Spending Hubby Money is Hobby: ಅಬ್ಬಾ ಇಂಥಾ ಹೆಂಡತಿಯಿದ್ದರೆ ಇಡೀ ಆಸ್ತಿ ಮಾರಬೇಕಾಗುತ್ತೆ ಅಷ್ಟೇಯಾ! ಒಂದೇ ದಿನದಲ್ಲಿ 73 ಲಕ್ಷ ರೂ ಶಾಪಿಂಗ್ ಮಾಡಿದ ಮಡದಿ!
‘ನನ್ನ ಪತಿಯ ಮನಸ್ಥಿತಿಗೆ ಅನುಗುಣವಾಗಿ ನಾನು ದಿನಕ್ಕೆ 73 ಲಕ್ಷ ರೂ. ವರೆಗೆ ಶಾಪಿಂಗ್ ಮಾಡುತ್ತೇವೆ ಎಂದ ದುಬೈನ ಸಾದಿಯಾ
Updated on:May 29, 2023 | 2:14 PM
‘ಹೆಂಡತಿ ಜೊತೆ ಶಾಪಿಂಗ್ ಹೋಗುವುದಕ್ಕಿಂತ ಬುದ್ದಿಹೀನ ಕೆಲಸ ಮತ್ತೊಂದಿಲ್ಲ’.. ಇದು ಅನೇಕ ಗಂಡಂದಿರ ಸಾಮಾನ್ಯ ಮಾತು. ಏಕೆಂದರೆ ಆ ಸಮಯದಲ್ಲಿ ಹಣವು ನೀರಿನಂತೆ ಖರ್ಚಾಗುತ್ತದೆ. ಸಾಮಾನ್ಯವಾಗಿ ಮಹಿಳೆಯರು ಶಾಪಿಂಗ್ ಮಾಡಲು ಇಷ್ಟಪಡುತ್ತಾರೆ. ಕಂಡದ್ದನ್ನೆಲ್ಲ ಕೊಂಡುಕೊಳ್ಳುತ್ತಾರೆ. ಅದಕ್ಕೇ ಗಂಡಂದಿರು ಹೆಂಡತಿಯ ಜೊತೆ ಶಾಪಿಂಗ್ ಮಾಡಲು ಹೆದರುತ್ತಾರೆ! ಆದರೆ ಇಲ್ಲಿ ನಾವು ಒಬ್ಬ ಮಹಿಳೆಯ ಶಾಪಿಂಗ್ ಬಗ್ಗೆ ಹೇಳುತ್ತೇವೆ ಕೇಳಿ. ಆಕೆ ದಿನಕ್ಕೆ ಎಷ್ಟು ಶಾಪಿಂಗ್ ಮಾಡಿದ್ದಾಳೆ ಅಂತ ಗೊತ್ತಾದ್ರೆ.. ನೀವು ಶಾಕ್ ಆಗೋದು ಗ್ಯಾರಂಟಿ.
ದುಬೈನ ಸಾದಿಯಾ ಎಂಬುವವರು, ಸೌದಿ ಅರೇಬಿಯಾದ ಜಮಾಲ್ ಎಂಬ ವ್ಯಕ್ತಿಯನ್ನು ವಿವಾಹವಾದರು. ಅವರಿಬ್ಬರೂ ದುಬೈ ಯೂನಿವರ್ಸಿಟಿಯಲ್ಲಿ ಮೊದಲ ಬಾರಿಗೆ ಭೇಟಿಯಾಗಿದ್ದರು. ನಂತರ ಅದು ಸ್ವಲ್ಪ ಪ್ರೀತಿಗೆ ತಿರುಗಿತು. ಎರಡು ವರ್ಷಗಳ ನಂತರ, ಇಬ್ಬರೂ ಮೂರುಗಂಟಿನ ಬಂಧದಲ್ಲಿ ಬಿಗಿಯಾದರು. ಜಮಾಲ್ ಬಹಳ ಶ್ರೀಮಂತ ವ್ಯಕ್ತಿ. ಹಾಗಾಗಿ, ಮದುವೆಯ ನಂತರ ಸಾದಿಯಾ ಬಯಸಿದ್ದನ್ನೆಲ್ಲ ಪಡೆಯುತ್ತಾಳೆ. ತಮ್ಮ ಐಷಾರಾಮಿ ಜೀವನವನ್ನು ಅವರು ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ನೆಟಿಜನ್‌ ಫ್ರೆಂಡ್ಸ್ ಜೊತೆ ಹಂಚಿಕೊಂಡಿದ್ದಾರೆ.
Millionaire Housewife: Woman Does Shopping Worth Rs 73 Lakh In A Day, Says ‘Spending Husband’s Money Is Hobby’.https://t.co/HUBcYgXu5a
— TIMES NOW (@TimesNow) May 26, 2023
‘‘ನನ್ನ ಪತಿಯ ಮನಸ್ಥಿತಿಗೆ ಅನುಗುಣವಾಗಿ ನಾನು ದಿನಕ್ಕೆ 73 ಲಕ್ಷ ರೂ. ವರೆಗೆ ಶಾಪಿಂಗ್ ಮಾಡುತ್ತೇವೆ. ನಮ್ಮಿಬ್ಬರ ನೆಚ್ಚಿನ ತಾಣ ಮಾಲ್ಡೀವ್ಸ್. ನಾವು ಲಂಡನ್‌ನಲ್ಲಿದ್ದರೆ, ನಾವು ಆಗಾಗ್ಗೆ ಅಲ್ಲಿಗೆ ಹೋಗುತ್ತೇವೆ. ಇದೀಗಗತಾನೆ ಸಿಷೆಲ್ಸ್ ಪ್ರವಾಸದಿಂದ ಹಿಂತಿರುಗಿದ್ದೆ. ಮುಂದಿನ ಪ್ರವಾಸ ಜಪಾನ್. ನನ್ನ ಪತಿ ನನಗೆ ಪ್ರತಿದಿನ ಕಾರ್ಡ್‌ಗಳ ಉಡುಗೊರೆಯನ್ನು ತರುತ್ತಾನೆ. ಅವರು ಇತ್ತೀಚೆಗೆ ಎರಡು ದುಬಾರಿ ಕಾರುಗಳನ್ನು ಖರೀದಿಸಿದ್ದಾರೆ. ಹೊರಗಡೆ ರೆಸ್ಟೋರೆಂಟ್ ಗೆ ಹೋದರೆ.. ರೂ. 1.10 ಲಕ್ಷ ಖರ್ಚಾಗುತ್ತದೆ’ ಎಂದು ಸಾದಿಯಾ ತನ್ನ ಜೀವನದ ಬಗ್ಗೆ ಹೇಳಿಕೊಂಡಿದ್ದಾರೆ. ಕೊನೆಗೆ ‘ನಾನು ಶ್ರೀಮಂತ ದುಬೈ ಗೃಹಿಣಿ, ಗಂಡನ ಸಂಪಾದನೆ ಖರ್ಚು ಮಾಡುವುದು ನನ್ನ ಹವ್ಯಾಸ’ ಎಂದು ಬರೆದುಕೊಂಡಿದ್ದಾಳೆ. ಈ ನಡುವೆ ನೆಟ್ಟಿಗರು ತಮ್ಮದೇ ಶೈಲಿಯಲ್ಲಿ ಕಾಮೆಂಟ್ ಮಾಡುತ್ತಿದ್ದಾರೆ.
ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 2:12 pm, Mon, 29 May 23
