Viral: ಪಿವಿಆರ್ ಪಾಪ್ಕಾರ್ನ್ ಬೆಲೆಯೂ ಅಮೇಝಾನ್ ತ್ರೈಮಾಸಿಕ ಚಂದಾ ಬೆಲೆಯೂ ಒಂದೇ
PVR : ''ಪಿವಿಆರ್ನಲ್ಲಿ ಒಂದು ಸಿನೆಮಾ ನೋಡಲು ಹೋಗಿ ಸಾವಿರಾರು ರೂಪಾಯಿ ಖರ್ಚು ಮಾಡುವುದಕ್ಕಿಂತ ಮನೆಯಲ್ಲಿಯೇ ಕುಳಿತು ಅಮೇಝಾನ್ ಪ್ರೈಮ್ ವಿಡಿಯೋದಲ್ಲಿ ವರ್ಷವಿಡೀ ಸಿನೆಮಾ ನೋಡುವುದೇ ಒಳ್ಳೆಯದು!''
Noida : ನೋಯ್ಡಾದ ಪಿವಿಆರ್ (PVR) ಬಿಲ್ ಇದೀಗ ವೈರಲ್ ಆಗುತ್ತಿದೆ. ತ್ರಿದೀಪ್ ಕೆ. ಮಂಡಲ್ ಎನ್ನುವವರು ತಮ್ಮ ಕುಟುಂಬದೊಂದಿಗೆ ಡಿಎಲ್ಎಫ್ ಮಾಲ್ ಆಫ್ ಇಂಡಿಯಾದಲ್ಲಿರುವ (DLF Mall of India) ಪಿವಿಆರ್ಗೆ ಸಿನೆಮಾ ನೋಡಲು ಹೋದಾಗ ಪಾಪ್ಕಾರ್ನ್ (Popcorn) ಎಂಬ ಹೂವಿನಷ್ಟು ಹಗೂರವಾದ ತಿನಿಸು ತಮಗೆ ಹೇಗೆ ಭಾರವೆನ್ನಿಸಿತು ಎನ್ನುವುದನ್ನು ಬಿಲ್ ಸಮೇತ ಟ್ವೀಟ್ ಮಾಡಿದ್ದಾರೆ. ಅಷ್ಟೇ ಅಲ್ಲ, ಕುಟುಂಬದೊಂದಿಗೆ ಪಿವಿಆರ್ಗೆ ಹೋಗಿ ಸಿನೆಮಾ ನೋಡುವುದು ಈಗಿನ ದಿನಮಾನಗಳಲ್ಲಿ ಅಷ್ಟು ಸರಳವಲ್ಲ ಎಂದೂ ಹೇಳಿದ್ದಾರೆ. ಈ ಟ್ವೀಟ್ಗೆ ನೆಟ್ಟಿಗರು ಅಹುದಹುದೆಂದು ತಲೆ ಅಲ್ಲಾಡಿಸುತ್ತಿದ್ದಾರೆ. ತಮ್ಮ ಅನುಭವಗಳನ್ನೂ ಹಂಚಿಕೊಳ್ಳುತ್ತಿದ್ದಾರೆ.
ಕೊವಿಡ್ ಸಮಯದಲ್ಲಿ ಸಿನೆಮಾ ಮಂದಿರಗಳು ನಷ್ಟವನ್ನು ಅನುಭವಿಸಿದವು. ಲಾಕ್ಡೌನ್ ಪರಿಣಾಮವಾಗಿ ಜನರು OTT ಪ್ಲ್ಯಾಟ್ಫಾರ್ಮ್ಗಳಿಗೆ ಅಂಟಿಕೊಂಡರು. ಈಗಲೂ ಒಟಿಟಿಯನ್ನೇ ಜನರು ಹೆಚ್ಚು ಆಶ್ರಯಿಸಿರುವುದರಿಂದ ಪಿವಿಆರ್ ಸಿನೆಮಾ ಮಂದಿರಗಳು ಹೆಚ್ಚಿನ ಪಾಲು ಖಾಲಿಯಾಗಿಯೇ ಇರುತ್ತವೆ. ಈ ಹಿನ್ನೆಲೆಯಲ್ಲಿ ಅಲ್ಲಿಯ ತಿಂಡಿತಿನಿಸುಗಳ ಬೆಲೆಯಲ್ಲಿ ಏರಿಕೆಯಾಗಿದೆ. ಇದಕ್ಕೆ ಸಾಕ್ಷಿ ಈ ವೈರಲ್ ಪೋಸ್ಟ್.
ಇದನ್ನೂ ಓದಿ : Viral Video: ಜಿಯಾ ಜಲೇ ಜಾನ್ ಜಲೇ; ಹಾರ್ಮೋನಿಯಂನಲ್ಲಿ ದಿಲ್ಸೇ ಹಾಡು
ತ್ರಿದೀಪ್ ಮಂಡಲ್ ವೃತ್ತಿಯಲ್ಲಿ ಪತ್ರಕರ್ತರು. ಅವರು ರೆಗ್ಯುಲರ್ ಸೈಝ್ ಚೀಸ್ ಪಾಪ್ಕಾರ್ನ್ (Chees Popcorn) ಮತ್ತು ಅದೇ ಸೈಝಿನ ಪೆಪ್ಸಿಯನ್ನು (Pepsi) ಖರೀದಿಸಿದರು. ಆದರೆ ಬಿಲ್ ಪಾವತಿಸುವಾಗ ಅವರ ಎದೆ ಢವಗುಟ್ಟಿತು. ಏಕೆಂದರೆ 55 ಗ್ರಾಂ ಚೀಸ್ ಪಾಪ್ ಕಾರ್ನ್ ಬೆಲೆ ರೂ. 460. 600 ಮಿ.ಲೀ ಪೆಪ್ಸಿಗೆ ರೂ. 360! ಆನಂತರ ಸುಧಾರಿಸಿಕೊಂಡು ಬಿಲ್ ಅನ್ನು ಟ್ವೀಟ್ ಮಾಡಿದರು.
ಇದನ್ನೂ ಓದಿ : Viral Video: ಆಧುನಿಕ ಶ್ರವಣಕುಮಾರ; ತಾಯಿ ಮತ್ತು ಗಂಗಾಜಲ ಹೊತ್ತೊಯ್ದ ಯುವಕ
ಅಂದರೆ ಅಮೇಝಾನ್ ಪ್ರೈಮ್ ವಿಡಿಯೋದ (Amazon Prime Video) ತ್ರೈಮಾಸಿಕ ಚಂದಾಹಣ ಈ ತಿನಿಸು ಮತ್ತು ಪೇಯದ ಮೊತ್ತಕ್ಕೆ ಸಮ! ಹೀಗಿರುವಾಗ ಮುಂದಿನ ದಿನಮಾನಗಳಲ್ಲಿ ಜನರು ಪಿವಿಆರ್ ಗೆ ಸಿನೆಮಾ ನೋಡಲು ಹೋಗಬಹುದೆ? ನೆಟ್ಟಿಗರಂತೂ ನಾ ಒಲ್ಲೆ ನೀ ಒಲ್ಲೆ ಎನ್ನುತ್ತಿದ್ದಾರೆ. ನೀವು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 4:32 pm, Wed, 5 July 23