣವನ್ನು ಮಿಸಲಿಟ್ಟಿದೆ. ಕಳೆದ ಆರು ವರ್ಷಗಳಿಂದ, ಕಂಪನಿಯು ಈ ವಿಮಾನದ ಸಲವಾಗಿ ಕೆಲಸ ಮಾಡುತ್ತಿದೆ.  6 ವರ್ಷದಲ್ಲಿ ಇದರ ಟೇಕ್‌ಆಫ್ ಹಾಗೂ ಲ್ಯಾಂಡಿಂಗ್ CX300 ಮಾದರಿ ಮತ್ತು ಅದರ ಅಲಿಯಾ 250 eVTOL ಸಾಮಾರ್ಥ್ಯದ ಬಗ್ಗೆ ಕೆಲಸ ಮಾಡುತ್ತಿದೆ. ಈ ವರ್ಷದ ಅಂತ್ಯದ ವೇಳೆಗೆ ಫೆಡರಲ್ ಏವಿಯೇಷನ್ ​​ಅಡ್ಮಿನಿಸ್ಟ್ರೇಷನ್ (FAA) ಈ ವಿದ್ಯುತ್​​​ ವಿಮಾನಯಾನಕ್ಕೆ ಒಪ್ಪಿಗೆ ನೀಡಬಹುದು ಎಂದು ಹೇಳಲಾಗುತ್ತಿದೆ. ಬೀಟಾ ವಿಮಾನಗಳು ಒಂದೇ ಚಾರ್ಜ್‌ನಲ್ಲಿ 250 ನಾಟಿಕಲ್ ಮೈಲುಗಳವರೆಗೆ ಹಾರುವ ಸಾಮರ್ಥ್ಯವನ್ನು ಹೊಂದಿರುವುದರಿಂದ, ನಗರಗಳು ಮತ್ತು ಉಪನಗರಗಳ ನಡುವಿನ ಸಂಪರ್ಕವನ್ನು ಸುಲಭವಾಗಿ ಸಾಧಿಸಬಹುದು.

ವೈರಲ್​​ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ