ಮೇರಿ ರಾಣಿ ಹಾಡಿಗೆ ಸಖತ್ ಡ್ಯಾನ್ಸ್ ಮಾಡಿದ ಸಹದೇವ್ ದಿರ್ಡೋ: ವಿಡಿಯೋ ವೈರಲ್
ಬಚ್ಪನ್ ಕಾ ಪ್ಯಾರ್ ಖ್ಯಾತಿಯ ಸಹದೇವ್ ದಿರ್ಡೋ ಮತ್ತೆ ಸುದ್ದಿಯಲ್ಲಿದ್ದಾರೆ. ಈ ಬಾರಿ ಬಾಲಿವುಡ್ ನಟಿ ನೊರಾ ಫತೇಹಿ ಅವರು ಕಾಣಿಸಿಕೊಂಡಿದ್ದ ಮೇರಿ ರಾಣಿ ಹಾಡಿಗೆ ಡ್ಯಾನ್ಸ್ ಮೂಲಕ ಸಾಮಾಜಿಕ ಜಾಲತಾಣದಲ್ಲಿ ಮತ್ತೆ ಟ್ರೆಂಡ್ ಸೃಷ್ಟಿ ಮಾಡಿದ್ದಾರೆ.
Updated on: Mar 08, 2022 | 3:43 PM
ಈಗಾಗಲೇ ಸಾಕಷ್ಟು ಪರಿಚಿತರಾದ ಬಚ್ಪನ್ ಕಾ ಪ್ಯಾರ್ ಖ್ಯಾತಿಯ ಸಹದೇವ್ ದಿರ್ಡೋ ಮತ್ತೆ ಸುದ್ದಿಯಲ್ಲಿದ್ದಾರೆ. ಈ ಬಾರಿ ಬಾಲಿವುಡ್ ನಟಿ ನೊರಾ ಫತೇಹಿ ಅವರು ಕಾಣಿಸಿಕೊಂಡಿದ್ದ ಮೇರಿ ರಾಣಿ ಹಾಡಿಗೆ ಡ್ಯಾನ್ಸ್ ಮೂಲಕ ಸಾಮಾಜಿಕ ಜಾಲತಾಣದಲ್ಲಿ ಮತ್ತೆ ಟ್ರೆಂಡ್ ಸೃಷ್ಟಿ ಮಾಡಿದ್ದಾರೆ. ಇನ್ಸ್ಟಾಗ್ರಾಮ್ನಲ್ಲಿ ಸಹದೇವ್ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಸದ್ಯ ವಿಡಿಯೋ ಎಲ್ಲೆಡೆ ವೈರಲ್ ಆಗಿದೆ.
View this post on Instagram
ವಿಡಿಯೋದಲ್ಲಿ ಸಹದೇವ್ ಹಳದಿ ಬಣ್ಣದ ಟೀ ಶರ್ಟ್ ಧರಿಸಿದ್ದು, ತಿಳಿ ಗುಲಾಬಿ ಬಣ್ಣದ ಜಾಕೆಟ್ ಧರಿಸಿದ್ದಾರೆ. ಗುರು ರಾಧವನ್ ರಚಿಸಿದ ಮೇರಿ ರಾಣಿ ಹಾಡಿಗೆ ನೋರಾ ಫತೇಹಿ ಹೆಜ್ಜೆ ಹಾಕಿದ್ದರು, ಇದೀಗ ಅದೇ ಹಾಡಿಗೆ ಸಹದೇವ್ ದಿರ್ಡೋ ಡ್ಯಾನ್ಸ್ ಮಾಡಿದ್ದಾರೆ. ಸದ್ಯ ವಿಡಿಯೋ 65 ಸಾವಿರಕ್ಕೂ ಹೆಚ್ಚು ವೀಕ್ಷಣೆ ಪಡೆದಿದ್ದು, 8 ಸಾವಿರಕ್ಕೂ ಅಧಿಕ ಲೈಕ್ಸ್ ಪಡೆದಿದೆ.
10 ವರ್ಷದ ಬಾಲಕ ಸಹದೇವ್ ಅವರು 2019ರಲ್ಲಿ ಬಚ್ಪನ್ಕಾ ಪ್ಯಾರ್ ಹಾಡನ್ನು ಹಾಡುವ ಮೂಲಕ ದೇಶಾದ್ಯಂತ ಸುದ್ದಿಯಾಗಿದ್ದರು. ಸಾಮಾಜಿಕ ಜಾಲತಾಣದಲ್ಲಿ ಹೊಸ ಅಲೆ ಸೃಷ್ಟಿಸಿದ್ದ ಅವರು ಹಲವು ಬಹುಮಾನಗಳನ್ನೂ ಪಡೆದುಕೊಂಡಿದ್ದರು. ಛತ್ತೀಸ್ಘಡ ಮೂಲದ ಈ ಹುಡುಗ ಇಂಟರ್ನೆಟ್ನಲ್ಲಿ ಟ್ರೆಂಡ್ ಮೂಡಿಸಿದ್ದರು. ಕಳೆದ ಜನವರಿಯಲ್ಲಿ ರಸ್ತೆ ಅಪಘಾತದಲ್ಲಿ ಗಾಯಗೊಂಡಿದ್ದ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಈ ಬಗ್ಗೆ ಬಾಲಿವುಡ್ ರಾಪರ್ ಬಾದ್ಶಾ ಸಾಮಾಜಿಕ ಜಾಲತಾಣದಲ್ಲಿ ಮಾಹಿತಿ ಹಂಚಿಕೊಂಡಿದ್ದರು. ಕೆಲದಿನಗಳ ನಂತರ ಗುಣಮುಖರಾಗಿ ಬಂದ ಮೇಲೆ ಸಹದೇವ್ ಎನ್ಎಫ್ಟಿಯಲ್ಲಿ ಖಾತೆಯನ್ನೂ ತೆರೆದು ಸುದ್ದಿಯಾಗಿದ್ದರು.
ಇದನ್ನೂ ಓದಿ:
