Funny Robbery: ಕದಿಯಲು ಬಂದಿದ್ದ ಕಳ್ಳ ನಿದ್ರೆಗೆ ಜಾರಿದ, ಗೊರಕೆಯ ಸದ್ದಿಗೆ ಪೊಲೀಸರಿಗೆ ಮಾಹಿತಿ ನೀಡಿದ ಮನೆಯವರು

ಸೌತ್ ಚೀನಾ ಮಾರ್ನಿಂಗ್ ಪೋಸ್ಟ್ ವರದಿಯ ಪ್ರಕಾರ, ಕಳ್ಳನೊಬ್ಬ ಕಳ್ಳತನ ಮಾಡುವ ಉದ್ದೇಶದಿಂದ ಮನೆಗೆ ನುಗ್ಗಿದ್ದನಾದರೂ ಆ ವೇಳೆ ಮನೆಯವರು ಎಚ್ಚರಗೊಂಡಿದ್ದರು. ಅವರು ತಮ್ಮತಮ್ಮಲ್ಲೇ ಮಾತನಾಡಿಕೊಳ್ಳುತ್ತಿದ್ದರು, ಆದ್ದರಿಂದ ಮನೆಯವರು ಮಲಗುವ ವರೆಗೆ ಕಾಯಬೇಕು ಎಂದು ಒಂದು ಕೋಣೆಯಲ್ಲಿ ಕೆಲ ಹೊತ್ತಿನ ವರೆಗೆ ಕಾಯುತ್ತಾ ಕೂತಿದ್ದಾನೆ. ಇದಲ್ಲದೇ ನಿದ್ದೆ ಬಾರದಿರಲು ಸಿಗರೇಟ್ ಸೇದುತ್ತಾ ಮನೆಯವರು ಮಲಗುವ ವರೆಗೆ ಕಾಯುತ್ತಾ ಕುಳಿತ್ತಿದ್ದಾನೆ. ಆದರೆ ತಮಾಷೆಯ ಸಂಗತಿಯೆಂದರೆ ಮನೆಯವರು ಮಲಗುವ ಮುನ್ನವೇ ಈತ ನಿದ್ದೆಗೆ ಜಾರಿದ್ದಾನೆ. ಇದಲ್ಲದೇ ಗೊರಕೆ ಹೊಡೆಯಲು ಪ್ರಾರಂಭಿಸಿದ್ದಾನೆ. ಈತನ ಗೊರಕೆಯ ಸದ್ದು ಕೇಳಿದ ಕುಟುಂಬಸ್ಥರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಮತ್ತೊಂದು ತಮಾಷೆಯ ಸಂಗತಿಯೆಂದರೆ ಪೊಲೀಸರು ಬರುವವರೆಗೂ ಕಳ್ಳ ಗಾಢ ನಿದ್ರೆಯಲ್ಲಿಯೇ ಇದ್ದ.

ವರದಿಗಳ ಪ್ರಕಾರ, ಕಳ್ಳ ಮಲಗಿದ್ದಾಗ ಜೋರಾಗಿ ಗೊರಕೆ ಹೊಡೆಯಲು ಪ್ರಾರಂಭಿಸಿದ್ದಾನೆ. ಇಷ್ಟೊಂದು ಜೋರಾಗಿ ಎಲ್ಲಿಂದ ಗೊರಕೆ ಸದ್ದು ಬರುತ್ತಿದೆ ಎಂದು ಮನೆಯವರು ಹುಡುಕಲು ಪ್ರಾರಂಭಿಸಿದ್ದಾರೆ. ಮೊದಮೊದಲು ಗೊರಕೆಯ ಸದ್ದು ನೆರೆಮನೆಯವರದ್ದಾಗಿರಬಹುದು ಎಂದು ಮನೆಯ ಯಜಮಾನಿ ಯೋಚಿಸಿ ತನ್ನ ಕೋಣೆಯಲ್ಲಿ ಹೋಗಿ ಮಲಗಿದ್ದಾಳೆ. ಸುಮಾರು ಅರ್ಧ ಘಂಟೆಯ ನಂತರ ಮಗುವಿಗೆ ಹಾಲು ಬಾಟಲಿಯನ್ನು ತರಲು ಬಂದಾಗ ಗೊರಕೆ ಸದ್ದು ಮನೆಯಲ್ಲೇ ಎಲ್ಲಿಂದಲೋ ಬರುತ್ತಿದೆ ಎಂದು ತಿಳಿದುಬಂದಿದೆ.

ಇದನ್ನೂ ಓದಿ: ಹಾಸಿಗೆಯ ಅರ್ಧ ಭಾಗದಲ್ಲಿ ಮಲಗಿ, ಉಳಿದ ಅರ್ಧ ಭಾಗವನ್ನು ಬಾಡಿಗೆಗೆ ನೀಡುತ್ತಾಳೆ ಈ ಮಹಿಳೆ

ಕೆಲ ಹೊತ್ತಿನ ಬಳಿಕ ಮನೆಯ ಮತ್ತೊಂದು ಕೋಣೆಯ ಬಾಗಿಲು ತೆರೆದು ನೋಡಿದಾಗ ಅಪರಿಚಿತ ವ್ಯಕ್ತಿಯೊಬ್ಬ ತಮ್ಮ ಮನೆಯೊಳಗೆ ಮಲಗಿರುವುದು ತಿಳಿದುಬಂದಿದೆ. ತಕ್ಷಣ ಕುಟುಂಬಸ್ಥರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಪೋಲಿಸರ ವರದಿಯ ಪ್ರಕಾರ ಈತ ವೃತ್ತಿಪರ ಕಳ್ಳನಾಗಿದ್ದು, ಈ ಹಿಂದೆ ಕಳ್ಳತನ ಮಾಡಿ ಜೈಲಿಗೆ ಹೋಗಿದ್ದ ಎಂದು ತಿಳಿದುಬಂದಿದೆ.

ಮತ್ತಷ್ಟು ವೈರಲ್​​ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ: 

Published On - 10:38 am, Wed, 22 November 23