ದಿನಕ್ಕೆ 14 ಗಂಟೆ ದುಡಿದ್ರೂ ಮಧ್ಯರಾತ್ರಿ ಫೋನ್​​ ಮಾಡಿ ಕಿರುಕುಳ ನೀಡಿದ ಮ್ಯಾನೇಜರ್‌

ಸಾಮಾಜಿಕ ಜಾಲತಾಣದಲ್ಲಿ ಕೆಲಸದ ಅವಧಿಯ ಬಗ್ಗೆ ಪ್ರತಿದಿನ ಚರ್ಚೆಗಳು ನಡೆಯುತ್ತ ಇರುತ್ತದೆ. ಇದೀಗ ಇಲ್ಲೊಂದು ಪೋಸ್ಟ್​​​ ಭಾರೀ ಚರ್ಚೆಗೆ ಕಾರಣವಾಗಿದೆ. 24 ವರ್ಷದ ಮಹಿಳೆಯೊಬ್ಬರು ತಮ್ಮ ಕೆಲಸ ಸ್ಥಳದಲ್ಲಿ ನಡೆದ ಕೆಟ್ಟ ಅನುಭವದ (workplace harassment) ಬಗ್ಗೆ ಹಂಚಿಕೊಂಡಿದ್ದಾರೆ. ಟೀಮ್​​​​ ಮ್ಯಾನೇಜರ್​​​ 14 ಗಂಟೆ ಕೆಲಸ ಮಾಡಿದ ನಂತರವೂ ಬೆಳಗಿನ ಜಾವ 2.45ಕ್ಕೆ ಮತ್ತೆ ಮೆಸೇಜ್​ ಮಾಡಿ ಕಾಟ ನೀಡಿದ್ದಾರೆ ಎಂದು ಈ ಪೋಸ್ಟ್​​​ನಲ್ಲಿ ಹಂಚಿಕೊಂಡಿದ್ದಾರೆ. ಕಂಪನಿಗಳಲ್ಲಿ ಆಗುವ ಇಂಥಹ ಘಟನೆಗಳಿಗೆ ನೆಟ್ಟಿಗರು ಕೂಡ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಈ ಪೋಸ್ಟ್​​ನ್ನು ಮಹಿಳೆ ರೆಡ್ಡಿಟ್​​​ನಲ್ಲಿ ಹಂಚಿಕೊಂಡಿದ್ದಾರೆ.

ಈ ರೀತಿಯ ಧೋರಣೆಗಳು ಕೆಲಸದ ಮೇಲೆ ಕೆಟ್ಟ ಪರಿಣಾಮವನ್ನು ಉಂಟು ಮಾಡುತ್ತದೆ ಹಾಗೂ ಮಾನಸಿಕ ಹಾನಿಯನ್ನು ಉಂಟು ಮಾಡುತ್ತದೆ ಎಂದು ಮಹಿಳೆ ಹೇಳಿದ್ದಾರೆ. ಮಹಿಳೆ ಪೋಸ್ಟ್​​​ನಲ್ಲಿ ಹೀಗೆ ಹಂಚಿಕೊಂಡಿದ್ದಾರೆ. “ಕಳೆದ ಎರಡು ವಾರಗಳಿಂದ ನಾನು 14 ಗಂಟೆಗಳ ಕಾಲ ಕೆಲಸ ಮಾಡುತ್ತಿದ್ದೇನೆ. ಶನಿವಾರ–ಭಾನುವಾರ ಕೂಡ ಕೆಲಸ ಮಾಡಿದ್ದಾನೆ. ಅದ್ರೂ ನನ್ನ ಮ್ಯಾನೇಜರ್​​​ಗೆ ತೃಪ್ತಿ ಇಲ್ಲ. ಬೆಳಿಗ್ಗೆ 2:45 ಕ್ಕೆ ಮೆಸೇಜ್ ಮಾಡಿ, ಕೆಲಸದ ಬಗ್ಗೆ ಅಪ್ಡೇಟ್​​​ ಕೇಳಿದ್ದಾರೆ. ಇದಕ್ಕೆ ನೀವು ಈಗಲೇ ಉತ್ತರಿಸಿ ಎಂದು ಹೇಳಿದ್ದಾರೆ. ಆದರೆ ನಾನು ಆಗ ನಿದ್ರೆ ಮಾಡುತ್ತಿದ್ದ ಕಾರಣ, ಅವರ ಮೆಸೇಜ್​​ಗೆ​​ ಉತ್ತರಿಸಿಲ್ಲ. ಈ ಕೋಪಕ್ಕೆ ಅವರು ನನ್ನನ್ನು ಬಾಯಿಗೆ ಬಂದಂತೆ ಬೈದಿದ್ದಾರೆ. ಜತೆಗೆ ನಾನೇ ಕ್ಷಮೆ ಕೇಳಬೇಕು ಎಂದು ಅಹಂಕಾರದಲ್ಲಿ ಮಾತನಾಡಿದ್ದಾರೆ.” ಎಂದು ಹೇಳಿದ್ದಾರೆ.

ಮಹಿಳೆ ಮ್ಯಾನೇಜರ್​​ ಬಗ್ಗೆ ಕಂಪನಿಯ ಉತನ್ನ ಅಧಿಕಾರಿಗಳಿಗೆ ದೂರು ನೀಡಿದ್ರೂ ಯಾವುದೇ ಪ್ರಯೋಜನ ಆಗಿಲ್ಲ. ಯಾಕೆಂದರೆ ಮ್ಯಾನೇಜರ್​​​ ಪ್ರಭಾವಿ ಸ್ಥಾನದಲ್ಲಿ ಇರುವ ಕಾರಣ ಅಲ್ಲಿ ಯಾವ ದೂರಿಗೂ ಬೆಲೆ ಇರಲಿಲ್ಲ. ಈ ರೀತಿಯ ಧೋರಣೆಗಳು ಮಾಸಿನಕವಾಗಿ ಕುಗ್ಗಿಸುತ್ತದೆ ಎಂದು ಮಹಿಳೆ ಹೇಳಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ನೆಟ್ಟಿಗರು ಕೂಡ ತಮ್ಮ ಅನುಭವವನ್ನು ಹಂಚಿಕೊಂಡಿದ್ದಾರೆ. ಈ ಮ್ಯಾನೇಜರ್​​ ಈಗಲೇ ರಾಜೀನಾಮೆ ನೀಡಬೇಕು ಎಂದು ಒತ್ತಾಯಿಸಿದ್ದಾರೆ.

ಇದನ್ನೂ ಓದಿ:  ಸಂಬಂಧಗಳ ನಡುವಿನ ರಹಸ್ಯ ಬಿಡಿಸಲು ಇಲ್ಲಿದೆ ಪ್ರಶ್ನೆ; ಈ ಒಗಟು ಬಿಡಿಸಿದ್ರೆ ನೀವು ಬುದ್ಧಿವಂತರು

ವೈರಲ್​​​​ ಪೋಸ್ಟ್​​ ಇಲ್ಲಿದೆ ನೋಡಿ:

My lead expects me to reply at 2:45 AM after a 14-hour day — I’m done byu/Ill-Amphibian-3117 inIndianWorkplace

ಇಲ್ಲೊಬ್ಬರು ತಮ್ಮ ಕೆಲಸದ ಸ್ಥಳದಲ್ಲಾದ ಕಹಿ ಅನುಭವವನ್ನು ಈ ಪೋಸ್ಟ್​ನ ಕೆಳಗೆ ಹಂಚಿಕೊಂಡಿದ್ದಾರೆ. “ನನ್ನ ಕಂಪನಿಗಳಲ್ಲೂ ಇಂತಹ ಘಟನೆ ನಡೆದಿತ್ತು. ಕಂಪನಿಯಲ್ಲಿ ನನಗೆ ಆಗುವ ಸಮಸ್ಯೆಗಳ ಬಗ್ಗೆ ಪ್ರಾಜೆಕ್ಟ್ ಮ್ಯಾನೇಜರ್​​​ಗೆ ದೂರು ನೀಡಿದೆ. ಆದರೆ ಯಾವುದೇ ಪ್ರಯೋಜನ ಆಗಿಲ್ಲ. ನಂತರ HR ಗೆ ದೂರು ನೀಡಿದೆ. ಅಲ್ಲೂ ಯಾವುದೇ ಪರಿಹಾರ ಸಿಕ್ಕಿಲ್ಲ. ನಂತರ ಮುಂಬೈ ಹೆಡ್​​​ ಆಫೀಸ್​​​ಗೆ ದೂರು ನೀಡಿದೆ. ಮುಂಬೈ ಹೆಡ್​​​ ಆಫೀಸ್​​​ನಿಂದ ನನಗೆ ಒಂದು ಇಮೇಲ್​​ ಬಂತು, ಸ್ವಲ್ಪ ದಿನ ಕಾಯಿರಿ, ಎಲ್ಲವನ್ನು ಸರಿ ಮಾಡುವ ಎಂದು ಹೇಳಿದ್ರು, ಆದರೆ ನನ್ನ ತಂಡವನ್ನೇ ಬದಲಾವಣೆ ಮಾಡುವಂತೆ ಒತ್ತಾಯಿಸಿದ್ರು, ಅದನ್ನು ಕೂಡ ಮಾಡಿದೆ. ಕೊನೆಗೆ ಅಲ್ಲಿ ಕೆಲಸ ಮಾಡಲು ಸಾಧ್ಯವಾಗದೆ, ನಾನು ರಾಜೀನಾಮೆ ನೀಡಿ ಹೊರ ಬಂದೆ” ಎಂದು ಹೇಳಿಕೊಂಡಿದ್ದಾರೆ.

ವೈರಲ್​​ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ