Video: ಚೆಂಡಾಟ ಆಡೋದಂದ್ರೆ ಈ ಪುಟಾಣಿ ಆನೆಗೆ ಎಷ್ಟು ಇಷ್ಟ ನೋಡಿ
ಪುಟ್ಟ ಮಕ್ಕಳಿಗೆ ಚೆಂಡು ಕೊಟ್ಟರೆ ಖುಷಿಯಿಂದಲೇ ಆಡುತ್ತಾರೆ. ಆದರೆ ಇಲ್ಲೊಂದು ಆನೆಯೂ ಉತ್ಸಾಹದಿಂದ ಚೆಂಡಾಟ ಆಡಿದೆ. ಹೌದು, ಚೆಂಡನ್ನು ನೋಡುತ್ತಿದ್ದಂತೆ ತನ್ನ ಪುಟ್ಟ ಕಾಲಿನಿಂದ ಒದೆಯುತ್ತಾ ಆನೆ ಮರಿ ಆಟ ಆಡುವುದರಲ್ಲಿ ಬ್ಯುಸಿಯಾಗಿರುವ ಕ್ಯೂಟ್ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಈ ಕುರಿತಾದ ಸ್ಟೋರಿ ಇಲ್ಲಿದೆ.
ಆನೆಗಳು (elephants) ಏನು ಮಾಡಿದ್ರು ನೋಡೋಕೆ ಖುಷಿಯೆನಿಸುತ್ತವೆ. ಅವುಗಳ ಆಟ ತುಂಟಾಟ ಆಡುವುದನ್ನು ನೋಡುವುದೇ ಚಂದ. ಇದೀಗ ಮರಿಯಾನೆ ಚೆಂಡನ್ನು ಉರುಳಿಸುತ್ತಾ ಚೆಂಡಾಟ ಆಡಿದೆ. ಈ ಪುಟಾಣಿ ಆನೆಯ ಮುದ್ದಾದ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡಿದ್ದು ನೆಟ್ಟಿಗರ ಗಮನ ಸೆಳೆದಿದೆ.
ಖುಷಿಯಾಗಿ ಚೆಂಡಾಟ ಆಡಿದ ಮರಿಯಾನೆ
ಜೈತೂನ್ ಕ್ಯಾಝೆ (zaitunkyzazze) ಹೆಸರಿನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಮರಿಯಾನೆಯ ಮುದ್ದಾದ ವಿಡಿಯೋ ಹಂಚಿಕೊಳ್ಳಲಾಗಿದೆ. ಈ ವಿಡಿಯೋದಲ್ಲಿ ಪುಟಾಣಿ ಆನೆ ಚೆಂಡನ್ನು ನೋಡುತ್ತಿದ್ದಂತೆ ಮೆಲ್ಲನೆ ತನ್ನ ಕಾಲಿನಲ್ಲಿ ಒದೆಯುತ್ತಾ ಆಟ ಆಡುತ್ತಿದೆ. ಅಲ್ಲೇ ಇದ್ದವರು ಈ ಮರಿಯಾನೆಯ ಆಟ ನೋಡಿ ನಗುತ್ತಿದ್ದಾರೆ.
ವೈರಲ್ ವಿಡಿಯೋ ಇಲ್ಲಿದೆ
ಇದನ್ನೂ ಓದಿ: ಮರದ ಬೇಲಿ ದಾಟಲು ಹೋಗಿ ಮುಗ್ಗರಿಸಿ ಬಿದ್ದ ಮರಿಯಾನೆ, ವೈರಲ್ ಆಯ್ತು ದೃಶ್ಯ
ಈ ವಿಡಿಯೋ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಒಬ್ಬ ಬಳಕೆದಾರ, ಕ್ಯೂಟ್ ಎಂದರೆ, ಮತ್ತೊಬ್ಬರು ಆಟ ಆಡುವುದರಲ್ಲಿ ಮಕ್ಕಳನ್ನೇ ಮೀರಿಸುತ್ತಿದೆ ಎಂದಿದ್ದಾರೆ. ಇನ್ನೊಬ್ಬರು, ಈ ಪುಟಾಣಿ ಆನೆಗೆ ಚೆಂಡು ಕಂಡೊಡನೆ ಎಷ್ಟು ಖುಷಿ ನೋಡಿ ಎಂದು ಕಾಮೆಂಟ್ ನಲ್ಲಿ ಹೇಳಿದ್ದಾರೆ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ