ಹೇ ಬೆಕ್ಕೇಶ್ವರಿ, ಮೊಬೈಲ್ ಟವರ್ ಏರುವಂಥ ಸೆಳೆತ ಅಲ್ಲೇನಿತ್ತು?
Cat Rescue : ಟವರ್ನ ತುತ್ತತುದಿಯಲ್ಲಿ ಕುಳಿತ ಬೆಕ್ಕನ್ನು ರಕ್ಷಿಸುವುದು ಈ ತಂಡಕ್ಕೆ ಸುಲಭವಾಗಿರಲಿಲ್ಲ. ಈ ವಿಡಿಯೋ ನೋಡಿ ಕಾರಣ ಗೊತ್ತಾಗುತ್ತದೆ.
Updated on:May 10, 2023 | 11:51 AM
Viral Video : ಮನುಷ್ಯರು ಕಟ್ಟಡಗಳನ್ನು, ಕಂಬಗಳನ್ನು, ಗೋಪುರಗಳನ್ನು, ಮರಗಳನ್ನು ಏರಿ ಪ್ರತಿಭಟನೆಗೆ ತೊಡಗಿರುವುದನ್ನು ನೋಡಿದ್ದೇವೆ. ಆದರೆ ಬೆಂಗಳೂರಿನಲ್ಲಿ ಬೆಕ್ಕೊಂದು ಮೊಬೈಲ್ ಗೋಪುರ ಏರಿ ಕುಳಿತಿದೆ. ಎಲ್ಲ ಬಿಟ್ಟು ಇದನ್ನು ಏರಿ ಕುಳಿತಿದ್ದು ಯಾಕೆ ಮತ್ತು ಹೇಗೆ? ಅದರಲ್ಲೂ ಇಷ್ಟೊಂದು ಯಂತ್ರ ಮತ್ತು ವಯರುಗಳ ಕೊಂಪೆಯೊಳಗೆ ನುಗ್ಗಿ ತುತ್ತತುದಿಗೆ ಕುಳಿತುಕೊಳ್ಳಬೇಕೆಂದರೆ! ಮುಂದೇನಾಯಿತು ಈ ವಿಡಿಯೋ ನೋಡಿ.
ಬೆಂಗಳೂರಿನ ಈ ಬೆಕ್ಕೊಂದು ಹೀಗೆ ಮೊಬೈಲ್ ಟವರ್ ಏರಿ ಕುಳಿತಾಗ ಏನು ಮಾಡಬೇಕೆಂದು ತೋಚದೆ ಮನೆಯವರು ಕಂಗಾಲಾಗಿದ್ದಾರೆ. ಹಕ್ಕಿ ಹಿಡಿಯಲು ಅಲ್ಲಿಗೆ ಹೋಯಿತೋ, ಅಥವಾ ಇನ್ನೇನು ಅದನ್ನು ಆಕರ್ಷಿಸಿತೋ. ಅಂತೂ ಚಾರ್ಲೀಸ್ ಅನಿಮಲ್ ರೆಸ್ಕ್ಯೂ ಸೆಂಟರ್ಗೆ ಕರೆ ಹೋಗುತ್ತಿದ್ದಂತೆ ಮೊಬೈಲ್ ಟವರ್ ಬಳಿ ಅವರ ತಂಡ ಬಂದಿಳಿದಿದೆ.
ಇದನ್ನೂ ಓದಿ : ಮೊಬೈಲ್ ವಶಪಡಿಸಿಕೊಂಡಿದ್ದಕ್ಕೆ ಶಿಕ್ಷಕರಿಗೆ ವಿದ್ಯಾರ್ಥಿನಿಯಿಂದ ಪೆಪ್ಪರ್ ಸ್ಪ್ರೇ; ವಿಡಿಯೋ ವೈರಲ್
ಟವರ್ನ ತುತ್ತತುದಿಯಲ್ಲಿ ಕುಳಿತ ಬೆಕ್ಕನ್ನು ರಕ್ಷಿಸುವುದು ಸುಲಭಸಾಧ್ಯವಾಗಿರಲಿಲ್ಲ. ಬೆಕ್ಕು ಗಾಬರಿಯಿಂದ ಕೆಳಕ್ಕೆ ನೆಗೆಯುವ ಸಾಧ್ಯತೆ ಇರುತ್ತದೆ. ತನ್ನೆಡೆ ಬರುತ್ತಿರುವ ಮನುಷ್ಯರು ತನ್ನನ್ನು ರಕ್ಷಿಸಲು ಬರುತ್ತಿದ್ದಾರೆ ಎಂದು ಅರ್ಥ ಮಾಡಿಕೊಳ್ಳುವಷ್ಟು ವ್ಯವಧಾನ ಹೆಚ್ಚಿನ ಪಾಲು ಪ್ರಾಣಿಗಳಿಗೆ ಇರಲಾರದು. ಆದರೆ ಈ ಪ್ರಕರಣದಲ್ಲಿ ಹಾಗಾಗದಂತೆ ತಂಡ ಎಚ್ಚರವಹಿಸಿದೆ.
ಇದನ್ನೂ ಓದಿ : ಲಿಪ್ಸ್ಟಿಕ್ ಓಕೆ ಬ್ಯಾಂಡ್ಏಡ್ಗೆಲ್ಲ ಏಕೆ? ನೆಟ್ಟಿಗರಲ್ಲಿ ಭಾರೀ ಚರ್ಚೆ
ಅತೀ ಸವಾಲಿನಿಂದ ಕೂಡಿದ ಈ ರಕ್ಷಣೆಯನ್ನು ತಂಡ ಅತ್ಯಂತ ಜಾಗರೂಕತೆಯಿಂದ ನಿರ್ವಹಿಸಿದೆ. ಜಾಳಿಗೆಯಲ್ಲಿ ಬೆಕ್ಕನ್ನು ಇಳಿಸಿಕೊಂಡ ನಂತರ ಬೆಕ್ಕನ್ನು ಮರಳಿ ಪೋಷಕರ ಮಡಿಲಿಗೆ ಸೇರಿಸಲಾಗಿದೆ. ಇನ್ಸ್ಟಾನಲ್ಲಿ ಹಂಚಿಕೊಂಡ ಈ ವಿಡಿಯೋ ಅನ್ನು ಅನೇಕರು ಮೆಚ್ಚಿದ್ದಾರೆ. ತಂಡದ ಶ್ರಮಕ್ಕೆ ಶಭಾಷ್ ಎಂದಿದ್ದಾರೆ. ಬೆಕ್ಕಿನ ರಕ್ಷಣೆಯಷ್ಟೇ ನಿಮ್ಮ ರಕ್ಷಣೆಯೂ ಅಗತ್ಯ, ಸುರಕ್ಷಾ ಕವಚಗಳನ್ನು ಧರಿಸಿ ಎಂದು ಕೆಲವರು ಸಲಹೆ ನೀಡಿದ್ದಾರೆ.
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 11:50 am, Wed, 10 May 23
