ಸೆಲೆನಾ ಗೋಮೇಝ್​ ಮತ್ತು ರೇಮಾ ಹಾಡಿದ ‘ಕಾಮ್​​ ಡೌನ್​’ಗೆ ತಬಲಾ ಬಾಸ್ಕೆಟ್​ ಬಾಲ್ ಸಾಥಿ

Viral Video : ಹೊಸ ವರ್ಷದ ಮೊದಲ ಸೋಮವಾರ ಹೇಗಿದೆ ನಿಮ್ಮ ಮೂಡ್​​? ಮತ್ತದೇ ಮಂಡೇ ಬ್ಲ್ಯೂಸ್​ ಕಾಡತೊಡಗಿದೆಯಾ? ವೈರಲ್ ಆಗಿರುವ ಈ ವಿಡಿಯೋ ನೋಡಿ. ತಬಲಾ ಕಲಾವಿದರನ್ನು ನೀವು ವೇದಿಕೆ ಮೇಲೆ ನೋಡುತ್ತೀರಲ್ಲವೆ? ಕೊರೊನಾ ಅವಧಿಯಲ್ಲಿ ಟೆರೇಸಿನ ಮೇಲೆ ನೋಡಿದಿರಿ, ಪಾರ್ಕಿನಲ್ಲಿ ನೋಡಿದಿರಿ, ರೈಲಿನಲ್ಲಿ ನೋಡಿದಿರಿ. ಆದರೆ ಬಾಸ್ಕೆಟ್​ ಬಾಲ್​ ಕೋರ್ಟ್​ನಲ್ಲಿ ನೋಡಿದ್ದಿದೆಯೇ? ಈ ಇಬ್ಬರು ಕಲಾವಿದರು ಬಾಸ್ಕೆಟ್​ ಬಾಲ್​ ಕೋರ್ಟ್​ನಲ್ಲಿ ತಬಲಾ ನುಡಿಸುತ್ತ ಬಾಸ್ಕೆಟ್​ ಬಾಲ್​ ಆಡಿದ್ಧಾರೆ.

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

View this post on Instagram

A post shared by NIHAL SINGH (@nihalsinghlive)

ಪಾಪ್ ಗಾಯಕರಾದ ಸೆಲೆನಾ ಗೋಮೇಝ್​ ಮತ್ತು ರೇಮಾ ಅವರ ಪ್ರಸಿದ್ಧ ಹಾಡು  ‘ಕಾಮ್ ಡೌನ್​’ಗೆ ತಬಲಾ ನುಡಿಸಿದವರು ನಿಹಾಲ್​ ಸಿಂಘ್ ಮತ್ತು ಶೋಭಿತ್​ ಬನ್ವೈತ್​. ಈ ಹಾಡು ಈಗಾಗಲೇ ಪ್ರಪಂಚದಾದ್ಯಂತ ಜನಜನಿತವಾಗಿದೆ. ನನ್ನ ಸೋದರ್ ಶೋಭಿತ್​ ಆರು ಗಂಟೆಗಳ ಕಾಲ ವಿಮಾನ ಪ್ರಯಾಣಿಸಿದ. ಆನಂತರ  ದಣಿವಾರಿಸಿಕೊಂಡು ಮನಸ್ಸನ್ನು ಶಾಂತಗೊಳಿಸಿಕೊಳ್ಳಲು ನಾವು ಈ ಐಡಿಯಾ ಮಾಡಿದೆವು ಎಂದು ನೋಟ್ ಬರೆದಿದ್ದಾರೆ ನಿಹಾಲ್​ ಸಿಂಘ್​. ಗೋಮೇಝ್​ ಮತ್ತು ರೇಮಾ ಹಾಡಿರುವ ಈ ಮೂಲ ಹಾಡನ್ನು ಕೇಳಿ.

ಶೋಭಿತ್ ಮತ್ತು ನಿಹಾಲ್​ ನುಡಿಸಿರುವ ತಬಲಾ ಮತ್ತು ಬಾಸ್ಕೆಟ್​ ಬಾಲ್​ನ ಮೋಡಿಯನ್ನು ನೋಡಿದ ನೆಟ್ಟಿಗರು ಉತ್ಸಾಹದಿಂದ ಪ್ರತಿಕ್ರಿಯಿಸಿದ್ದಾರೆ. ಈತನಕ 87,000 ಜನರು ಈ ವಿಡಿಯೋ ಇಷ್ಟಪಟ್ಟಿದ್ದಾರೆ. ಬಹಳ ಚೆನ್ನಾಗಿ ನುಡಿಸಿದ್ದೀರಿ. ಭಾರತೀಯ ಶಾಸ್ತ್ರೀಯ ಸಂಗೀತವು ಪ್ರಪಂಚದ ಯಾವುದೇ ರಾಕ್ ಸಂಗೀತವನ್ನು ಸೋಲಿಸುವಷ್ಟು ಅಮೋಘ ಎಂದಿದ್ಧಾರೆ ಒಬ್ಬರು. ನಿಮ್ಮ ಈ ಜೋಡಿಪ್ರದರ್ಶನಕ್ಕೆ ಒಬ್ಬರು ನರ್ತಕರೂ ಜೊತೆಯಾಗಿದ್ದರೆ ಅತ್ಯದ್ಭುತವಾಗಿರುತ್ತಿತ್ತು ಎಂದಿದ್ಧಾರೆ ಮತ್ತೊಬ್ಬರು.

ಹೊಸ ವರ್ಷವನ್ನು ನಾನು ಈ ವಿಡಿಯೋದಿಂದ ಸ್ವಾಗತಿಸಿದೆ. ಬಹಳ ಆಹ್ಲಾದಕರವಾಗಿದೆ ಈ ವಿಡಿಯೋ ಎಂದಿದ್ದಾರೆ ಮಗದೊಬ್ಬರು. ಇಂಥ ನಿಮ್ಮ ಪ್ರಯೋಗಗಳು ಮತ್ತಷ್ಟು ಹೆಚ್ಚಲಿ ಎಂದಿದ್ದಾರೆ ಅನೇಕರು.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 10:58 am, Mon, 2 January 23