ಚಿರತೆ ಜತೆ ವಾಕಿಂಗ್​ ಹೋದ ತೆಲಂಗಾಣ ರಾಜಕಾರಣಿ! ವಿಡಿಯೋ ವೈರಲ್

ಶ್ವಾನಗಳನ್ನು ವಾಕಿಂಗ್​ಗೆ ಕರೆದುಕೊಂಡು ಹೋಗೋದು ಕಾಮನ್​. ಆದರೆ, ಎಲ್ಲಾದರೂ ಚಿರತೆಯನ್ನು ಕರೆದುಕೊಂಡು ವಾಕಿಂಗ್​ ಹೋಗಿದ್ದನ್ನು ನೀವು ನೋಡಿದ್ದೀರಾ? ತೆಲಂಗಾಣ ಟಿಆರ್​ಎಸ್ ನಾಯಕನೋರ್ವ ಚಿರತೆ ಜತೆ ನಡೆದು ಹೋಗಿರುವ ವಿಡಿಯೋ ಒಂದು ಈಗ ಸಾಕಷ್ಟು ವೈರಲ್​ ಆಗಿದೆ.

ತೆಲಂಗಾಣದ ನಾಗಾರ್ಜುನ ಸಾಗರ್​ ಉಪಚುನಾವಣೆಯಲ್ಲಿ ಟಿಆರ್​​ಎಸ್​ ಅಭ್ಯರ್ಥಿಯಾಗಿ ನೋಮುಲಾ ಭಗತ್ ಕುಮಾರ್ ಸ್ಪರ್ಧಿಸಿದ್ದಾರೆ. ಇವರು ಚಿರತೆ ಜತೆ ನಡೆದು ಹೋಗುತ್ತಿರುವ ವಿಡಿಯೋ ಒಂದು ಈಗ ವೈರಲ್​ ಆಗಿದೆ. ಶ್ವಾನವನ್ನು ನಡೆಸಿಕೊಂಡು ಹೋದಂತೆ ನೋಮುಲಾ ಭಗತ್ ಕುಮಾರ್ ಚಿರತೆಯನ್ನು ಕರೆದುಕೊಂಡು ಹೋಗಿರುವುದು ಅನೇಕರಲ್ಲಿ ಅಚ್ಚರಿ ಮೂಡಿಸಿದೆ.

ದೀರ್ಘಕಾಲದವರೆಗೆ ಕಮ್ಯುನಿಸ್ಟ್ ಪಕ್ಷದ ನಾಯಕರಾಗಿದ್ದ ನೋಮುಲಾ ನರಸಿಂಹಯ್ಯ ತೆಲಂಗಾಣ ರಾಜ್ಯ ರಚನೆಯ ನಂತರ ಟಿಆರ್​ಎಸ್ ಪಕ್ಷಕ್ಕೆ ಸೇರಿಕೊಂಡರು. 2018 ರ ವಿಧಾನಸಭಾ ಚುನಾವಣೆಯಲ್ಲಿ ಅವರು ನಾಗಾರ್ಜುನ ಸಾಗರ್​​ನಿಂದ ಗೆದ್ದಿದ್ದರು. ಆದರೆ, ಅವರು ಮೃತಪಟ್ಟಿದ್ದರಿಂದ ಇಲ್ಲಿಗೆ ಉಪಚುನಾವಣೆ ನಡೆಯುತ್ತಿದೆ.

ನೋಮುಲಾ ನರಸಿಂಹಯ್ಯ ಪುತ್ರ ಭಗತ್ ಕುಮಾರ್ ಟಿಆರ್​ಎಸ್​ ಅಭ್ಯರ್ಥಿಯಾಗಿ ನಾಗಾರ್ಜುನ್​ ಸಾಗರ್​ ಅಖಾಡಕ್ಕೆ ಇಳಿದಿದ್ದಾರೆ. ಇವರು ಚುನಾವಣಾ ಪ್ರಚಾರ ಮಾಡುತ್ತಿದ್ದು, ಭಗತ್ ಹಳೆಯ ವಿಡಿಯೋ ವೈರಲ್ ಆಗಿದೆ. ಚಿರತೆಯೊಂದಿಗೆ ಭಗತ್ ನಡೆದುಕೊಂಡು ಬರುತ್ತಿರುವ ವಿಡಿಯೋವನ್ನು ನಿರ್ದೇಶಕ ರಾಮ್​ ಗೋಪಾಲ್​ ವರ್ಮಾ ಹಂಚಿಕೊಂಡಿದ್ದಾರೆ.

ಕೆಸಿಆರ್ ಹುಲಿ ಮತ್ತು ಕೆಟಿಆರ್ ಸಿಂಹ ಎಂದು ನಮಗೆ ಗೊತ್ತು. ಆದರೆ, ನೋಮುಲಾ ಭಗತ್ ಚಿರತೆಯನ್ನು ವಾಕ್ ಕರೆದೊಯ್ಯುತ್ತಿರುವ ವಿಡಿಯೋ ನನಗೆ ತುಂಬಾ ಇಷ್ಟವಾಯಿತು. ನಾಗಾರ್ಜುನ ಸಾಗರ್ ಉಪ ಚುನಾವಣೆಯಲ್ಲಿ ನನಗೆ ಮತ ಚಲಾಯಿಸಲು ಅವಕಾಶವಿದ್ದರೆ, ನಾನು ಅವರಿಗೆ ಮತ ಹಾಕುತ್ತಿದ್ದೆ ಎಂದು ಬರೆದಯಕೊಂಡಿದ್ದಾರೆ.

VAAMMO we know #KCR and @KTRTRS are TIGER and LION but I love this candidate @BagathNomula who is taking a CHEETAH for a walk ..If I had a VOTE I will vote for this REAL HERO on 17th by-election of Nagarjuna Sagar pic.twitter.com/sYETa51Zq0

— Ram Gopal Varma (@RGVzoomin) April 2, 2021

5 ವರ್ಷದ ಹಳೆಯ ವಿಡಿಯೋ .. ಚಿರತೆಯೊಂದಿಗೆ ನೋಮುಲಾ ಭಗತ್ ನಡೆದಿದ್ದು ನಿಜ ಎಂದು ಅವರ ಆಪ್ತರು ಹೇಳಿದ್ದಾರೆ. ಮೂಲಗಳ ಪ್ರಕಾರ, ಭಗತ್ ಐದು ವರ್ಷಗಳ ಹಿಂದೆ ದಕ್ಷಿಣ ಆಫ್ರಿಕಾದ ಪ್ರವಾಸಕ್ಕೆ ಹೋಗಿದ್ದರು. ಅಲ್ಲಿ ಅವರು ಸಫಾರಿಗೆ ಹೋಗಿದ್ದಾಗ ಚಿರತೆ ಜತೆ ನಡೆದಿದ್ದರು ಎನ್ನಲಾಗಿದೆ.

The candidate @BagathNomula says “VOTE FOR US, that is ME and TRS —WE WILL ROAR in NAGARJUNA SAGAR byelection and no other party can DAM us” —and me saying Not in world history I saw a candidate campaigning with a chained CHEETAH ???? Hats off to #KCR and ⁦@KTRTRS⁩ pic.twitter.com/d9Tpu8ebMa

— Ram Gopal Varma (@RGVzoomin) April 2, 2021

ಚುನಾವಣಾ ಅಖಾಡ.. ತೆಲಂಗಾಣದ ನಲ್ಲಗೊಂಡ ಜಿಲ್ಲೆ ನಾಗಾರ್ಜುನ ಉಪಚುನಾವಣೆಗೆ ಒಟ್ಟು 77 ಅಭ್ಯರ್ಥಿಗಳು ನಾಮಪತ್ರ ಸಲ್ಲಿಸಿದ್ದರು. ವಿವಿಧ ಕಾರಣಗಳಿಗಾಗಿ 17 ನಾಮಪತ್ರಗಳನ್ನು ತಿರಸ್ಕರಿಸಲಾಗಿದೆ. ಮೂರು ಅಭ್ಯರ್ಥಿಗಳು ಶುಕ್ರವಾರ ಚುನಾವಣಾ ಕಣದಿಂದ ಹಿಂದೆ ಸರಿದಿದ್ದಾರೆ. ಇದರೊಂದಿಗೆ ಪ್ರಸ್ತುತ 57 ಜನರು ಕಣದಲ್ಲಿದ್ದಾರೆ.

ಇದನ್ನೂ ಓದಿ: ಹಾವೇರಿ ಜನತೆಗೆ ಚಿರತೆ ಭೀತಿ; ಸೆರೆ ಹಿಡಿಯಲು ಬೋನ್ ಇಟ್ಟಿರುವ ಅರಣ್ಯ ಇಲಾಖೆ