Viral Video: ಜಿಯಾ ಜಲೇ ಜಾನ್​ ಜಲೇ; ಹಾರ್ಮೋನಿಯಂನಲ್ಲಿ ದಿಲ್​ಸೇ ಹಾಡು

Dilse : ಹಾಡು ಹಳೆಯದಾದರೇನು ಭಾವ ನವನವೀನ ಎನ್ನುವಂತೆ ಇನ್​ಸ್ಟಾಗ್ರಾಂನ ರೀಲ್​ಗಳು. ಹಳತು ಹೊಸತು ಎಂಬ ಬೇಧವಿಲ್ಲದೆ ಲಕ್ಷಾಂತರ ಕಲಾವಿದರು ಅವುಗಳ ಮರುಪ್ರಸ್ತುತಿ ಮಾಡುತ್ತಾರೆ. ಒಬ್ಬೊಬ್ಬರ ಪ್ರಸ್ತುತಿಯನ್ನು ಕೇಳಿದಾಗಲೂ ಆ ಹಾಡು ಹೊಸ ಮೆರುಗನ್ನು ಪಡೆದುಕೊಳ್ಳುತ್ತದೆ, ಅಷ್ಟೇ ಅಲ್ಲ ಕೇಳುಗರಲ್ಲಿ ಸಂಚಲವನ್ನೂ ಉಂಟುಮಾಡುತ್ತದೆ. ಇದೀಗ ವೈರಲ್ ಆಗಿರುವ ಈ ವಿಡಿಯೋದಲ್ಲಿ ಸಂಗೀತ ನಿರ್ವಹಣಕಾರ ಮತ್ತು ಸೌಂಡ್​ ಎಂಜಿನಿಯರ್ ಆಗಿರುವ ಆದಿತ್ಯ ಓಕ್​ (Aditya Oke) ಎಂಬುವವರು ದಿಲ್​ಸೆ (Dilse) ಚಿತ್ರದ ಜಿಯಾ ಜಲೇ ಜಾನ್​ ಜಲೇ (Jiya Jale Jaan Jale) ಹಾಡನ್ನು ಹಾರ್ಮೋನಿಯಂನಲ್ಲಿ ನುಡಿಸಿದ್ದಾರೆ ಕೇಳಿ, ನೋಡಿ.

ಆಹಾ ಎಷ್ಟು ಸುಮಧುರವಾಗಿದೆ ಈ ನುಡಿಸಾಣಿಕೆ, ನನ್ನ ಮನಸ್ಸು ಮತ್ತು ಹೃದಯ ಪ್ರಫುಲ್ಲಗೊಂಡವು ಎಂದಿದ್ದಾರೆ ನೆಟ್ಟಿಗರು. ಹಾರ್ಮೋನಿಯಂ ಆ ಹಾಡಿನ ಆತ್ಮವನ್ನು ಇಲ್ಲಿ ವಿಸ್ತರಿಸಿದೆ ಎನ್ನಿಸುತ್ತಿದ ಎಂದಿದ್ದಾರೆ ಒಬ್ಬರು. ಬೆರಳುಗಳು ಹಾರ್ಮೋನಿಯಂ ಕೀಗಳ ಮೇಲೆ ಎಷ್ಟೊಂದು ಲೀಲಾಜಾಲವಾಗಿ ಚಲಿಸುತ್ತಿವೆ, ಅದ್ಭುತ ಎಂದಿದ್ದಾರೆ ಮತ್ತೊಬ್ಬರು. ಆದಿತ್ಯ ಅವರು ನುಡಿಸಿದ ”ಲಾಲ್​ ಇಷ್ಕ್​” ಕೇಳಿ ಈ ಕೆಳಗಿನ ರೀಲ್​ನಲ್ಲಿ.

ಎಷ್ಟು ಸಲ ಕೇಳಿದರೂ ಇದರ ನಶೆಯೇ ಇಳಿಯುತ್ತಿಲ್ಲ ಎಂದಿದ್ದಾರೆ ಮಗದೊಬ್ಬರು. ನನ್ನ ಪ್ರಿಯತಮನನ್ನು ಖುಷಿಪಡಿಸಲು ಇದಕ್ಕಿಂತ ಮತ್ತೊಂದು ರೀಲ್​ ಇಲ್ಲವೇ ಇಲ್ಲ ಎಂದಿದ್ದಾರೆ ಇನ್ನೂ ಒಬ್ಬರು. 1 ಲಕ್ಷಕ್ಕಿಂತಲೂ ಹೆಚ್ಚು ಜನ ಈ ವಿಡಿಯೋ ನೋಡಿದ್ದಾರೆ. 30,000ಕ್ಕಿಂತಲೂ ಹೆಚ್ಚು ಜನ ಈ ವಿಡಿಯೋ ಇಷ್ಟಪಟ್ಟಿದ್ದಾರೆ.

ಇದನ್ನೂ ಓದಿ : Viral Video: ಉಸ್ತಾದ್​ ಸ್ಪೈಡರ್​​ಖಾನ್​; ಖಂಡಿತ ಇದು ಜಗತ್ತಿನ ಶಾಂತಿಗಾಗಿ ಅಲ್ಲ!

ನೂರಾರು ಜನರು ತಮ್ಮ ಮೆಚ್ಚುಗೆಯನ್ನು ಈ ವಿಡಿಯೋಗೆ ಸೂಚಿಸಿದ್ದಾರೆ. ಮತ್ತಷ್ಟು ಚಿತ್ರಗೀತೆಗಳನ್ನು ನಿಮ್ಮ ಹಾರ್ಮೋನಿಯಂ ವಾದನದಲ್ಲಿ ಕೇಳುವ ಆಸೆಯಾಗುತ್ತಿದೆ ಎಂದು ಅನೇಕರು ಹಳೆಯ ಮತ್ತು ಹೊಸ ಚಿತ್ರಗೀತೆಗಳ ಪಟ್ಟಿಯನ್ನೇ ನೀಡುತ್ತಿದ್ದಾರೆ ಈ ಪೋಸ್ಟ್​ನಡಿ.

ಈ ಸಂಜೆ, ರೊಯ್ಯನೇ ಬೀಸುತ್ತಿರುವ ಗಾಳಿ ಮತ್ತು ಹಾರ್ಮೋನಿಯಂನಲ್ಲಿ ಈ  ಹಾಡು… ಒಟ್ಟಾರೆ ನಿಮಗೀಗ ಒಂದೆರಡು ಹೆಜ್ಜೆ ಕುಣಿಯಬೇಕು ಎನ್ನಿಸುತ್ತಿರಬೇಕಲ್ಲ?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ