Viral: 20 ಸಾವಿರ ರೂ ಮನೆ ಬಾಡಿಗೆ, 30 ಲಕ್ಷ ರೂ ಭದ್ರತಾ ಠೇವಣಿ; ಬೆಂಗಳೂರಿನ ಮನೆಮಾಲೀಕರ ಸುಲಿಗೆ ಇದು ಎಂದ ವ್ಯಕ್ತಿ

ಬೆಂಗಳೂರು, ನವೆಂಬರ್ 04: ಬೆಂಗಳೂರಿನಲ್ಲಿ (Bengaluru) ಕಡಿಮೆ ಬಾಡಿಗೆಯುಳ್ಳ ಮನೆ ಸಿಗುವುದೇ ಕಷ್ಟ. ಸಿಕ್ಕರೆ ಅದೇ ಅದೃಷ್ಟ ಎಂದು ಅಂದುಕೊಳ್ಬೇಕು. ನೀವೇನಾದ್ರೂ ಬೆಂಗಳೂರಿನಲ್ಲಿ ಮನೆ ಹುಡುಕುತ್ತಿದ್ರೆ ಎರಡು ಬೆಡ್ ರೂಮ್‌ವುಳ್ಳ ಈ ಮನೆಯ ಡೆಪಾಸಿಟ್ (Deposit) ನೋಡಿಯೇ ತಲೆ ಗ್ರಿರ್ ಎನ್ನುತ್ತೆ. ಇದೀಗ ಬೆಂಗಳೂರಿನ ಮನೆ ಮಾಲೀಕರು ಆಸೆ ಬುರುಕರು ಎನ್ನುವುದನ್ನು ಸಾರಿ ಹೇಳುವಂತಿದೆ ಈ ಪೋಸ್ಟ್. ಹೌದು ಬೆಂಗಳೂರಿನ ಫ್ರೇಜರ್ ಟೌನ್ ಪ್ರದೇಶದಲ್ಲಿ 2ಬಿಹೆಚ್‌ಕೆ ಬಾಡಿಗೆ ಮನೆ ಲಭ್ಯವಿದೆ. ಆದರೆ ತಿಂಗಳ ಬಾಡಿಗೆ 20 ಸಾವಿರ ರೂ ಆಗಿದ್ದು, 30 ಲಕ್ಷ ರೂ ಭದ್ರತಾ ಠೇವಣಿ. ಈ ಜಾಹೀರಾತಿನಲ್ಲಿ ಉಲ್ಲೇಖಿಸಲಾದ ಡೆಪಾಸಿಟ್ ಮೊತ್ತವನ್ನು ನೋಡಿಯೇ ಬಳಕೆದಾರರು ಶಾಕ್ ಆಗಿದ್ದಾರೆ.

ಬೆಂಗಳೂರಿನ ಮನೆ ಬಾಡಿಗೆ ಕೇಳೀದ್ರೆ ನೀವು ಶಾಕ್‌ ಆಗ್ತೀರಾ

ರೆಡ್ಡಿಟ್ ಖಾತೆಯಲ್ಲಿ 2 ಬಿಹೆಚ್ ಕೆ ಬಾಡಿಗೆ ಮನೆ ಖಾಲಿಯಿದ್ದು, ತಿಂಗಳ ಬಾಡಿಗೆ 20,000 ರೂ ಹಾಗೂ ಭದ್ರತಾ ಠೇವಣಿ 30 ಲಕ್ಷ ರೂ ಜಾಹೀರಾತು ಹೊಂದಿರುವ ಸ್ಕ್ರೀನ್ ಶಾಟ್ ಹಂಚಿಕೊಳ್ಳಲಾಗಿದೆ. ಈ ಪೋಸ್ಟ್ ಗೆ ಬೆಂಗಳೂರಿನ ಮನೆ ಮಾಲೀಕರು ಹಾದಿ ತಪ್ಪುತ್ತಿದ್ದಾರೆ ಎಂದು ಶೀರ್ಷಿಕೆ ನೀಡಲಾಗಿದೆ. ಈ ಜಾಹೀರಾತಿನಲ್ಲಿ ಈ ಸುಸಜ್ಜಿತ ಬಾಡಿಗೆ ಮನೆಯಲ್ಲಿ ಏನೆಲ್ಲಾ ಸೌಲಭ್ಯಗಳಿವೆ ಎಂದು ಇಲ್ಲಿ ಬರೆಯಲಾಗಿದೆ. ಈ ಸುಸಜ್ಜಿತ 2 ಬಿಹೆಚ್ ಕೆ ಮನೆಯಲ್ಲಿ ಇಂಟೀರಿಯರ್ ಡಿಸೈನ್, ಪ್ರೀಮಿಯಂ ಹಾಸಿಗೆಗಳು, ಮಾಡ್ಯುಲರ್ ಕಿಚನ್ ಉಪಕರಣಗಳು, ಪೂರ್ಣ ಪವರ್ ಬ್ಯಾಕಪ್, ಇನ್-ಹೌಸ್ ಸೆಕ್ಯುರಿಟಿ ಹಾಗೂ ಕಾರ್ ಪಾರ್ಕ್ ಹೊಂದಿರುವ ಸ್ಟೈಲಿಶ್ ಮನೆ ಎಂದು ಉಲ್ಲೇ ಖಿಸಿರುವುದನ್ನು ನೋಡಬಹುದು.

ವೈರಲ್‌ ಪೋಸ್ಟ್‌ ಇಲ್ಲಿದೆ ನೋಡಿ

ಇದನ್ನೂ ಓದಿ:ಬೆಂಗಳೂರಿನ ಜೀವಂತ ಸ್ವರ್ಗ ಈ ಭಾರತೀಯ ಸಿಟಿ: ಸ್ವಚ್ಛ ಸುಂದರ ನಗರ ಕಂಡು ಬೆರಗಾದ ವ್ಯಕ್ತಿ

ಈ ಪೋಸ್ಟ್ ವೈರಲ್ ಆಗಿದ್ದು, ಬಳಕೆದಾರರು ಖಾರವಾಗಿಯೇ ಕಾಮೆಂಟ್ ಮಾಡಿದ್ದಾರೆ. ಒಬ್ಬ ಬಳಕೆದಾರ 30 ಲಕ್ಷ ರೂ. ಠೇವಣಿ? ನೀವು ಬಿಲ್ಡರ್‌ನ ಫ್ಲಾಟ್ ಖರೀದಿಸಿ ಬಾಡಿಗೆಗೆ ಬದಲಾಗಿ ಇಎಂಐ ಪಾವತಿಸಬಹುದು. 30 ಲಕ್ಷ ರೂ ಠೇವಣಿ ನೀಡಿ ಈ ಬಾಡಿಗೆ ಮನೆಗೆ ಯಾರು ಹೋಗುತ್ತಾರೆ ನನಗೆ ತಿಳಿದಿಲ್ಲ ಎಂದಿದ್ದಾರೆ. ಮತ್ತೊಬ್ಬರು ಇಷ್ಟು ದುಡ್ಡು ಇದ್ದರೆ ಬೆಂಗಳೂರಿನಲ್ಲಿ ಮನೆ ಖರೀದಿಸಬಹುದಲ್ಲದೇ, ಬಾಡಿಗೆ ಮನೆಯಲ್ಲಿ ಇರುವ ಅವಶ್ಯಕತೆ ಇಲ್ಲ ಎಂದು ಹೇಳಿದ್ದಾರೆ. ಇನ್ನೊಬ್ಬರು, ನೀವು ಒಂಟಿಯಾಗಿದ್ದು ಕೆಲಸ ಮಾಡುತ್ತಿದ್ದರೆ, ಪಿಜಿಗೆ ಹೋಗಿ. ಈ ರೀತಿಯ ಠೇವಣಿ ಕೊಟ್ಟು ಬಾಡಿಗೆ ಮನೆಯಲ್ಲಿ ಇರಬೇಡಿ. ಇದು ಸಂಪೂರ್ಣ ಅಸಂಬದ್ಧ ಎಂದು ಸಲಹೆ ನೀಡಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ