ಪುಣೆ ಟ್ರಾಫಿಕ್ಕಿಗೆ ಬೇಸತ್ತು ಆಟೋದಲ್ಲಿ ಪ್ರಯಾಣಿಸಿದ ಮರ್ಸಿಡೀಸ್ ಇಂಡಿಯಾದ ಸಿಇಒ
Mercedes India : ಮರ್ಸಿಡೀಸ್ ಇಂಡಿಯಾದ ಸಿಇಒ ಮಾರ್ಟಿನ್ ಶ್ಚ್ವೆಂಕ್ ಪುಣೆಯ ಟ್ರಾಫಿಕ್‌ನಲ್ಲಿ ಸಿಲುಕಿದಾಗ ತಮ್ಮ ಅತ್ಯಾಧುನಿಕ ಕಾರಿನಿಂದ ಇಳಿದು ಆಟೋ ರಿಕ್ಷಾದಲ್ಲಿ ಪ್ರಯಾಣಿಸಿ ನೆಟ್ಟಿಗರ ಗಮನ ಸೆಳೆದಿದ್ದಾರೆ.
Updated on:Oct 01, 2022 | 10:18 AM
Viral : ಕೆಲ ತಿಂಗಳ ಹಿಂದೆ ನಿಧನರಾದ ಟಾಟಾ ಸಮೂಹ ಸಂಸ್ಥೆಗಳ ಮಾಜಿ ಅಧ್ಯಕ್ಷ ಸೈರಸ್ ಮಿಸ್ತ್ರಿಯವರ ಹಳೆಯ ಫೋಟೋ ಅವರ ಮರಣಾನಂತರ ವೈರಲ್ ಆಗಿತ್ತು. ಅವರು ಧಾಬಾವೊಂದರಲ್ಲಿ ತಮ್ಮ ಡ್ರೈವರ್ನೊಂದಿಗೆ ಕುಳಿತು ಊಟ ಮಾಡುತ್ತಿರುವ ಫೋಟೋ ಅದಾಗಿತ್ತು. ಎಷ್ಟೇ ದೊಡ್ಡ ಹುದ್ದೆಯಲ್ಲಿದ್ದರೂ ಸಾಮಾಜಿಕವಾಗಿ ಉನ್ನತಮಟ್ಟದ ಜೀವನಶೈಲಿ ಸಾಗಿಸುತ್ತಿದ್ದರೂ ವೈಯಕ್ತಿಕವಾಗಿ ಮತ್ತು ಕೆಲ ವಿಷಯವಾಗಿ ಸಾಮಾನ್ಯರಂತೆ ಸರಳವಾಗಿ ಬದುಕುವುದನ್ನು ಅನೇಕರು ಇಷ್ಟಪಡುತ್ತಾರೆ ಮತ್ತು ರೂಢಿಸಿಕೊಂಡಿರುತ್ತಾರೆ. ಮೇಲಾಗಿ ಅಂಥ ಅವಕಾಶಕ್ಕಾಗಿ ಕಾಯುತ್ತಿರುತ್ತಾರೆ.
ಇತ್ತೀಚೆಗೆ ಮರ್ಸಿಡೀಸ್ ಬೆಂಝ್ ಇಂಡಿಯಾದ ಸಿಇಒ ಮಾರ್ಟಿನ್ ಶ್ಚ್ವೆಂಕ್ ಪುಣೆಯಲ್ಲಿ ತಮ್ಮ ಮರ್ಸಿಡೀಸ್ ಎಸ್-ಕ್ಲಾಸ್‌ ಕಾರಿನಲ್ಲಿ ಪ್ರಯಾಣಿಸುತ್ತಿರುವಾಗ ಟ್ರಾಫಿಕ್‌ನಲ್ಲಿ ಸಿಕ್ಕಿಹಾಕಿಕೊಂಡರು. ಗಂಟೆಗಟ್ಟಲೆ ಇಲ್ಲೇ ನಿಲ್ಲುವ ಬದಲಾಗಿ ಏನು ಮಾಡಬಹುದು ಎಂದು ಆಲೋಚಿಸುತ್ತಾ ತಮ್ಮ ಕಾರಿನಿಂದ ಇಳಿದೇ ಬಿಟ್ಟರು. ಕೆಲ ಕಿ.ಮೀ ನಡೆದ ಮೇಲೆ ಆಟೋ ಸಿಕ್ಕಿತು. ನಂತರ ಆಟೋ ಏರಿ ತಲುಪಬೇಕಾದ ಸ್ಥಳ ತಲುಪಿದರು. ಈ ವಿಷಯವನ್ನು ಅವರೇ ಆಟೋದ ಒಳಬದಿಯ ಫೋಟೋದೊಂದಿಗೆ ಟ್ವೀಟ್ ಮಾಡಿದ್ದಾರೆ.
ಇದಕ್ಕೆ ಅನೇಕ ನೆಟ್ಟಿಗರು ವಿಧವಿಧವಾಗಿ ಪ್ರತಿಕ್ರಿಯಿಸಿದ್ದಾರೆ ಒಬ್ಬರು, ಗಝನೀ ಸಿನೆಮಾದಲ್ಲಿ ಅಮೀರ್ಖಾನ್ ತಮ್ಮ ಗರ್ಲ್ಫ್ರೆಂಡ್ಅನ್ನು ಭೇಟಿಯಾಗಲು ಹೋಗುವ ದೃಶ್ಯ ನೆನಪಾಗುತ್ತಿದೆ ಎಂದಿದ್ದಾರೆ. ಆಟೋವಾಲಾ ಮೀಟರ್ ಹಾಕಿಕೊಂಡು ಗಾಡಿ ಓಡಿಸಿದರು ತಾನೆ? ಎಂದು ಮತ್ತೊಬ್ಬರು ಕೇಳಿದ್ಧಾರೆ. ಸರಿಯಾದ ಲೊಕೇಷನ್ಗೆ ವಡಾ ಪಾವ್ ಕೂಡ ಆರ್ಡರ್ ಮಾಡಿ ಎಂದು ಮಗದೊಬ್ಬರು ಪ್ರತಿಕ್ರಿಯಿಸಿದ್ದಾರೆ.
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 10:15 am, Sat, 1 October 22
