Viral Video: ಜೋಲೋಚಿಪ್ ಚಾಲೇಂಜ್​; ಈ ವಿಡಿಯೋದಲ್ಲಿ ಮುಂದೇನಾಗುತ್ತದೆ ನೋಡಿ

Reel: ಜೋಲೋಚಿಪ್ ಇದೊಂದು ಮಸಾಲೆಯುಕ್ತ ಚಿಪ್​. ಜಗತ್ತಿನಲ್ಲಿ ಅತ್ಯಂತ ಖಾರವುಳ್ಳ ಮೆಣಸಿನಕಾಯಿ ತಳಿಗಳಾದ ಕೆರೊಲಿನಾ ರೀಪರ್, ಟ್ರಿನಿಡಾಡ್ ಸ್ಕಾರ್ಪಿಯನ್​ ​ ಮತ್ತು ಘೋಸ್ಟ್​ ಪೆಪ್ಪರ್ ಬಳಸಿ ತಯಾರಿಸಲಾಗಿರುತ್ತದೆ. ಸಾಮಾಜಿಕ ಜಾಲತಾಣದಲ್ಲಿ #jolochipchallenge ನಡಿ ಅನೇಕರು ವಿಡಿಯೋ ಅಪ್​ಲೋಡ್ ಮಾಡುತ್ತಿದ್ದಾರೆ. ಕೆಲವರು ಈ ಚಿಪ್​ ಅನ್ನು ಸ್ವತಃ ತಾವೇ ತಿನ್ನಲು ಪ್ರಯತ್ನಿಸಿದ್ದಾರೆ, ಇನ್ನೂ ಕೆಲವರು ಸ್ನೇಹಿತರಿಗೆ ತಿನ್ನಿಸಿದ್ದಾರೆ. ಅತ್ಯಂತ ಖಾರವಾದ ಈ ಚಿಪ್ ತಿಂದವರ ಮುಖವನ್ನು ನೋಡಿದರೆ ಸಾಕು ಅವರ ನಾಲಗೆ ಗಂಟಲು, ಹೊಟ್ಟೆಯ ಪರಿಸ್ಥಿತಿ ಏನಾಗಿರುತ್ತದೆ ಎನ್ನುವುದು ಅರ್ಥವಾಗುತ್ತದೆ. ಆದರೆ ಇದೀಗ ವೈರಲ್ ಆಗಿರುವ ವಿಡಿಯೋದಲ್ಲಿ ಎಲ್ಲಾ ಉಲ್ಟಾ ಆಗಿದೆ!

ಇದನ್ನೂ ಓದಿ : Viral Video: ಗಾಡಿ ಕಾಲಿ; ನೇಹಾ ಕಕ್ಕರ್ ಹಾಡಿಗೆ ಧನಾಶ್ರೀ ವರ್ಮಾ ನೃತ್ಯ, ಭಲೇ ಎಂದ ನೆಟ್ಟಿಗರು

ಸಾಮಾಜಿಕ ಜಾಲತಾಣಗಳಲ್ಲಿ 2021ರಲ್ಲಿ ಈ ಚಾಲೇಂಜ್ ಚಾಲ್ತಿಗೆ ಬಂದಿದೆ. ಅನೇಕರು ತಮ್ಮ ಸ್ನೇಹಿತರಿಗೆ ಈ ಚಾಲೇಂಜ್​ಗೆ ಆಹ್ವಾನಿಸಿ ವಿಡಿಯೋ ಮಾಡಿ ಅಪ್​ಲೋಡ್ ಮಾಡಿದ್ದಾರೆ. ಕೆಲವರು ಈ ಚಿಪ್ ತಿನ್ನುತ್ತಲೇ ಬೆವರತೊಡಗಿದ್ದಾರೆ ಮತ್ತು ಹೊಟ್ಟೆಯಲ್ಲಿ ಉರಿಉರಿಯಾದಂತೆ ಆಗುತ್ತಿದೆ ಎಂದು ಹೇಳಿದ್ದಾರೆ. ಕೆಲವರಂತೂ ಕಣ್ಣು ಮೂಗು ಸುರಿಸಿಕೊಂಡು ಈ ಚಾಲೇಂಜ್​ ಪೂರೈಸಿದ್ದಾರೆ. ಇದೀಗ ಈ ಚಾಲೇಂಜ್ ಮತ್ತೆ ಚಾಲ್ತಿಗೆ ಬಂದಿದೆ.

ಮ್ಯಾಗಿಯಲ್ಲಿ ಜೋಲೋಚಿಪ್, ಮುಂದೇನಾಯಿತು?

ಈ ವಿಡಿಯೋವನ್ನು ಸಾಗರ್ ಕುಮಾರ್ ಎನ್ನುವವರು ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ. ಮ್ಯಾಗಿ ತಯಾರಿಸಿ ಅದರೊಳಗೆ ಜೋಲೋಚಿಪ್​ ಪುಡಿ ಮಾಡಿ ಹಾಕುತ್ತಾರೆ. ಜೊತೆಗೆ ಕೆಂಪು ಮೆಣಸಿನಪುಡಿಯನ್ನೂ ಸೇರಿಸುತ್ತಾರೆ. ನಂತರ ಮೇಲೆ ಪನೀರ್ ತುರಿದು ಅಲಂಕರಿಸುತ್ತಾರೆ. ಆಫೀಸಿಗೆ ಬಂದು ಸ್ನೇಹಿತನಿಗೆ ಕೊಡುತ್ತಾರೆ. ಇದನ್ನು ತಿಂದ ಸ್ನೇಹಿತ ಖಾರದಿಂದ ಒದ್ದಾಡಬಹುದು ಎಂದು ತಂಪುಪಾನೀಯಗಳನ್ನೂ ಕೊಡುತ್ತಾರೆ. ಆದರೆ ಹಾಗೇನೂ ಆಗದೆ ಸ್ನೇಹಿತ ಆರಾಮಾಗಿ ಜೋಲೋಚಿಪ್​ ಮ್ಯಾಗಿ ಸವಿಯುತ್ತಾನೆ!

ಇದನ್ನೂ ಓದಿ : Viral Video: ಕಟ್ಟಿದ ಗೂಟವನ್ನು ತನ್ನಷ್ಟಕ್ಕೆ ತಾನೇ ಬಿಚ್ಚಿಕೊಂಡ ಹಸುವಿನ ವಿಡಿಯೋ ವೈರಲ್

ಈ ಚಾಲೇಂಜ್ ಹೇಗೆ ಫೇಲ್ ಆಯಿತು? ಎಂದು ಸಾಗರ್ ಅಚ್ಚರಿಗೆ ಒಳಗಾಗುತ್ತಾರೆ. ಈತನಕ ಈ ವಿಡಿಯೋವನ್ನು  8.3 ಮಿಲಿಯನ್‌ಗಿಂತಲೂ ಹೆಚ್ಚು ಜನರು ನೋಡಿದ್ದಾರೆ. ಅನೇಕರು ಪ್ರತಿಕ್ರಿಯಿಸಿದ್ದಾರೆ. ಮ್ಯಾಗಿ ತಿಂದ ನಂತರ ಅವರು ನಗುವುದು ಬಹಳ ತಮಾಷೆಯಾಗಿದೆ ಎಂದಿದ್ದಾರೆ ಕೆಲವರು. ಇವನು ಉಕ್ಕಿನ ಮನುಷ್ಯ ಎಂದಿದ್ದಾರೆ ಇನ್ನೂ ಕೆಲವರು. ಚೀಸ್​ ಸೇರಿಸಿದ್ದಕ್ಕೆ ಅವರಿಗೆ ಖಾರವೆನ್ನಿಸಿಲ್ಲ ಎಂದಿದ್ದಾರೆ ಒಂದಿಷ್ಟು ಜನ.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ