Viral Video: ಮಿಸ್ಟರ್ ಬೀನ್ ಥರಾನೇ ಕಾಣ್ತಾರೆ; ನಟನೆ ಕೂಡ ಸೂಪರ್! ವಿಡಿಯೋ ನೋಡಿ
Mr. Bean: ಮಿಸ್ಟರ್ ಬೀನ್ ಅವತಾರದಲ್ಲಿ ಬೀನ್ನ ಮೆಚ್ಚಿನ ಟೆಡ್ಡಿ ಜೊತೆಗೆ ನಿಂತು ಅವರು ಫೋಟೊ ಕೂಡ ಹಂಚಿಕೊಂಡಿದ್ದಾರೆ. ಆ ಬಳಿಕ ಈ ವಿಡಿಯೋ, ಫೋಟೊಗೆ ತುಂಬಾ ಪ್ರತಿಕ್ರಿಯೆಗಳು ಬಂದಿವೆ.
Updated on:Oct 15, 2021 | 6:27 PM
ನೀವು 90ರ ದಶಕದ ಮಕ್ಕಳಾದರೆ ನಿಮ್ಮ ಬಾಲ್ಯದಲ್ಲಿ ನೀವು ಅತಿ ಹೆಚ್ಚು ಇಷ್ಟಪಟ್ಟ ವ್ಯಕ್ತಿಗಳಲ್ಲಿ ಮಿಸ್ಟರ್ ಬೀನ್ ಕೂಡಾ ಒಬ್ಬರಾಗಿರುತ್ತಾರೆ ಎಂಬುದರಲ್ಲಿ ಸಂಶಯ ಇಲ್ಲ. ಮಿಸ್ಟರ್ ಬೀನ್ ಹಾಗೂ ಟಾಮ್ ಅಂಡ್ ಜರಿ ಎಂಬ ಎರಡು ಶೋಗಳು ಮಕ್ಕಳು, ಯುವಕರು, ವೃದ್ಧರು ಎನ್ನದೆ ಎಲ್ಲರ ಮನಗೆದ್ದ ಟಿವಿ ಪ್ರದರ್ಶನಗಳು. ಅದರಲ್ಲೂ ಮಿಸ್ಟರ್ ಬೀನ್ ಕಾರ್ಟೂನ್ ಅಲ್ಲ. ಅದೊಬ್ಬ ನಟನ ಅದ್ಭುತ ನಟನೆಯಿಂದ ಮನಸೆಳೆದ ಶೋ. ಬಹಳಷ್ಟು ಜನರಿಗೆ ಮಿಸ್ಟರ್ ಬೀನ್ ಎಂದೇ ಗೊತ್ತಿರುವ ಆ ಅದ್ಭುತ ನಟನ ಹೆಸರು ರೋವನ್ ಸೆಬಾಸ್ಟಿಯನ್ ಆಟ್ಕಿನ್ಸನ್ ಎಂದು. ಚಾರ್ಲಿ ಚಾಪ್ಲಿನ್ ಬಳಿಕ ತುಂಬಾ ಜನರ ಮೆಚ್ಚುಗೆ ಪಡೆದ ಅಂತಹುದೇ ಶೋ ಇದು. ಮಿಸ್ಟರ್ ಬೀನ್ ಕಾರ್ಟೂನ್ ವರ್ಷನ್ ಕೂಡ ನೀವು ನೋಡಿರುತ್ತೀರಿ. ಎಲ್ಲರೂ ಆ ಪಾತ್ರವನ್ನು ಅಷ್ಟೊಂದು ಇಷ್ಟಪಡುತ್ತಿದ್ದರು.
ಈ ಶೋ ತುಂಬಾ ವರ್ಷಗಳ ಮೊದಲೇ ಅಂತ್ಯ ಕಂಡಿದೆ. ಆದರೂ ರೋವನ್ ಆಟ್ಕಿನ್ಸನ್ ಎಂಬ ನಟ ಇನ್ನೂ ಕೂಡ ಮಿಸ್ಟರ್ ಬೀನ್ ಆಗಿಯೇ ಎಲ್ಲರ ಮನದೊಳಗೆ ಇದ್ದೇ ಇದ್ದಾರೆ. ಈ ನಡುವೆ ಇಲ್ಲೊಂದು ವಿಶೇಷ ಸುದ್ದಿ ಇದೆ. ಇತ್ತೀಚೆಗೆ ಸೋಷಿಯಲ್ ಮೀಡಿಯಾದಲ್ಲಿ ಒಂದು ವಿಡಿಯೋ ವೈರಲ್ ಆಗಿದೆ. ಅದರಲ್ಲಿ ಇಟಲಿಯ ವ್ಯಕ್ತಿ ಮಿಸ್ಟರ್ ಬೀನ್ನಂತೆ ಕಂಡಿದ್ದಾರೆ. ಬೀನ್ ಹಾಗೂ ಬೀನ್ನ ಪ್ರೀತಿಯ ಬೊಂಬೆ ಹಿಡಿದು ಅವರು ಕಾಣಿಸಿಕೊಂಡಿದ್ದಾರೆ.
ಟಿಕ್ಟಾಕ್ ಸ್ಟಾರ್ಗಳಾದ ಫಬಿಯೋಲಾ ಬಗ್ಲೇರಿ ಮತ್ತು ಅರನಾಲ್ಡೊ ಮಂಗಿನಿ ಹೀಗೆ ಅಭಿಮಾನಿಗಳಿಗೆ ಕಾಣಿಸಿಕೊಂಡು ಮಿಂಚಿದ್ದಾರೆ. ಅವರಿಬ್ಬರು ಸಾಮಾಜಿಕ ಜಾಲತಾಣದಲ್ಲಿ, ಟಿಕ್ಟಾಕ್ನಲ್ಲಿ ಆಕ್ಟೀವ್ ಸ್ಟಾರ್ಗಳು ಎಂದು ಸಾಮಾಜಿಕ ಜಾಲತಾಣ ಹಿಂಬಾಲಿಕರಿಗೆ ಗೊತ್ತೇ ಇರುತ್ತದೆ. ಇದೀಗ, ವೈರಲ್ ಆಗಿರುವ ವಿಡಿಯೋದಲ್ಲಿ ಅವರು ಮಿಸ್ಟರ್ ಬೀನ್ ಕಾಪಿಯಂತೆ ಕಂಡಿದ್ದಾರೆ. ಈ ಇಬ್ಬರು ಕೂಡ ನಿಜವಾಗಿ ತಂದೆ ಮಗಳು ಅಲ್ಲ. ಅವರಿಬ್ಬರೂ ಬೇರೆ ಬೇರೆ ಕಂಟೆಂಟ್ ಕ್ರಿಯೇಟರ್ಸ್ ಆಗಿದ್ದಾರೆ. ಆದರೆ, ಇಲ್ಲಿ ಅವರು ಮಿಸ್ಟರ್ ಬೀನ್ ಹಾಗೂ ಮಗಳಂತೆ ಕಾಣಿಸಿಕೊಂಡಿದ್ದಾರೆ.
View this post on Instagram
View this post on Instagram
ಟಿಕ್ಟಾಕ್ ಸೆಲೆಬ್ರಿಟಿಗಳಾಗಿರುವ ಅವರು ಇಬ್ಬರೂ ಇನ್ಸ್ಟಾಗ್ರಾಂನಲ್ಲಿ ತುಂಬಾ ಫೇಮಸ್ ಆಗಿದ್ದಾರೆ. ಅವರು ಆಗಾಗ ಅಪ್ಡೇಟ್ಗಳನ್ನು ಇನ್ಸ್ಟಾಗ್ರಾಂ ಖಾತೆಯಲ್ಲಿ ಕೂಡ ಹಂಚಿಕೊಳ್ಳುತ್ತಿರುತ್ತಾರೆ. ರೀಲ್ಸ್ ಮಾಡುತ್ತಿರುತ್ತಾರೆ. ಮಿಸ್ಟರ್ ಬೀನ್ ಅವತಾರದಲ್ಲಿ ಬೀನ್ನ ಮೆಚ್ಚಿನ ಟೆಡ್ಡಿ ಜೊತೆಗೆ ನಿಂತು ಅವರು ಫೋಟೊ ಕೂಡ ಹಂಚಿಕೊಂಡಿದ್ದಾರೆ. ಆ ಬಳಿಕ ಈ ವಿಡಿಯೋ, ಫೋಟೊಗೆ ತುಂಬಾ ಪ್ರತಿಕ್ರಿಯೆಗಳು ಬಂದಿವೆ. ಇಬ್ಬರು ಕೂಡ ಸಾಮಾಜಿಕ ಜಾಲತಾಣದಲ್ಲಿ ಆಕ್ಟೀವ್ ಆಗಿದ್ದಾರೆ. ವಿಡಿಯೋ, ಫೋಟೊ, ರೀಲ್ಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಮಿಸ್ಟರ್ ಬೀನ್ ಅವತಾರ ಮಾತ್ರ ಎಲ್ಲರ ಮನಗೆದ್ದಿದೆ.
ಇದನ್ನೂ ಓದಿ: Viral Video: ತಲೆ ಕೂದಲಿನಲ್ಲಿಯೇ ವಾಹನವನ್ನು ಎಳೆದು ತಂದ ಯುವತಿ! ಶಾಕಿಂಗ್ ವಿಡಿಯೋ ವೈರಲ್
ಇದನ್ನೂ ಓದಿ: Viral Video: ಆನೆ ತನ್ನ ಸ್ನೇಹಿತನೊಂದಿಗೆ ಬ್ಯಾಸ್ಕೆಟ್ಬಾಲ್ ಆಡುತ್ತಿದೆ! ವಿಡಿಯೋ ಮಜವಾಗಿದೆ ನೋಡಿ
Published On - 6:24 pm, Fri, 15 October 21
