ಪರ್ವತಾರೋಹಣದಲ್ಲಿ ದಾಖಲೆ ಬರೆದ ಕೊಪ್ಪಳದ ಸೈನಿಕ ವೀರೇಶ ಗಾದಿಗನೂರ

ಕೊಪ್ಪಳ ಜಿಲ್ಲೆಯ ಕಾರಟಗಿ ತಾಲೂಕಿನ ಮೈಲಾಪುರ ಗ್ರಾಮದ 39 ವರ್ಷದ ವೀರೇಶ ಪಿ. ಗಾದಿಗನೂರ ಎಂಬುವವರು ಮೆಂಟಾಕ್​ ಪರ್ವತಾರೋಹಣ ಮಾಡಿ ದಾಖಲೆ ಮಾಡಿದ್ಧಾರೆ. ಇವರು 2202ರ ಜನವರಿಯಿಂದ ಭಾರತೀಯ ಸೇನೆಯಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. ಪ್ರಸಕ್ತ ಸಾಲಿನ ಜೂನ್​ನಲ್ಲಿ ಮೆಂಟಾಕ್​ ಪರ್ವತಶ್ರೇಣಿಗಳನ್ನು ಇವರು ಪರ್ವತಾರೋಹಣ ಮಾಡಿದ್ದರು. ಕರ್ತವ್ಯದಲ್ಲಿ ನಿರತರಾಗಿದ್ದಾಗ ಹೊಸ ದಾರಿಗಳನ್ನು ಹುಡುಕುವುದರ ಕಡೆಗೆ ಇವರ ಆಸಕ್ತಿ ಇರುತ್ತಿತ್ತು. ಇದೇ ಮುಂದೆ ಅವರನ್ನು ಪರ್ವತಾರೋಹಣದೆಡೆ ಸೆಳೆಯಿತು.

ಮೂರು ದಿನಗಳಲ್ಲಿ ಮೂರು ಶಿಖರಗಳು ಸೇರಿದಂತೆ 11 ಮೆಂಟಾಕ್​ ಪರ್ವತಶ್ರೇಣಿಗಳನ್ನು ಇವರು ಏರಿದ್ದಾರೆ. ಫಲವಾಗಿ ಇಂಡಿಯಾ ಬುಕ್​ ಆಫ್​ ರೆಕಾರ್ಡ್ಸ್ ಇವರ ಸಾಧನೆಯನ್ನು ಮಾನ್ಯ ಮಾಡಿದೆ. ಈತನಕ 2017ರಲ್ಲಿ ಸಿಯಾಚಿನ್​ನಲ್ಲಿ ಮೌಂಟ್​ ಕಾಮೆಟ್​, ಮೌಂಟ್​ ಭಾಗೀರಥಿ, ಮೌಂಟ್​ ಜೋಗಿನ್​ ಸೇರಿದಂತೆ 39 ಪರ್ವತಗಳ ಆರೋಹಣ ಮಾಡಿದ್ದಾರೆ. 2017ರಲ್ಲಿ ಲಡಾಕ್​, ಸ್ಟಾಕ್​ ಕಾಂಗ್ರಿ ಪರ್ವತಾರೋಹಣವನ್ನು ನಾಲ್ಕು ದಿನಗಳಲ್ಲಿ ಇಬ್ಬರೊಂದಿಗೆ 6,000 ಮೀಟರ್ ಎತ್ತರದ 17 ಪರ್ವತಗಳ ಆರೋಹಣ ಮಾಡಿದ್ದಾರೆ. ಏಷ್ಯಾ ಬುಕ್  ಆಫ್​ ರೆಕಾರ್ಡ್ಸ್​ ಮತ್ತು ನೋಬಲ್ ವರ್ಲ್ಡ್​ ರೆಕಾರ್ಡ್ಸ್​ ಮತ್ತು ವರ್ಲ್ಡ್​ ಬುಕ್ ಆಫ್​ ರೆಕಾರ್ಡ್ಸ್​ ನಲ್ಲಿ ಇದು ದಾಖಲಾಗಿದೆ.

ಇದನ್ನೂ ಓದಿ : ನಾನೆಂಬ ಪರಿಮಳದ ಹಾದಿಯಲಿ; ನಮ್ಮ ಕನಸುಗಳನ್ನು ತ್ಯಜಿಸುವುದೆಂದರೆ ನಮ್ಮನ್ನು ನಾವೇ ದಿವಾಳಿಗೆಬ್ಬಿಸಿಕೊಂಡಂತೆ

‘ನಾನು 2010ರಲ್ಲಿ ಪರ್ವತಾರೋಹಣ ತರಬೇತಿಗೆ ಸೇರಿದಾಗ ನನಗೆ ಈ ಬಗ್ಗೆ ಏನೂ ಮಾಹಿತಿ ಇರಲಿಲ್ಲ. ಆದರೆ ಕ್ರಮೇಣ ಇದು ಎಷ್ಟು ಸಾಹಸಮಯ ಎಂಬುದನ್ನು ಅರಿಗುಕೊಳ್ಳುತ್ತಾ ಹೋದೆ. ಈ ಪರ್ವತಾರೋಹಣ ಮಾಡಿ ತ್ರಿವರ್ಣ ಧ್ವಜ ಹಾರಿಸಿದಾಗ ನಿಜಕ್ಕೂ ಸಂತಸ ಮತ್ತು ಹೆಮ್ಮೆಯ ವಿಷಯ ಎನ್ನಿಸಿತು’ ಎಂದಿದ್ಧಾರೆ ವೀರೇಶ.

ಮತ್ತಷ್ಟು ವೈರಲ್​ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ