ಸಚಿನ್ ತೆಂಡೂಲ್ಕರ್ ಹೊಸ ಫ್ರೆಂಡ್ ಸ್ಪೈಕ್ ಜೊತೆ ಆಟವಾಡುತ್ತಿರುವ ವಿಡಿಯೋ ನೋಡಿ

ಕ್ರಿಕೇಟಿಗ ಸಚಿನ್ ಅವರು ಹೊಸ ಫ್ರೆಂಡ್ರನ್ನು ಪರಿಚಯಿಸಿದ್ದಾರೆ. ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಸಚಿನ್ ಅವರು (Sachin Tendulkar)  ಸ್ಪೈಕ್​ರನ್ನು ಪರಿಚಯಿಸಿದ್ದಾರೆ. ಸ್ಪೈಕ್ ಎಂಬ ಹೆಸರಿನ ಪುಟ್ಟ ನಾಯಿ ಮರಿಯೊಂದಿಗೆ ಕಳೆದ ಕ್ಷಣಗಳನ್ನು ಸಚಿನ್ ಪೋಸ್ಟ್ ಮಾಡಿದ್ದಾರೆ. ಸಚಿನ್ ಅಭಿಮಾನಿಗಳು ವಿಡಿಯೋ(Video Viral) ಇಷ್ಟಪಟ್ಟಿದ್ದು ತಮ್ಮ ಅಭಿಪ್ರಾಯಗಳನ್ನು ತಿಳಿಸುತ್ತಿದ್ದಾರೆ.

ಸ್ನೇಹಿತರೇ.. ಸ್ಪೈಕ್​ರನ್ನು ನಾನು ಹೇಗೆ ಭೇಟಿಯಾದೆ ಎಂದು ನಿಮ್ಮ ತಿಳಿದಿದೆಯೇ? ಎಂದು ಸಚಿನ್ ತಮ್ಮ ವಿಡಿಯೋ ಪೋಸ್ಟ್​ನಲ್ಲಿ ಬರೆದುಕೊಂಡಿದ್ದಾರೆ. ನನ್ನ ಫಾರ್ಮ್​​ಹೌಸ್​ನ ಕೆಲವು ಮಕ್ಕಳು ಮಾರುಕಟ್ಟೆಗೆ ಹೋದಾಗ ಈ ಪುಟ್ಟ ನಾಯಿ ಮರಿಯನ್ನು ನೋಡಿದ್ದಾರೆ. ತಾಯಿ ಇಲ್ಲದೆ ಅನಾಥವಾಗಿದ್ದ ನಾಯಿ ಮರಿ ನೋಡಿದ ಮಕ್ಕಳು ಫಾರ್ಮ್​​ಹೌಸ್​ಗೆ ಕರೆತಂದಿದ್ದಾರೆ ಎಂದು ಸಚಿನ್ ಹೇಳಿದ್ದಾರೆ.

ನಾಯಿ ಮರಿಯನ್ನು ನೋಡಿದ ತಕ್ಷಣ ನನಗೆ ಇಷ್ಟವಾಯಿತು. ನಮ್ಮ ತೋಟದ ಮನೆಯಲ್ಲಿಯೇ ಸಾಕೋಣ ಎಂದು ನಾನು ಹೇಳಿದೆ. ಈ ನಾಯಿಮರಿ ಯಾವುದೇ ಬೇರೆ ಜಾತಿಯ ತಳಿಯಲ್ಲ. ಪಕ್ಕಾ ಭಾರತೀಯ ದೇಸಿ ತಳಿ ಎಂದು ಹೇಳಿದ್ದಾರೆ.

ಸ್ಪೈಕ್ ತುಂಬಾ ಮುದ್ದಾಗಿದೆ ಮತ್ತು ಸುಂದರವಾಗಿ ಬೆಳೆಯುತ್ತಿದೆ. ಸ್ಪೈಕ್​ಗೆ ಬೇಕಾದದ್ದು ಆಶ್ರಯ, ಪ್ರೀತಿ ಮತ್ತು ಕಾಳಜಿ ಅಷ್ಟೆ ಎಂದು ಅವರು ಹೇಳಿದ್ದಾರೆ.

ಸ್ಪೈಕ್ ನಮ್ಮ ಹೃಯವನ್ನು ಗೆದ್ದಿದೆ. ನಮ್ಮ ಈ ಜೀವನದಲ್ಲಿ ಖುಷಿ ತಂದಿದೆ ಎಂದು ಸಚಿನ್ ಹೇಳಿದ್ದಾರೆ. ವಿಡಿಯೋ ಕ್ಲಿಪ್​ನಲ್ಲಿ ಗಮನಿಸುವಂತೆ ಸ್ಪೈಕ್ ಎಲ್ಲೆಡೆ ಓಡಾಡುತ್ತಿರುವುದನ್ನು ನೋಡಬಹುದು. ಜನರೊಂದಿಗೆ ಹೆಚ್ಚು ಸಮಯ ಕಳೆಯತ್ತಿರುವುದನ್ನು ಗಮನಿಸಬಹುದು.

ಸಚಿನ್ ಹಂಚಿಕೊಂಡ ವಿಡಿಯೋ ಕ್ಲಿಪ್ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದಂತೆಯೇ ಲಕ್ಷಾಂತರ ವೀಕ್ಷಣೆಗಳನ್ನು ಗಳಿಸಿಕೊಂಡಿದೆ. ನೆಟ್ಟಿಗರು ತಮ್ಮ ಅಭಿಪ್ರಾಯಗಳನ್ನು ಕಾಮೆಂಟ್ ವಿಭಾಗದಲ್ಲಿ ಹಂಚಿಕೊಳ್ಳುತ್ತಿದ್ದಾರೆ.

ಇದನ್ನೂ ಓದಿ:

2011ರಲ್ಲಿ ವಿಶ್ವಕಪ್​ ಗೆದ್ದಿದ್ದು ಟೀಮ್ ಇಂಡಿಯಾ ಮಾತ್ರ ಅಲ್ಲ, ಇಡೀ ಭಾರತವೇ ಅದನ್ನು ಗೆದ್ದಿತು: ಸಚಿನ್​ ತೆಂಡೂಲ್ಕರ್

‘ಸಚಿನ್​ ಶೇಕ್ ಹ್ಯಾಂಡ್ ಕೊಟ್ಟಾಗ ಇನ್ಮುಂದೆ ಸ್ನಾನವೇ ಮಾಡೋದು ಬೇಡ ಅಂತಾ ಅಂದುಕೊಂಡಿದ್ದೆ’