ಕಾವ್ಯಾತ್ಮಕ ಶೈಲಿಯಲ್ಲಿ ಪ್ರಯಾಣಿಕರನ್ನು ಸ್ವಾಗತಿಸಿದ ಪೈಲಟ್ ವಿಡಿಯೊ ವೈರಲ್
Viral Video of Pilot : ಸೌಂದರ್ಯವೂ ಬುದ್ಧಿಯೂ ಇಲ್ಲಿ ಮೇಳೈಸಿದೆ. ಯಾಕೆ ಬಾಲಿವುಡ್ಗೆ ಬರಬಾರದು ಎನ್ನುತ್ತಿದ್ದಾರೆ ನೆಟ್ಟಿಗರು. ಈ ವಿಡಿಯೋ ನೋಡಿದ ನೀವೇನಂತೀರಿ?
Updated on:Dec 31, 2022 | 11:41 AM
Viral Video : ವಿಮಾನ ಪ್ರಯಾಣಕ್ಕೆ ಸಂಬಂಧಿಸಿದಂತೆ ದಿನಕ್ಕೆ ಒಂದಿಲ್ಲಾ ಒಂದು ವಿಡಿಯೋ ವೈರಲ್ ಆಗುತ್ತಲೇ ಇರುತ್ತವೆ. ಈ ದಿನ ವೈರಲ್ ಆಗುತ್ತಿರುವ ವಿಡಿಯೋ ವಿಭಿನ್ನವಾಗಿದೆ. ವಾರಾಂತ್ಯದ ಜೊತೆಗೆ ವರ್ಷಾಂತ್ಯದ ಮೂಡ್ನಲ್ಲಿರುವ ನಿಮಗೆ ಈ ವಿಡಿಯೋ ಖಂಡಿತ ಮನಸ್ಸನ್ನು ಉಲ್ಲಸಿತಗೊಳಿಸುತ್ತದೆ. ಪೈಲಟ್ ತನ್ನ ಪ್ರಯಾಣಿಕರನ್ನು ವಿಮಾನಪ್ರಯಾಣಕ್ಕೆ ಸ್ವಾಗತಿಸುವ ಪರಿಯನ್ನು ಗಮನಿಸಿ. ಕಾವ್ಯಾತ್ಮಕ ಶೈಲಿಯಲ್ಲಿ ಘೋಷಣೆಯನ್ನು ಪ್ರಸ್ತಾಪಿಸುತ್ತಾನೆ.
View this post on Instagram
ಸ್ಪೈಸ್ ಜೆಟ್ ಪೈಲಟ್ ಮೋಹಿತ್ ಕುಮಾರ್ ತಮ್ಮ ಖಾತೆಯಲ್ಲಿ ಈ ವಿಡಿಯೋ ಹಂಚಿಕೊಂಡಿದ್ದಾರೆ. ಅವರು ಪ್ರಯಾಣಿಕರನ್ನು ಹಿಂದಿಯಲ್ಲಿ ಕವಿತಾ ಶೈಲಿಯಲ್ಲಿ ಸ್ವಾಗತಿಸಿ ತಮ್ಮ ಸಹ ಪೈಲಟ್ ಮತ್ತು ವಿಮಾನ ಸಿಬ್ಬಂದಿಯ ಬಗ್ಗೆ ತಿಳಿಸುತ್ತಾ ಇವರೆಲ್ಲರು ನಿಮ್ಮ ಸಹಾಯ ಮತ್ತು ಕಾಳಜಿ ತೆಗೆದುಕೊಳ್ಳಲು ಸಿದ್ಧರಾಗಿದ್ದಾರೆ ಎಂದು ಹೇಳುತ್ತಾರೆ.
ಎರಡು ದಿನಗಳ ಹಿಂದೆ ಹಂಚಿಕೊಳ್ಳಲಾದ ಈ ವಿಡಿಯೋ ಅನ್ನು ಈತನಕ ಒಂದು ಲಕ್ಷಕಕ್ಕೂ ಹೆಚ್ಚು ಜನರು ನೋಡಿದ್ಧಾರೆ. 10,000ಕ್ಕೂ ಹೆಚ್ಚು ಜನರು ಮೆಚ್ಚಿದ್ದಾರೆ. ನೂರಾರು ಜನರು ಇವರ ಕಾವ್ಯಾತ್ಮಕ ಶೈಲಿಯ ಘೋಷಣೆಯನ್ನು ಶ್ಲಾಘಿಸಿದ್ದಾರೆ.
ಇದನ್ನೂ ಓದಿ : Viral Video: ಮೊದಲ ಬಾರಿ ಅಮ್ಮನ ಪಕ್ಕ ಕುಳಿತು ವಿಮಾನ ಹಾರಿಸಿದ ಮಗ; ಪೈಲಟ್ ವಿಡಿಯೋ ವೈರಲ್
ನೀವು ಬಾಲಿವುಡ್ಗೆ ಯಾಕೆ ಸೇರಬಾರದು ನಿಮಗೆ ಕಲೆಯ ಬಗ್ಗೆ ಒಂದು ಅಂದಾಜಿದೆ ನೋಡಲು ಸುಂದರವಾಗಿದ್ದೀರಿ ಎಂದಿದ್ದಾರೆ ಒಬ್ಬರು. ನೀವು ನೋಡಲೂ ಬಹಳ ಮುದ್ಧಾಗಿದ್ದೀರಿ ಹಾಗೆಯೇ ನಿಮ್ಮ ಧ್ವನಿಯೂ ಎಂದಿದ್ದಾರೆ ಮತ್ತೊಬ್ಬರು. ಸೌಂದರ್ಯ ಮತ್ತು ಬುದ್ಧಿವಂತಿಕೆಯ ಸಮಾಗಮ ಎಂದಿದ್ದಾರೆ ಮಗದೊಬ್ಬರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 11:35 am, Sat, 31 December 22
