ಸ್ಪೈಸ್​ಜೆಟ್​ನ​ ಬ್ಯಾಂಕಾಕ್​ ವಿಮಾನದಲ್ಲಿ ಪೈಲಟ್​ನ​ ತಮಾಷೆ ವಿಡಿಯೋ ವೈರಲ್

Viral Video : ನಿತ್ಯಜೀವನದ ಏಕತಾನತೆಯನ್ನು ಮುರಿಯಲು ಆಗಾಗ ಪೈಲಟ್, ಗಗನಸಖಿಯರು ಇಂಥ ಸಣ್ಣಪುಟ್ಟ ತಮಾಷೆಗಳೊಂದಿಗೆ ವಿಮಾನಯಾನದ ಪ್ರಯಾಣವನ್ನು ಹಗೂರಗೊಳಿಸಲು ನೋಡುತ್ತಿರುತ್ತಾರೆ. ಈಗಾಗಲೇ ಇಂಥ ಸಾಕಷ್ಟು ವಿಡಿಯೋಗಳನ್ನು ನೋಡಿದ್ದೀರಿ. ಹಿಂದೆ ಒಬ್ಬ ಪೈಲಟ್​ ಕವಿತೆಯನ್ನು ಓದುವ ಮೂಲಕ ಪ್ರಯಾಣಿಕರನ್ನು ಸ್ವಾಗತಿಸಿದ್ದರು. ಇದೀಗ ಈ ಪೈಲಟ್​ ತನ್ನ ಪ್ರಯಾಣಿಕರನ್ನು ನಗೆಗಡಲಲ್ಲಿ ತೇಲಿಸಿದ್ದು ಹೇಗೆ ಎಂದು ತಿಳಿದುಕೊಳ್ಳಲು ಈ ಕೆಳಗಿನ ವಿಡಿಯೋ ನೋಡಿ.

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

View this post on Instagram

A post shared by Mohit Teotia (@poeticpilot_)

ವಿಮಾನವು ಬ್ಯಾಂಕಾಕ್​ಗೆ ಹಾರುವ ಮೊದಲು ಪೈಲಟ್ ಮೋಹಿತ್ ಟಿಯೋಟಿಯಾ​ ಕಾವ್ಯಸ್ಪರ್ಶ ಮತ್ತು ಒಂಚೂರು ತಮಾಷೆಯ ಮಿಳಿತಗೊಳಿಸಿ ಪ್ರಯಾಣಿಕರಲ್ಲಿ ಉತ್ಸಾಹ ತುಂಬಿದ್ದಾರೆ. ನನ್ನ ಪ್ರಯಾಣಿಕರ ಖುಷಿಯೇ ನನ್ನ ಖುಷಿ ಎಂದು ತಮ್ಮ ಇನ್​ಸ್ಟ್ರಾಂನಲ್ಲಿ ಈ ವಿಡಿಯೋ ಹಂಚಿಕೊಂಡಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಓಡಾಡುತ್ತಿದೆ.

ಇದನ್ನೂ ಓದಿ : ಪ್ರಯಾಣಿಕರೊಬ್ಬರು ವಿಮಾನದಲ್ಲಿ ಗಗನಸಖಿಯ ಪೋರ್ಟ್ರೇಟ್ ಚಿತ್ರಿಸಿ ಕೊಟ್ಟಾಗ

‘ಈ ವಿಮಾನ ಪ್ರಯಾಣದಲ್ಲಿ ಗುಟಕಾ, ಪಾನ್​ ನಿಷೇಧಿಸಲಾಗಿದೆ ಏಕೆಂದರೆ ಕಿಟಕಿಗಳನ್ನು ತೆರೆಯಲು ಬರುವುದಿಲ್ಲ. ಹಾಗೆಯೇ ಬ್ಯಾಂಕಾಕ್​ಗೆ ಹೊರಟಿರುವ ಈ ವಿಮಾನದಲ್ಲಿ ಯಾರೆಲ್ಲ ಸುಳ್ಳು ಹೇಳಿ ಬಂದಿದ್ದೀರಿ ಅವರಿಗೆ ಅತ್ತಿಗೆ ಕಿವಿ ಹಿಂಡುವ ಸಾಧ್ಯತೆ ಇದೆ!’ ಇದು ಮೋಹಿತ್​ ಸ್ವಾಗತದ ಸಾರ.

ಇದನ್ನೂ ಓದಿ : ಕಾವ್ಯಾತ್ಮಕ ಶೈಲಿಯಲ್ಲಿ ಪ್ರಯಾಣಿಕರನ್ನು ಸ್ವಾಗತಿಸಿದ ಪೈಲಟ್ ವಿಡಿಯೊ ವೈರಲ್

ನಾಲ್ಕು ದಿನಗಳ ಹಿಂದೆ ಹಂಚಿಕೊಂಡ ಈ ವಿಡಿಯೋ ಅನ್ನು ಮಿಲಿಯನ್​ಗಿಂತಲು ಹೆಚ್ಚು ಜನರು ನೋಡಿದ್ದಾರೆ. ಸಾವಿರಾರು 1,36,000 ಕ್ಕಿಂತಲೂ ಹೆಚ್ಚು ಜನರು ಇಷ್ಟಪಟ್ಟಿದ್ದಾರೆ. ಸಾವಿರಾರು ಜನರು ಪ್ರತಿಕ್ರಿಯಿಸಿದ್ಧಾರೆ. ಸರ್, ಬ್ಯಾಂಕಾಕ್​ಗೆ ನಿಮ್ಮ ಪ್ರಯಾಣ ಮತ್ತೆ ಯಾವಾಗ ಇರುತ್ತದೆ, ನಾನ ಇದೇ ವಿಮಾನದಲ್ಲಿ ಪ್ರಯಾಣಿಸಬೇಕು ಎಂದುಕೊಂಡಿದ್ದೇನೆ ಎಂದಿದ್ದಾರೆ ಒಬ್ಬರು.

ಇದನ್ನೂ ಓದಿ : ಮಗಳೇ ಪೈಲಟ್​; ಅಪ್ಪ ಮಗಳು ಒಂದೇ ವಿಮಾನದಲ್ಲಿ ಪ್ರಯಾಣಿಸಿದ ಹೃದಯಸ್ಪರ್ಶಿ ಗಳಿಗೆಗಳು

ಇದು ಅದ್ಭುತವಾಗಿದೆ. ಹಾಸ್ಯ ಮತ್ತು ನಗುವಿನೊಂದಿಗೆ ನಿಮ್ಮ ಸುತ್ತಮುತ್ತಲಿನ ವಾತಾವರಣದಲ್ಲಿ ಸಕಾರಾತ್ಮಕತೆಯನ್ನು ಪಸರಿಸುತ್ತಿದ್ದೀರಿ, ಇದು ಮುಂದುವರಿಯಲಿ. ದೇವರ ಆಶೀರ್ವಾದ ನಿಮ್ಮ ಮೇಲಿರಲಿ ಎಂದು ಮತ್ತೊಬ್ಬರು ಹೇಳಿದ್ಧಾರೆ. ಯಾಕೋ ಕುಸಿಯುತ್ತಿದ್ದೇನೆ ಎಂದೆನ್ನಿಸುತ್ತಿತ್ತು, ಆದರೆ ನಿಮ್ಮ ಈ ರೀಲ್ ನೋಡಿದ ಮೇಲೆ ಉತ್ಸಾಹ ಬಂದಿತು ಎಂದು ಇನ್ನೊಬ್ಬರು ಹೇಳಿದ್ದಾರೆ.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 10:35 am, Tue, 9 May 23