Viral Video: ಚಾಕೊಲೇಟ್-ಸ್ಟ್ರಾಬೆರಿಯಲ್ಲಿ ಮುಳುಗೆದ್ದ ಸಮೋಸ: ಐಸ್ಕ್ಯಾಂಡಿ ಇಡ್ಲಿಯ ನಂತರ ಸಮೋಸ ವೈರಲ್

ಐಸ್ಕ್ಯಾಂಡಿ ಕಡ್ಡಿ ಅಂಟಿಸಿಕೊಂಡಿದ್ದ ಇಡ್ಲಿಯ ಚಿತ್ರ ವೈರಲ್ ಆದ ನಂತರ ಇದೀಗ ಚಾಕೊಲೇಟ್-ಸ್ಟ್ರಾಬೆರಿಯಲ್ಲಿ ಮುಳುಗೆದ್ದ ಸಮೋಸ ಚಿತ್ರಗಳು ವೈರಲ್ ಆಗುತ್ತಿವೆ

ವೈರಲ್ ಆಗಿರುವ ವಿಡಿಯೊದಲ್ಲಿ ಕಾಣಸಿಗುವ ಸ್ಟ್ರಾಬೆರಿ ಮತ್ತು ಚಾಕೊಲೇಟ್ ಸಮೋಸ

TV9 Web | Updated By: Ghanashyam D M | ಡಿ.ಎಂ.ಘನಶ್ಯಾಮ|
Updated on:Oct 03, 2021 | 6:40 PM

ಬೆಂಗಳೂರು: ಐಸ್ಕ್ಯಾಂಡಿ ಕಡ್ಡಿ ಅಂಟಿಸಿಕೊಂಡಿದ್ದ ಇಡ್ಲಿಯ ಚಿತ್ರ ವೈರಲ್ ಆದ ನಂತರ ಇದೀಗ ಚಾಕೊಲೇಟ್-ಸ್ಟ್ರಾಬೆರಿಯಲ್ಲಿ ಮುಳುಗೆದ್ದ ಸಮೋಸ ಚಿತ್ರಗಳು ವೈರಲ್ ಆಗುತ್ತಿವೆ. ಪಾಕಪ್ರವೀಣರ ಹೊಸ ಪ್ರಯೋಗಗಳು ಇಂಟರ್ನೆಟ್ನಲ್ಲಿ ಜೋರಾಗಿಯೇ ಸದ್ದು ಮಾಡುತ್ತಿವೆ. ವೈರಲ್ ವಿಡಿಯೊ ನೋಡಿದ ಸಾಮಾಜಿಕ ಮಾಧ್ಯಮ ಬಳಕೆದಾರರು ಇಷ್ಟಪಟ್ಟು ಹಂಚಿಕೊಳ್ಳುತ್ತಿದ್ದಾರೆ. ಎರಡು ವಿಭಿನ್ನ ಸವಿಯ ಖಾದ್ಯಗಳನ್ನು ಬೆಸೆದಿರುವ ವಿಧಾನದ ಬಗ್ಗೆ ಗೊಂದಲದೊಂದಿಗೆ ಆಶ್ಚರ್ಯವನ್ನೂ ಸೂಚಿಸುತ್ತಿದ್ದಾರೆ.

ಇಂಥದ್ದೊಂದು ವಿಡಿಯೊ ಟ್ವೀಟ್ ಮಾಡಿರುವ ಕೈಗಾರಿಕೋದ್ಯಮಿ ಹರ್ಷ್ ಗೋಯೆಂಕಾ, ‘ಲಾಲಿಪಾಪ್ ಇಡ್ಲಿ ಸಾಮಾಜಿಕ ಮಾಧ್ಯಮಗಳಲ್ಲಿ ಸದ್ದು ಮಾಡಿದ್ದೇನೋ ಸರಿ. ಆದರೆ ಇದರ ಬಗ್ಗೆ ಏನು ಹೇಳುವುದು’ ಎಂದು ಕೇಳಿದ್ದಾರೆ. ವೈರಲ್ ಆಗಿರುವ ವಿಡಿಯೊವನ್ನು ಈವರೆಗೆ ಸುಮಾರು 24 ಸಾವಿರ ಮಂದಿ ನೋಡಿದ್ದಾರೆ. 18 ಸೆಕೆಂಡ್ಗಳ ಕ್ಲಿಪ್ನಲ್ಲಿ ವ್ಯಕ್ತಿಯೊಬ್ಬರು ಹಲವು ಬಗೆಯ ಸಮೋಸಗಳನ್ನು ಪ್ರದರ್ಶಿಸಿದ್ದಾರೆ. ಇದರಲ್ಲಿ ಚಾಕೊಲೇಟ್ ಮತ್ತು ಸ್ಟ್ರಾಬೆರಿ ಫ್ಲೇವರ್ಗಳಲ್ಲಿ ಅದ್ದಿ ತೆಗೆದ ಸಮೋಸಗಳೂ ಸೇರಿವೆ. ಮತ್ತೊಂದು ವಿಧದ ಸಮೋಸದ ಒಳಗೆ ಸಿಹಿಯಾದ ಜಾಮ್ ತುಂಬಲಾಗಿದೆ. ಮಗದೊಂದು ಬಗೆಯ ಸಮೋಸಾದಲ್ಲಿ ತಂದೂರಿ ಪನೀರ್ನ ಹೂರಣವಿದೆ.

ಆದರೆ ಬಹುತೇಕರಿಗೆ ಈ ಫ್ಯೂಷನ್ ಇಷ್ಟವಾಗಿಲ್ಲ. ಸಾಮಾಜಿಕ ಮಾಧ್ಯಮಗಳಲ್ಲಿ ಅಭಿಪ್ರಾಯ ಬರೆದುಕೊಂಡಿರುವ ಒಬ್ಬರು, ‘ಚೀಸ್ ಯಾಕೆ ಹಾಕಿಲ್ಲ? ಇಷ್ಟಪಟ್ಟು ತಿನ್ನುವ ಬೀದಿ ತಿನಿಸಿಗೆ ಏಕಿಂಥ ಅವಸ್ಥೆ?’ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.

Seeing the lollipop idli circulating in social media was ok, but this one ??! pic.twitter.com/aKArtGMLyb

— Harsh Goenka (@hvgoenka) October 1, 2021

Genius or Stupidity? Garam samosa tuje chocolate khane nahi dega aur thanda chocolate tuje garam samosa khane nahi dega?

— ToneMickrow (@MickrowTone) October 1, 2021