Viral Video: 3 ಮೊಟ್ಟೆಗಳನ್ನು ಆಲೂಗಡ್ಡೆ ಚಿಪ್ಸ್ ಪ್ಯಾಕೆಟ್ನಲ್ಲಿ ಹಾಕಿ, ಮುಂದೇನಾಗುತ್ತದೆ ನೋಡಿ
Omlette : ನಿಜಕ್ಕೂ ಇದು ಅದ್ಭುತವಾದ ಪ್ರಯೋಗ ಆದರೆ ಅಷ್ಟೇ ಅನಾರೋಗ್ಯಕರವೂ ಎಂದ ಹಲವರು. ಪಿಕ್ನಿಕ್ಗೆ ಹೋದಾಗ ಈ ರೆಸಿಪಿ ಬಹಳ ಅನುಕೂಲಕರ ಎಂದು ಕೆಲವರು. ಈ ವಿಡಿಯೋ ನೋಡಿದ ನೀವು ಏನು ಹೇಳುತ್ತೀರಿ?
Egg : ಸಮದ್ಸ್ ಕಿಚನ್ ಎಂಬ ಫೇಸ್ಬುಕ್ನಲ್ಲಿ ಈ ಪಾಕವಿಧಾನ ಹಂಚಿಕೊಳ್ಳಲಾಗಿದೆ. ಲೇಯ್ಸ್ ಆಲೂಗಡ್ಡೆ ಚಿಪ್ಸ್ ಪ್ಯಾಕೆಟ್ನಲ್ಲಿರುವ (Potato Chips) ಚಿಪ್ಸ್ಗಳನ್ನು ಪುಡಿಮಾಡಿ ಅದಕ್ಕೆ ಮೂರು ಮೊಟ್ಟೆಗಳನ್ನು ಒಡೆದು ಹಾಕಲಾಗುತ್ತದೆ. ನಂತರ ಈರುಳ್ಳಿ, ಹಸಿಮೆಣಸಿನಕಾಯಿ, ಟೊಮ್ಯಾಟೋ, ಉಪ್ಪು, ಕೊತ್ತಂಬರಿ ಎಲ್ಲವನ್ನೂ ಈ ಪ್ಯಾಕೆಟ್ಗೆ ಸುರಿಯಲಾಗುತ್ತದೆ. ಎಲ್ಲವನ್ನೂ ಮಿಕ್ಸ್ ಮಾಡಿ ಈ ಪ್ಯಾಕೆಟ್ನ ಬಾಯಿಯನ್ನು ಗಟ್ಟಿಯಾಗಿ ಕಟ್ಟಿ ಕುದಿಯುವ ನೀರಿನೊಳಗೆ 15 ನಿಮಿಷ ಇಡಲಾಗುತ್ತದೆ. ನಂತರ ಪ್ಯಾಕೆಟ್ ತೆರೆದರೆ! ನೋಡಿ ನೀವೆ ಹೇಗಿರುತ್ತದೆ ಎಂದು.
ಇದು ಸ್ವಲ್ಪವೂ ಇಷ್ಟವಾಗಲಿಲ್ಲ, ಏಕೆಂದರೆ ನಾನ್ಫುಡ್ಗ್ರೇಡ್ ಪಾಲಿಬ್ಯಾಗ್ನಲ್ಲಿ ಅಡುಗೆ ಮಾಡುವುದು ಅಪಾಯಕಾರಿ ಎಂದಿದ್ದಾರೆ ಕೆಲವರು. ಇದರ ಬದಲಾಗಿ ಫ್ರೆಂಚ್ ಆಮ್ಲೆಟ್ ತಯಾರಿಸಿ ಬ್ರೆಡ್ ಮತ್ತು ಚಿಪ್ಸ್ನೊಂದಿಗೆ ತಿನ್ನಿ ಎಂದಿದ್ದಾರೆ ಒಬ್ಬರು. ವಾವ್ ಇದು ಹೊಸಬಗೆಯ ವಿಧಾನ, ಪ್ರವಾಸಕ್ಕೆ ಹೋದಾಗ ಇದನ್ನು ತಯಾರಿಸುವುದು ಒಳ್ಳೆಯದು. ನನಗಂತೂ ಇದು ಬಹಳ ಉಪಯುಕ್ತವಾಗಿದೆ ಎಂದಿದ್ದಾರೆ ಮತ್ತೊಬ್ಬರು.
ಇದನ್ನೂ ಓದಿ : Viral: ವರ್ಕ್ ಫ್ರಂ ಹೋಮ್ ಮಾಡಿದರೆ ಕೆಲಸದಿಂದ ವಜಾ ಮಾಡುವುದಾಗಿ ಮೇಲಧಿಕಾರಿ ಬೆದರಿಕೆ
ಖಂಡಿತವಾಗಿಯೂ ಇದು ಆರೋಗ್ಯಕರವಾದ ವಿಧಾನವಲ್ಲ ಆದರೆ ಅದ್ಭುತವಾಗಿದೆ! ಎಂದಿದ್ದಾರೆ ಇನ್ನೊಬ್ಬರು. ನೀವೊಬ್ಬ ಅತ್ಯುತ್ತಮ ಪಾಕ ಪರಿಣತರು, ನಿಮ್ಮದೇ ಆದ ಪಾಕವಿಧಾನಗಳನ್ನು ನಾವು ಬಹಳ ಇಷ್ಟಪಡುತ್ತೇವೆ, ಅಂಥವನ್ನು ಹೆಚ್ಚು ಪೋಸ್ಟ್ ಮಾಡಿ ಎಂದಿದ್ದಾರೆ ಅನೇಕರು. ನಾನು ಈ ರೀತಿ ಈ ತಿನಿಸನ್ನು ಮಾಡುವ ವಿಡಿಯೋ ಅನ್ನು ಈ ಮೊದಲು ನೋಡಿದ್ದೇನೆ ಎಂದಿದ್ದಾರೆ ಒಬ್ಬರು.
ಇದನ್ನೂ ಓದಿ : Viral Video: ಬೆಂಗಾಲಿಯನ್ನು ಫ್ರೆಂಚ್ ಶೈಲಿಯಲ್ಲಿ, ಮರಾಠಿಯನ್ನು ಐರಿಷ್ ಶೈಲಿಯಲ್ಲಿ ಮಾತನಾಡಿದಾಗ
ಈತನಕ ಈ ವಿಡಿಯೋ ಅನ್ನು 4 ಲಕ್ಷಕ್ಕೂ ಹೆಚ್ಚು ಜನರು ನೋಡಿದ್ದಾರೆ. ಸುಮಾರು 800 ಜನರು ಪ್ರತಿಕ್ರಿಯಿಸಿದ್ಧಾರೆ. 1,500 ಜನರು ಇಷ್ಟಪಟ್ಟಿದ್ಧಾರೆ. ದಿನಕ್ಕೆ ಸಾವಿರಾರು ಪಾಕಪ್ರಯೋಗಗಳ ವಿಡಿಯೋಗಳನ್ನು ನೀವು ನೋಡುತ್ತಿರುತ್ತೀರಿ. ಆದರೆ ಎಲ್ಲವೂ ಆರೋಗ್ಯಕರ ವಿಧಾನಗಳಿಂದ ಕೂಡಿರುತ್ತವೆಯೇ? ಎನ್ನುವುದನ್ನು ಗಮನಿಸುವುದು ಒಳಿತು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 2:15 pm, Tue, 25 July 23