Viral Video: ಸಪ್ತ ಸಾಗರದಾಚೆ ಎಲ್ಲೋ; ಅಮ್ಮ ಮಗನ ಮಲ್ಟಿಲಿಂಗ್ವಲ್ ಮ್ಯಾಷಪ್
Mashup: ತಮಿಳಿನ ಈ ಅಮ್ಮ ಮಗ ಮಲ್ಟಿಲಿಂಗ್ವಲ್ ಮ್ಯಾಷಪ್ನಿಂದ ಸಾಮಾಜಿಕ ಜಾಲತಾಣದಲ್ಲಿ ಪ್ರಚಲಿತರು. ಇದೀಗ ಅವರ ಹೊಸ ವಿಡಿಯೋ ವೈರಲ್ ಆಗುತ್ತಿದೆ. ಐದು ಭಾಷೆಗಳ ಸಿನೆಮಾ ಗೀತೆಗಳ ತುಣುಕುಗಳನ್ನು ಅವರು ಪ್ರಸ್ತುತಪಡಿಸಿದ್ದು ಅವುಗಳಲ್ಲಿ ಸಪ್ತ ಸಾಗರದಾಚೆ ಎಲ್ಲೋ ಹಾಡು ಕೂಡ ಸೇರಿದೆ. ಕನ್ನಡದ ಸಿನಿಪ್ರಿಯರು ಈ ವಿಡಿಯೋದಡಿ ಅತ್ಯಂತ ಹರ್ಷದಿಂದ ಪ್ರತಿಕ್ರಿಯಿಸಿ ಅಮ್ಮನ ಧ್ವನಿಯನ್ನು ಶ್ಲಾಘಿಸಿದ್ದಾರೆ.
Music: ತಮಿಳಿನ ಸನತ್ ಶ್ರೀ ಕೃಷ್ಣನ್ ತನ್ನ ತಾಯಿಯೊಂದಿಗೆ ಮಲ್ಟಿಲಿಂಗ್ವಲ್ ಮ್ಯಾಷಪ್ (Multilingual Mashup) ಮಾಡುವುದರ ಮೂಲಕ ಸಾಮಾಜಿಕ ಜಾಲತಾಣದಲ್ಲಿ ಪ್ರಸಿದ್ಧಿ ಪಡೆದಿದ್ದಾರೆ. ಇದೀಗ ಮತ್ತೊಂದು ಹೊಸ ಮ್ಯಾಷಪ್ನೊಂದಿಗೆ ಅವರು ಸುದ್ದಿಯಲ್ಲಿದ್ದಾರೆ. ಐದು ಭಾಷೆಗಳ ಐದು ಹಾಡುಗಳನ್ನು ತನ್ನ ತಾಯಿಯೊಂದಿಗೆ ಹಾಡಿದ್ದಾರೆ. ಹೇಶಮ್ ಅಬ್ದುಲ್ ವಹಾಬ್, ಎ ಆರ್ ರೆಹಮಾನ್, ಇಳಯರಾಜಾ, ಚರಣ ರಾಜ್, ಹ್ಯಾರೀಸ್ ಜಯರಾಜ್ ಸಂಗೀತ ಸಂಯೋಜನೆಯಲ್ಲಿ ಮೂಡಿಬಂದ ತಮಿಳು, ಕನ್ನಡ, ಮಲಯಾಳಂ, ಹಿಂದಿ ಮತ್ತು ತೆಲುಗು ಭಾಷೆಯ ಚಿತ್ರಗೀತೆಗಳ ತುಣುಕುಗಳನ್ನು ಪ್ರಸ್ತುತಪಡಿಸಿದ್ದಾರೆ.
ಇದನ್ನೂ ಓದಿ : Viral Video: ರೂ 6 ಕೋಟಿಯನ್ನು ಬ್ಯಾಂಕ್ ಸಿಬ್ಬಂದಿಗೆ ಕೈಯ್ಯಾರೆ ಎಣಿಸಲು ಹೇಳಿದ ಚೀನೀ ಮಿಲೆನಿಯರ್
ಅಕ್ಟೋಬರ್ 17ರಂದು ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ ಈ ವಿಡಿಯೋವನ್ನು 10 ಮಿಲಿಯನ್ಗಿಂತಲೂ ಹೆಚ್ಚು ಜನರು ನೋಡಿದ್ದಾರೆ. 5.8 ಲಕ್ಷ ಜನರು ಲೈಕ್ ಮಾಡಿದ್ದಾರೆ. ಸಾವಿರಾರು ಜನರು ಪ್ರತಿಕ್ರಿಯಿಸಿ ಅವರವರ ಭಾಷೆಯ ಹಾಡುಗಳಿಗೆ ಮೆಚ್ಚುಗೆ ಸೂಚಿಸಿದ್ದಾರೆ. ಕನ್ನಡದಲ್ಲಿ ಸಪ್ತ ಸಾಗರದಾಚೆ ಎಲ್ಲೋ ಹಾಡನ್ನು ಹಾಡಿದ್ದು, ಅನೇಕ ಕನ್ನಡಿಗರು ಮೆಚ್ಚುಗೆಯನ್ನು ಸೂಚಿಸಿದ್ದಾರೆ.
ಅಮ್ಮ ಮಗನ ಮಲ್ಟಿಲಿಂಗ್ವಲ್ ಮ್ಯಾಷಪ್ ಇಲ್ಲಿದೆ
ಅಮ್ಮನ ಧ್ವನಿ ತುಂಬಾ ಚೆನ್ನಾಗಿದೆ. ಅಮ್ಮಾ ಫ್ಯಾನ್ಸ್ ಲೈಕ್ ಬಟನ್ ಪ್ಲೀಸ್… ಎಂದು ಹೇಳುತ್ತಿದ್ದಾರೆ ಅನೇಕರು. ನಮ್ಮ ಕನ್ನಡ ಸೂಪರ್, ಕನ್ನಡದ ಹಾಡು ಬಹಳ ಚೆಂದ, ಕರ್ನಾಟಕದಿಂದ ನಿಮಗೆ ತುಂಬು ಪ್ರೀತಿ… ಅಂತೆಲ್ಲ ಬಹುಪಾಲು ಜನರು ಈ ಪೋಸ್ಟ್ಗೆ ಪ್ರತಿಕ್ರಿಯಿಸಿದ್ದಾರೆ. ಅದೇ ರೀತಿ ಮಲಯಾಳ, ತಮಿಳು ಅಭಿಮಾನಿಗಳೂ ಪ್ರತಿಕ್ರಿಯಿಸಿದ್ದಾರೆ.
ಇದನ್ನೂ ಓದಿ : Viral Video: ಚಿಕಿತ್ಸೆಯಿಲ್ಲದ ಅಪರೂಪದ ಕಾಯಿಲೆಗಳಿಗೆ ಜಗ್ಗದೇ ಬದುಕುತ್ತಿರುವ ನಿಶಾ
ಕರ್ನಾಟಕದವನಾದ ನಾನು ನಿಮ್ಮೆಲ್ಲ ರೀಲ್ಗಳನ್ನು ನೋಡುತ್ತೇನೆ, ಬಹಳ ಚೆನ್ನಾಗಿ ಪ್ರಸ್ತುತಪಡಿಸುತ್ತೀರಿ, ನಾನು ನಿಮ್ಮ ಅಭಿಮಾನಿ ಎಂದಿದ್ದಾರೆ ಒಬ್ಬರು. ಯಾವ ಭಾಷೆಯ ಹಾಡನ್ನು ನಿಮ್ಮ ತಾಯಿ ಹಾಡಿದರೂ ಅದಕ್ಕೆ ವಿಶೇಷ ಸ್ಪರ್ಶವಿರುತ್ತದೆ ಎಂದಿದ್ದಾರೆ ಇನ್ನೊಬ್ಬರು. ನಿಮ್ಮ ಅಮ್ಮನಿಗೆ ಇನ್ನೂ ಹೆಚ್ಚಿನ ಅವಕಾಶಗಳು ದೊರೆಯಬೇಕು ಎಂದಿದ್ದಾರೆ ಅನೇಕರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ