Viral: ನೋ ರೊಮ್ಯಾನ್ಸ್‌! ಇದು ಕ್ಯಾಬ್ ಕಣ್ರೀ ಓಯೋ ರೂಮ್‌ ಅಲ್ಲ… ವೈರಲ್‌ ಆಯ್ತು ಕ್ಯಾಬ್‌ನಲ್ಲಿ ಹಾಕಿದ ಸೂಚನಾ ಫಲಕ

ಪ್ರೀತಿಸಿದವರಿಗೆ ಲೋಕದ ಅರಿವೇ ಇರೋಲ್ಲ ಎನ್ನುತ್ತಾರೆ. ಇದಕ್ಕೆ ಉದಾಹರಣೆಯೆಂಬಂತೆ ಸಾಕಷ್ಟು ಪ್ರೇಮಿಗಳು ಪಾರ್ಕ್‌, ಬಸ್‌, ಟ್ರೈನ್‌ ಸೇರಿದಂತೆ ಎಲ್ಲೆಂದರಲ್ಲಿ ರೊಮ್ಯಾನ್ಸ್‌ ಮಾಡುತ್ತಾ ನಿಂತುಬಿಡುತ್ತಾರೆ. ಕ್ಯಾಬ್‌ಗಳಲ್ಲಿಯೂ ಕೂಡಾ ಕೆಲ ಪ್ರೇಮಿಗಳು ಇಂತಹ ಹುಚ್ಚಾಟಕ್ಕೆ ಕೈ ಹಾಕುತ್ತಾರೆ. ಈ ಹುಚ್ಚು ಪ್ರೇಮಿಗಳ ಕಾಟವನ್ನು ತಾಳಲಾರದೆ ಇಲ್ಲೊಬ್ಬ ಕ್ಯಾಬ್‌ ಡ್ರೈವರ್‌ ಇದು ಕ್ಯಾಬ್‌ ಕಣ್ರೀ… ಓಯೋ ಅಲ್ಲ; ದಯವಿಟ್ಟು ಇಲ್ಲಿ ರೊಮ್ಯಾನ್ಸ್‌ ಮಾಡ್ಬೇಡಿ ಅಂತ ತನ್ನ ಕಾರಿನಲ್ಲಿ ಸೂಚನಾ ಫಲಕವನ್ನು ನೇತು ಹಾಕಿ ವಾರ್ನಿಂಗ್‌ ಕೊಟ್ಟಿದ್ದಾರೆ. ಈ ಫೋಟೋ ಇದೀಗ ಸಿಕ್ಕಾಪಟ್ಟೆ ವೈರಲ್‌ ಆಗುತ್ತಿದ್ದು, ಬಹುಶಃ ಕ್ಯಾಬ್‌ ಡ್ರೈವರ್‌ ನಮ್ಮಂತೆ ಸಿಂಗಲ್‌ ಇರ್ಬೇಕು ಅದಕ್ಕೆ ಈ ರೀತಿ ಸೂಚನಾ ಫಲಕ ಹಾಕಿದ್ದಾರೆ ಎಂದು ತಮಾಷೆ ಮಾಡಿದ್ದಾರೆ.

ಹೈದರಾಬಾದ್‌ನ ಕ್ಯಾಬ್‌ ಡ್ರೈವರ್‌ ಒಬ್ಬರು ಕ್ಯಾಬ್‌ನಲ್ಲಿ ಪ್ರೇಮಿಗಳು ಮಾಡುವ ಕಿತಾಪತಿಗಳನ್ನು ನೋಡಲಾರದೆ ಇದು ಕ್ಯಾಬ್‌ ಕಣ್ರೀ, ಓಯೋ ರೂಮ್‌ ಅಲ್ಲ ದಯವಿಟ್ಟು ಇಲ್ಲಿ ರೊಮ್ಯಾನ್ಸ್‌ ಮಾಡ್ಬೇಡಿ ಎಂದು ತಮ್ಮ ಕಾರಿನಲ್ಲಿ ದೊಡ್ಡದಾಗಿ ಸೂಚನಾ ಫಲಕವನ್ನು ಹಾಕಿಸಿಕೊಂಡಿದ್ದಾರೆ. ಈ ಕುರಿತ ಫೋಟೋವನ್ನು HiHyderabad ಹೆಸರಿನ ಎಕ್ಸ್‌ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ವೈರಲ್‌ ಆಗುತ್ತಿರುವ ಫೋಟೋದಲ್ಲಿ ʼನೋ ರೊಮ್ಯಾನ್ಸ್‌, ಇದು ಕ್ಯಾಬ್‌ ಹೊರತು ಓಯೋ ರೂಮ್‌ ಅಥವಾ ಯಾವುದೇ ಪ್ರೈವೆಟ್‌ ಸ್ಥಳವಲ್ಲ. ದಯವಿಟ್ಟು ಇಲ್ಲಿ ಶಾಂತ ರೀತಿಯಲ್ಲಿ ವರ್ತಿಸಿ ಎಂದು ಎಚ್ಚರಿಕೆಯ ಸಂದೇಶವನ್ನು ಬರೆದಿರುವ ದೃಶ್ಯವನ್ನು ಕಾಣಬಹುದು.

ಇದನ್ನೂ ಓದಿ: ಇದಪ್ಪಾ ಸಾಧನೆ ಅಂದ್ರೆ… MBBS ಸೀಟ್‌ ಪಡೆದು ಭವಿಷ್ಯದ ವೈದ್ಯರಾಗಲು ಹೊರಟ ನಾಲ್ವರು ಸಹೋದರಿಯರು

ವೈರಲ್​​ ಪೋಸ್ಟ್​​​ ಇಲ್ಲಿದೆ ನೋಡಿ:

🚖 ⚠️ 😂

📸: @venkatesh_2204 #Hyderabad pic.twitter.com/xwjel4VQiI

— Hi Hyderabad (@HiHyderabad) October 20, 2024

ಅಕ್ಟೋಬರ್‌ 20 ರಂದು ಹಂಚಿಕೊಳ್ಳಲಾದ ಈ ಪೋಸ್ಟ್‌ 81 ಸಾವಿರಕ್ಕೂ ಅಧಿಕ ವೀಕ್ಷಣೆಗಳನ್ನು ಹಾಗೂ ಹಲವಾರು ಕಾಮೆಂಟ್ಸ್‌ಗಳನ್ನು ಪಡೆದುಕೊಂಡಿದೆ. ಒಬ್ಬ ಬಳಕೆದಾರರು ʼಇದು ಓಯೋ ರೂಮ್‌ನ ಫ್ರೀ ಪ್ರಮೋಷನ್‌ʼ ಎಂದು ತಮಾಷೆ ಮಾಡಿದ್ದಾರೆ. ಇನ್ನೊಬ್ಬ ಬಳಕೆದಾರರು ʼಪಾಪ ಆತ ಪ್ರೇಮಿಗಳ ಕಾಟ ತಡೆಯಲಾರದೆ ಈ ವಾರ್ನಿಂಗ್‌ ಕೊಟ್ಟಿದ್ದಾನೆʼ ಎಂದು ಹೇಳಿದ್ದಾರೆ.

ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ