Viral Video: ‘ಸಿಗರೇಟು ಭಾಗ್ಯದ ನಾರಿಯರು’ ಇದೇನು ನಿಜವೋ ನಾಟಕವೋ ರಾಜಕೀಯದಾಟವೋ?
Free: ನಡುವಯಸ್ಸಿನ ಮಹಿಳೆಯರು ಒಬ್ಬರಿಗೊಬ್ಬರು ಸಿಗರೇಟು ಹಂಚುತ್ತಾ ಕಡ್ಡಿ ಗೀರಿ ಅಂಟಿಸುತ್ತಾ ಜುರ್ರನೆ ಜುರುಕಿಯೆಳೆದು ಆನಂದಿಸುತ್ತಿದ್ದಾರೆ. “ಯಪ್ಪಾ ಸಿಗರೇಟೂ ಫ್ರೀನಾ? ಇದೊಂದು ಬಾಕಿ ಇತ್ತು” ಸಂಕಟಪಡುತ್ತಿದೆ ಪುರುಷಕುಲ.
Updated on:Jul 01, 2023 | 4:09 PM
Cigarette : ಒಂದು ಹಳೆಯ ದೇವಸ್ಥಾನದ ಕಮಾನು (Temple Arch). ಸುತ್ತಲೂ ಆಕಾಶಕ್ಕೆ ಮುಖಮಾಡಿ ಚಾಚಿರುವ ಮರಗಳು. ಅದರೀಚೆಗೆ ವಿಶಾಲವಾದ ಆವಾರ. ದಣಿವಾರಿಸಿಕೊಳ್ಳಲು ಹೇಳಿಮಾಡಿಸಿದ ಜಾಗ ಎಂಬಂತಿದೆ. ಇಲ್ಲಿ ನಡುವಯಸ್ಸಿನ ಮಹಿಳೆಯರ ಗುಂಪೊಂದು ನೆರೆದಿದೆ. ಛಂದಛಂದದ ಸೀರೆಯುಟ್ಟು, ಹಣೆಗೆ ಬೊಟ್ಟಿಟ್ಟು ದೇವರ ದರ್ಶನ ಮುಗಿಸಿಕೊಂಡು ಹೊರಬಂದ ನಡುವಯಸ್ಸಿನ ಸಾಧ್ವಿಯರು ಇಲ್ಲಿ ಸೇರಿದ್ಧಾರೆ. ಅವರೊಂದಿಗೆ ಒಂದಷ್ಟು ತರುಣಿಯರು ಇದ್ದಾರೆ. ತಕ್ಷಣಕ್ಕೆ ನೋಡಿದರೆ, ಪರಸ್ಪರರು ಆರತಿ ತಟ್ಟೆಯ ದೀಪವನ್ನು ಅಂಟಿಸಿಕೊಳ್ಳುತ್ತಿದ್ದಾರೇನೋ ಎಂಬ ಭಾಸವಾಗುತ್ತದೆ. ಒಂದು ಚಿಕ್ಕ ಊರಿನ, ಅಥವಾ ನಮ್ಮ ಬೆಂಗಳೂರಿನ ಹಳೆಯ ಭಾಗಗಳಲ್ಲಿ ಕಾಣುವಂಥ ಸಾಮಾನ್ಯ ನೋಟವಿದು, ವಿಶೇಷವೇನಿಲ್ಲ.
ಆದರೆ ಇಲ್ಲಿ ವಿಶೇಷ ಘಟಿಸುತ್ತದೆ. ಅವರಲ್ಲಿ ಒಬ್ಬಾಕೆಯ ಕೈಯ್ಯಲ್ಲಿ ಸಿಗರೇಟು ಪ್ಯಾಕೆಟು! ಅದನ್ನು ಬಿಚ್ಚಿ ಸುತ್ತ ನೆರೆದ ಗೆಳತಿಯರಿಗೆಲ್ಲ ಒಂದೊಂದೇ ಹಂಚುತ್ತಾಳೆ. ಅವರು ಸಿಗರೇಟು ಹೊತ್ತಿಸಿಕೊಂಡು ಸೇದತೊಡಗುತ್ತಾರೆ. ಇದಕ್ಕೆ ಮಾಲಾಶ್ರೀ ಅಭಿನಯದ, ಮಂಜುಳಾ ಗುರುರಾಜ್ ಹಾಡಿರುವ ”ನಂಜುಂಡಿ ಕಲ್ಯಾಣ” ಸಿನೆಮಾದ “ಒಳಗೆ ಸೇರಿದರೆ ಗುಂಡು” ಹಾಡಿನ ಹಿನ್ನೆಲೆ ಬೇರೆ.
ಇದನ್ನೂ ಓದಿ : Viral Video:ಫ್ಯೂಷನ್ ಪುಚ್ಕಾ; ಕೋಕಾಕೋಲಾ ಐಸು ಎಳನೀರಿನಲ್ಲಿ ಮುಳುಗೇಳುವ ಈ ತಿನಿಸು ಬೇಕೆ?
ಸಿಗರೇಟಿನ ಮೂತಿಗೆ ಬೆಂಕಿ ಹಚ್ಚಿಕೊಂಡು ರೂಢಿಯಿಲ್ಲದ ಒಂದಿಬ್ಬರು ಕಷ್ಟಪಡುತ್ತಿರುವುದನ್ನು ಎಲ್ಲರೂ ನೋಡಿ ನಗುತ್ತಾರೆ. ಬಾಯಲ್ಲಿ ಸಿಗರೇಟು ಇಟ್ಟುಕೊಂಡು ಅದರಿಂದಲೇ ಇನ್ನೊಬ್ಬಾಕೆಯ ಸಿಗರೇಟಿಗೆ ಮುತ್ತಿಕ್ಕಿ ಅದನ್ನು ಹೊತ್ತಿಸುವ ಆ ಪರಿ, ಒಂದು ಬದಿಗೆ ನಿಂತ ಸ್ವಲ್ಪ ವಯಸ್ಸಾದ ಹೆಣ್ಣುಮಗಳೊಬ್ಬಳು ಲೀಲಾಜಾಲವಾಗಿ ಹೊಗೆ ಸೂಸುವ ರೀತಿ…
ಇದನ್ನೂ ಓದಿ : Viral Video: ”ನಾನು ಕೊಳವೆಬಾವಿಯಲ್ಲಿ ಇಳಿಯುತ್ತೇನೆ” 14 ವರ್ಷದ ಬಾಲಕ ಮಗುವನ್ನೆತ್ತಿಕೊಂಡು ಹೊರಬಂದ
ಈ ವಿಡಿಯೋ ಅನ್ನು ಫೇಸ್ಬುಕ್ಕಿನಲ್ಲಿ ಕಳಲೆ ಪುರುಷೋತ್ತಮ ಎನ್ನುವವರು ಹಂಚಿಕೊಂಡಿದ್ದಾರೆ. ಏನಿದು ವಿಚಿತ್ರ? ಇದೇನು ನಿಜವೋ ನಾಟಕವೋ ಕಣ್ಕಟ್ಟೋ? ಮಹಿಳೆಯರು ಸಾರ್ವಜನಿಕವಾಗಿ ಸೇರಿ ಅದೂ ದೇವಸ್ಥಾನದ ಎದುರು ಸಿಗರೇಟು ಸೇದುತ್ತಿರುವುದು ಮೀರುವಿಕೆಯ ಘೋಷಣೆಯೋ, ಸಮಾನತೆಯ ಸಾರುವಿಕೆಯೋ? ಯಾರದೋ ರಾಜಕೀಯ ತಂತ್ರವೋ, ಲೈಕುಗಳಿಗಾಗಿ ಮಾಡಿದ ಬರಿಯ ಗಿಮಿಕ್ಕೋ? ನಿಮಗೇನೆನ್ನಿಸುತ್ತದೆ?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 4:08 pm, Sat, 1 July 23
