Viral Video: ಹುಲಾ ಹೂಪ್; ವಿಶ್ವದಾಖಲೆ ಮಾಡಿದ ಕೋಟೇಶ್ವರಿಯ ವೈರಲ್ ವಿಡಿಯೋ
Hula Hoop: ಕೋಟೇಶ್ವರಿಯವರ ಈ ವಿಡಿಯೋ ನೋಡುತ್ತಿದ್ದಂತೆ ಖಂಡಿತ ನೀವೂ ಹುಲಾ ಹೂಪ್ನ ಹುಚ್ಚು ಹಿಡಿಸಿಕೊಳ್ಳುತ್ತೀರಿ ಎನ್ನಿಸುತ್ತದೆ. ಮಿಲಿಯನ್ ಜನರು ಇವರ ವಿಡಿಯೋ ನೋಡಿ ಮನಸೋತಿದ್ದಾರೆ. ಒಂದಲ್ಲ ಎರಡಲ್ಲ ಮೂರು ಮೂರು ಕೌಶಲಗಳನ್ನು ಇವರು ಒಟ್ಟಿಗೆ ನಿಭಾಯಿಸುವ ರೀತಿಗೆ ಬೆರಗಾಗಿದ್ದಾರೆ. ಚೆನ್ನೈ ಮೂಲಕ ಕೋಟೇಶ್ವರಿಯವರ ವಿಡಿಯೋಗಳನ್ನು ನೀವೂ ನೋಡಿ.
Updated on:Sep 02, 2023 | 1:18 PM
Woman: ತೊಡಗಿಕೊಳ್ಳಲು ಆಸಕ್ತಿ ಮತ್ತು ಶ್ರಮಕ್ಕೆ ತೆರೆದುಕೊಳ್ಳಲು ಮನಸ್ಸಿದ್ದರೆ ಸಾಕು. ನಿಂತ ಜಾಗವೇ ರಂಗಭೂಮಿ. ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ ಈ ಮಹಿಳೆ ಟೆರೇಸಿನ ಮೇಲೆ ಹುಲಾ ಹೂಪ್ (Hula Hooping) ನೊಂದಿಗೆ ನೃತ್ಯ ಮತ್ತು ಚೆಂಡುಗಳ ಕೈಚಳಕವನ್ನು ತೋರಿದ್ದಾರೆ. ಏಕಕಾಲಕ್ಕೆ ಮೂರು ಕೌಶಲಗಳನ್ನು ಪ್ರಸ್ತುತಪಡಿಸಿದ ಈಕೆಯ ಪ್ರತಿಭೆಗೆ ನೆಟ್ಟಿಗರು ಅಚ್ಚರಿ ವ್ಯಕ್ತಪಡಿಸುತ್ತಿದ್ದಾರೆ. ಆ. 17ರಂದು ಇನ್ಸ್ಟಾಗ್ರಾಂನಲ್ಲಿ ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ. 1.1 ಮಿಲಿಯನ್ಗಿಂತಲೂ ಹೆಚ್ಚು ಜನರು ಲೈಕ್ ಮಾಡಿದ್ದಾರೆ. ಈ ವಿಡಿಯೋವನ್ನು ಸುಮಾರು 17 ಮಿಲಿಯನ್ ಜನರು ನೋಡಿದ್ದಾರೆ. ಸಾವಿರಾರು ಜನರು ಇವರ ಪ್ರತಿಭೆಯನ್ನು ಪ್ರಶಂಸಿಸಿದ್ದಾರೆ.
ಇದನ್ನೂ ಓದಿ : Viral Video: ಇವು ಮಕ್ಕಳಲ್ಲ ಕುತ್ತಿಗೆಗೆ ಇಕ್ಕಳ! ಬೈದು, ಒಂದೇಟು ಹಾಕಿ ದರದರನೆ ಎಳೆದೊಯ್ದ ‘ತಾಯಿ’
ಇವರು ಕೋಟೇಶ್ವರಿ ಎಂ.ಕೆ. ತಮಿಳುನಾಡಿನ ಮೂಲದವರು. 1985ರಲ್ಲಿ ಹುಟ್ಟಿದ ಇವರು ಒಂದು ಕಾಲಿನ ಮೇಲೆ ಹುಲಾ ಹೂಪ್ ಮತ್ತು ಮೂರು ಚೆಂಡುಗಳ ಕೈಚಳಕದೊಂದಿಗೆ ನೃತ್ಯವನ್ನೂ ಪ್ರದರ್ಶಿಸಿ ವಿಶ್ವದಾಖಲೆ ಮಾಡಿದ್ದಾರೆ. ಭರತನಾಟ್ಯ ಕಲಾವಿದೆಯಾಗಿರುವ ಇವರು ರಿಯಾಲಿಟಿ ಷೋಗಳಲ್ಲಿಯೂ ಭಾಗವಹಿಸಿದ್ದಾರೆ. ಸಾಕಷ್ಟು ಸಾರ್ವಜನಿಕ ಕಾರ್ಯಕ್ರಮಗಳನ್ನೂ ನೀಡಿದ್ದಾರೆ.
ಕೋಟೇಶ್ವರಿಯವರ ಹುಲಾ ಹೂಪ್ ಕೌಶಲ
View this post on Instagram
ನೀವು ಎಲ್ಲಿಯೂ ಮೈತೋರಿಸದೇ ನಿಮ್ಮ ಕೌಶಲವನ್ನು ಪ್ರದರ್ಶಿಸಿದ್ದು ಇಷ್ಟವಾಯಿತು ಎಂದು ಅನೇಕರು ಹೇಳಿದ್ದಾರೆ. ಅಬ್ಬಾ ಎಂಥಾ ಪ್ರತಿಭಾನ್ವಿತರು ನೀವು ಎಂದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ ಇನ್ನೂ ಕೆಲವರು. ನಿಮಗೊಂದು ಬಿಗ್ ಸೆಲ್ಯೂಟ್ ಮತ್ತು ಗೌರವ ಎಂದಿದ್ದಾರೆ ಮತ್ತೂ ಕೆಲವರು. ಪ್ರತಿಭೆ ಎಂದರೆ ಇದು, ತಮ್ಮದೇ ಆದ ಶೈಲಿಯಲ್ಲಿ ಟ್ರೆಂಡ್ ಸೃಷ್ಟಿಸುವುದು ಎಂದಿದ್ದಾರೆ ಒಬ್ಬರು.
ನೋಡಿ ಕೋಟೇಶ್ವರಿಯವರ ಈ ಪ್ರದರ್ಶನ
View this post on Instagram
ಪ್ರತಿಭೆ ಇಲ್ಲದೆಯೇ ಸುಮ್ಮನೇ ಮೆರೆಯುತ್ತಿರುವ ಪ್ರಸಿದ್ಧರೆಲ್ಲಾ ಈ ವಿಡಿಯೋ ನೋಡಬೇಕು ಎಂದಿದ್ದಾರೆ ಇನ್ನೊಬ್ಬರು. ರೆಸ್ಪೆಕ್ಟ್ ಬಟನ್ ಎಲ್ಲಿದೆ ಎಂದು ಕೇಳಿದ್ದಾರೆ ಇನ್ನೂ ಒಂದಿಷ್ಟು ಜನ. ನಿಜಕ್ಕೂ ಪದಗಳೇ ಹೊಮ್ಮುತ್ತಿಲ್ಲ, ನಿಮಗೆ ಇನ್ನಷ್ಟು ಯಶಸ್ಸು ಸಿಗಲಿ ಎಂದು ಹಾರೈಸಿದ್ದಾರೆ ಅನೇಕರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 1:17 pm, Sat, 2 September 23
