Pre wedding shoot: ಪ್ರೀ ವೆಡ್ಡಿಂಗ್ ಶೂಟ್ ವೇಳೆ ಶಾಕ್ ಕೊಟ್ಟ ಕ್ಯಾಮರಾಮನ್, ನಾಚಿಕೆಯಿಂದ ತಲೆ ತಗ್ಗಿಸಿದ ವಧು! ವಿಡಿಯೋ ವೈರಲ್ ಆಯ್ತು
ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿರುವ ಈ ವಿಡಿಯೋದಲ್ಲಿ ವಧು-ವರರು ನದಿಯ ದಡದಲ್ಲಿರುವ ಸುಂದರ ಸ್ಥಳದಲ್ಲಿ ಫೋಟೋ ಶೂಟ್ ಮಾಡಲು ಸಜ್ಜಾಗಿ ನಿಂತಿದ್ದಾರೆ.
Updated on: May 10, 2023 | 9:46 AM
ಇದೀಗ ಎಲ್ಲೆಡೆ ಮದುವೆ ಸೀಸನ್ ನಡೆಯುತ್ತಿದೆ. ಮದುವೆಗೂ ಮುನ್ನ ವಧು-ವರ ಪ್ರೀ ವೆಡ್ಡಿಂಗ್ ಶೂಟ್ ಮತ್ತು ಪೋಸ್ಟ್ ವೆಡ್ಡಿಂಗ್ ಶೂಟ್ (Pre wedding photoshoot) ಮಾಡುವುದು ಟ್ರೆಂಡಿಂಗ್ ಆಗಿದೆ. ಇದಕ್ಕಾಗಿ ಮೊದಲು ಎರಡೂ ಕುಟುಂಬಗಳ ಒಪ್ಪಿಗೆ ಪಡೆದು ಉತ್ತಮ ಸ್ಥಳವನ್ನು ಆಯ್ಕೆ ಮಾಡಲಾಗುತ್ತದೆ. ಅವರು ಸುಂದರವಾದ ಫೋಟೋಗಳು ಮತ್ತು ವೀಡಿಯೊಗಳನ್ನು ಆಕರ್ಷಕವಾದ ಕೋನಗಳೊಂದಿಗೆ ಉತ್ತಮ ಸ್ಥಳಗಳಲ್ಲಿ ಶೂಟ್ ಮಾಡುತ್ತಾರೆ. ಆದರೆ, ಫೋಟೋ ಶೂಟ್‌ನಲ್ಲಿ ಕ್ಯಾಮೆರಾಮನ್ ವಧು-ವರರನ್ನು (bride bridegroom) ವಿವಿಧ ಭಂಗಿಗಳಲ್ಲಿ ಫೋಟೋಗೆ ಪೋಸ್ ನೀಡುವಂತೆ ಕೇಳುತ್ತಾರೆ. ಕೆಲವು ಸಂದರ್ಭಗಳಲ್ಲಿ ಅವರೇ ಹೀಗೆ ಹೀಗೆ ಮಾಡಬೇಕು ಎಂದು ಸೂಚಿಸುತ್ತಾರೆ. ತಾಜಾ ಪ್ರಕರಣದಲ್ಲಿ ಇಬ್ಬರು ಕ್ಯಾಮರಾಮನ್ (cameraman)ಗಳು ನೂತನ ವಧು-ವರರಿಗೆ ದೃಶ್ಯವನ್ನು ವಿವರಿಸುತ್ತಿರುವ ಪ್ರೇಮ ದೃಶ್ಯ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಗೆ ಗ್ರಾಸವಾಗಿದೆ. ಇವರ ಕೆಲಸ ನೋಡಿ ವಧುವರರು ನಿಜಕ್ಕೂ ಬೆಚ್ಚಿಬಿದ್ದರು. ಈ ವಿಡಿಯೋ ಪೋಸ್ಟ್ ಆದ ಕೂಡಲೇ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿ (viral video) ಹರಿದಾಡುತ್ತಿದೆ.
View this post on Instagram
ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿರುವ ಈ ವಿಡಿಯೋದಲ್ಲಿ ವಧು-ವರರು ನದಿಯ ದಡದಲ್ಲಿರುವ ಸುಂದರ ಸ್ಥಳದಲ್ಲಿ ಫೋಟೋ ಶೂಟ್ ಮಾಡಲು ಸಜ್ಜಾಗಿ ನಿಂತಿದ್ದಾರೆ. ವಧು ನೀಲಿ ಬಣ್ಣದ ಗೌನ್ ಧರಿಸಿದ್ದಾರೆ. ವರ ಕಪ್ಪು ಪ್ಯಾಂಟ್ ಮತ್ತು ಬಿಳಿ ಶರ್ಟ್ ಧರಿಸಿದ್ದಾರೆ. ಅವರು ಕ್ಯಾಮರಾಮನ್ ಜೊತೆ ಪೋಸ್ ಕೊಡುವುದನ್ನು ವೀಡಿಯೋದಲ್ಲಿ ನಾವು ನೋಡಬಹುದು. ಅವರ ಬಳಿ ಇಬ್ಬರು ಕ್ಯಾಮೆರಾಮನ್‌ಗಳು ಕಾಣಿಸಿಕೊಂಡಿದ್ದಾರೆ.
Also Read: ಪ್ರೀ ವೆಡ್ಡಿಂಗ್ ಫೋಟೋ ಶೂಟ್ ಕ್ರಿಯೇಟಿವ್ ಆಗಿ ಮಾಡಿಸಲು ಟಿಪ್ಸ್ ಇಲ್ಲಿದೆ
ಮುಂದಿನ ದೃಶ್ಯದಲ್ಲಿ ಕ್ಯಾಮೆರಾಮನ್‌ಗಳು ಯಾವ ದೃಶ್ಯವನ್ನು ಚಿತ್ರೀಕರಿಸಬೇಕೆಂದು ತೋರಿಸುತ್ತಾರೆ. ಅದೊಂದು ತುಂಟ ದೃಶ್ಯವಾಗಿದೆ. ಅದನ್ನು ನೋಡಿದ ವಧು-ವರರು ನಿಜಕ್ಕೂ ಬೆಚ್ಚಿಬಿದ್ದಿದ್ದಾರೆ. ವಧುವಂತೂ ಸಾಕು ನಿಲ್ಲಿಸೋ ಮಾರಾಯ ಎಂದು ಹುಸಿಮುನಿಸು ತೋರಿಸುತ್ತಾರೆ. ಈ ವಿಡಿಯೋಗೆ ಸಾಮಾಜಿಕ ಜಾಲತಾಣಗಳಲ್ಲಿ ಜನ ವಿಭಿನ್ನವಾಗಿ ಪ್ರತಿಕ್ರಿಯಿಸುತ್ತಿದ್ದಾರೆ. ಈ ವೀಡಿಯೊವನ್ನು Instagram ಖಾತೆ videonation.teb ನಿಂದ ಅಪ್‌ಲೋಡ್ ಮಾಡಲಾಗಿದೆ. ವೀಡಿಯೊಗೆ 18.2 ಸಾವಿರ ವೀಕ್ಷಣೆಗಳು ಮತ್ತು ಸಾಕಷ್ಟು ಲೈಕ್ಗಳು ಬಂದಿವೆ.
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
